ദക്ഷിണ കൊറിയയെ ആണവായുധം കൊണ്ട് തകർക്കും –കിം ​ജോ​ങ് ഉ​ൻ

സോ​ൾ: പ്ര​കോ​പി​പ്പി​ച്ചാ​ൽ ആ​ണ​വാ​യു​ധം ഉ​പ​യോ​ഗി​ച്ച് ദ​ക്ഷി​ണ കൊ​റി​യ​യെ ത​ക​ർ​ക്കു​മെ​ന്ന് ഉ​ത്ത​ര കൊ​റി​യ​യു​ടെ നേ​താ​വ് കിം ​ജോ​ങ് ഉ​ൻ. അ​ങ്ങ​നെ​യൊ​രു സാ​ഹ​ച​ര്യ​മു​ണ്ടാ​യാ​ൽ സോ​ളി​ന്റെ​യും ദ​ക്ഷി​ണ കൊ​റി​യ​യു​ടെ​യും അ​ന്ത്യ​മാ​യി​രി​ക്കു​മെ​ന്നും അ​ദ്ദേ​ഹം വ്യ​ക്ത​മാ​ക്കി. ബു​ധ​നാ​ഴ്ച പ്ര​ത്യേ​ക സേ​ന​ വി​ഭാ​ഗ​ത്തെ സ​ന്ദ​ർ​ശി​ക്കു​ന്ന​തി​നി​ടെ​യാ​ണ് കിം ​പ്ര​സ്താ​വ​ന ന​ട​ത്തി​യ​തെ​ന്ന് കൊ​റി​യ​ൻ സെ​ൻ​ട്ര​ൽ വാ​ർ​ത്ത ഏ​ജ​ൻ​സി റി​പ്പോ​ർ​ട്ട് ചെ​യ്തു.

ഉ​ത്ത​ര കൊ​റി​യ ആ​ണ​വാ​യു​ധം ഉ​പ​യോ​ഗി​ച്ചാ​ൽ കിം ​ഭ​ര​ണ​കൂ​ടം ത​ക​രു​മെ​ന്നും ക​ന​ത്ത തി​രി​ച്ച​ടി നേ​രി​ടു​മെ​ന്നും ദ​ക്ഷി​ണ കൊ​റി​യ പ്ര​സി​ഡ​ന്റ് യൂ​ൻ സു​ക് യോ​ൾ മു​ന്ന​റി​യി​പ്പ് ന​ൽ​കി​യ​തി​ന്റെ മ​റു​പ​ടി​യാ​യാ​ണ് കി​മ്മി​ന്റെ ഭീ​ഷ​ണി. ചൊ​വ്വാ​ഴ്ച ഹ്യൂ​ൻ​മൂ-5 ബാ​ലി​സ്റ്റി​ക് മി​സൈ​ൽ ഉ​ൾ​പ്പെ​ടെ അ​ത്യാ​ധു​നി​ക ആ​യു​ധ​ങ്ങ​ൾ പു​റ​ത്തി​റ​ക്കു​ന്ന​തി​നി​ടെ​യാ​യി​രു​ന്നു ദ​ക്ഷി​ണ കൊ​റി​യ പ്ര​സി​ഡ​ന്റി​​ന്റെ പ്ര​സ്താ​വ​ന. യൂ​ൻ സു​ക് യോ​ളി​നെ പാ​വ​യെ​ന്ന് വി​ശേ​ഷി​പ്പി​ച്ച കിം, ​ആ​ണ​വാ​യു​ധ​ങ്ങ​ൾ കൈ​വ​ശ​മു​ള്ള ഒ​രു രാ​ജ്യ​ത്തി​ന്റെ വാ​തി​ൽ​പ്പ​ടി​യി​ൽ സൈ​നി​ക ശ​ക്തി​യെ​ക്കു​റി​ച്ച് അ​ദ്ദേ​ഹം വീ​മ്പി​ള​ക്കു​ക​യാ​ണെ​ന്നും പ​രി​ഹ​സി​ച്ചു.