ജപ്പാനിൽ ഉഷ്​ണക്കാറ്റ്​: മരണം 44 ആയി

ടോക്കിയോ: ജപ്പാനിൽ തുടരുന്ന ഉഷ്​ണക്കാറ്റിൽ  മരണം 44 ആയി. ഞായറാഴ്​ച 11 പേർ മരിച്ചതേ​ാടെയാണ്​ വീണ്ടും മരണനിരക്ക്​ ഉയർന്നത്​. ജൂലൈ ഒമ്പതു മുതലാണ്​ അത്യുഷ്​ണത്തെ തുടർന്നുള്ള മരണങ്ങൾ റിപ്പോർട്ട്​ ചെയ്​തു തുടങ്ങിയത്​.

ജപ്പാനിലെ കുമാഗയയിൽ അന്തരീഷ ഉൗഷ്​മാവ്​ 41 ഡിഗ്രി സെൽഷ്യസാണ്​. മറ്റു പ്രദേശങ്ങളിൽ 38 ഡിഗ്രി സെൽഷ്യസും അതിൽ കൂടുതലുമാണ്​ ചൂട്​. നഗരങ്ങളിൽ 12 ഡിഗ്രി സെൽഷ്യസ്​ കൂടി ചൂടു വർധിക്കാൻ സാധ്യതയുള്ളതായി ജപ്പാൻ മീറ്ററോളജിക്കൽ ഏജൻസി അറിയിച്ചു. 

നേരിട്ട്​ സൂര്യപ്രകാശം തട്ടുന്നതും നിർജ്ജലീകരണം തടയുന്നതിനുള്ള മാർഗങ്ങൾ സ്വീകരിക്കാനും അധികൃതർ ജനങ്ങൾക്ക്​ മുന്നറിയിപ്പ്​ നൽകിയിട്ടുണ്ട്​.