ലാൻഡിങ്ങിന് പിന്നാലെ തീപിടിച്ചു; കനേഡിയൻ വിമാനത്തിന്റെ ഞെട്ടിക്കും ദൃശ്യങ്ങൾ പുറത്ത് -വിഡിയോ
text_fields
ഒട്ടാവ: ഹലിഫാക്സ് വിമാനത്താവളത്തിൽ എയർ കാനഡ വിമാനത്തിന് ഭയപ്പെടുത്തുന്ന ലാൻഡിങ്. റൺവേ തൊട്ടതിന് പിന്നാലെ വിമാനത്തിന്റെ ചിറകുകൾക്ക് തീപിടിക്കുകയായിരുന്നു. വിമാനത്തിനെറ ലാൻഡിങ് ഗിയറും തകരാറിലായി. അപകടത്തിൽ ജീവഹാനി ഉണ്ടായതായി റിപ്പോർട്ടുകളില്ല.
എയർ കാനഡ ഓപ്പറേറ്റ് ചെയ്യുന്ന പി.എ.എൽ എയർലൈൻസിന്റെ വിമാനമാണ് അപകടത്തിൽപ്പെട്ടത്. സെന്റ് ജോൺസിനും ഹാലിഫാക്സിനും ഇടയിൽ സർവീസ് നടത്തുന്ന വിമാനമാണ് അപകടത്തിൽപ്പെട്ടത്. ഇതിന്റെ വിഡിയോ ദൃശ്യങ്ങൾ സമൂഹമാധ്യമങ്ങളിലൂടെ വ്യാപകമായി പ്രചരിക്കുന്നുണ്ട്.
ദക്ഷിണ കൊറിയയിൽ ലാൻഡിങ്ങിനിടെ ഉണ്ടായ വിമാനാപകടത്തിൽ മരണസംഖ്യ 179 ആയി ഉയർന്നു. രണ്ടു യാത്രക്കാരെ രക്ഷപ്പെടുത്തി. രക്ഷപ്പെട്ടവരുടെ ആരോഗ്യനില അതീവ ഗുരുതരമാണെന്ന് യോനാപ് ന്യൂസ് ഏജൻസി റിപ്പോർട്ട് ചെയ്യുന്നു.
വിമാന ജീവനക്കാരനെയും യാത്രക്കാരനെയുമാണ് രക്ഷപ്പെടുത്തിയത്. തകർന്ന വിമാനത്തിൽ നിന്ന് യാത്രക്കാരുടെ മൃതദേഹങ്ങൾ പുറത്തെടുക്കാനുള്ള ശ്രമങ്ങൾ പുരോഗമിക്കുകയാണ്.