ലോകത്തെ 45 ശതമാനം പുഷ്പിത സസ്യങ്ങളും വംശനാശ ഭീഷണിയിൽ
text_fields
ലോകത്ത് 45 ശതമാനം പുഷ്പിത സസ്യങ്ങളും വംശനാശ ഭീഷണി നേരിടാൻ സാധ്യതയുണ്ടെന്ന് പഠനം. പൈനാപ്പിളിലെ വിവിധ ഇനങ്ങളും ഓർക്കിഡുകളും വംശനാശ ഭീഷണി നേരിടുന്നവയിൽ ഉൾപ്പെടും. ലോകമെമ്പാടുമുള്ള 200ലധികം ഗവേഷകരുടെ നേതൃത്വത്തില്‍ ക്യൂവിലെ റോയല്‍ ബൊട്ടാണിക് ഗാര്‍ഡന്‍സിന്റെ സ്റ്റേറ്റ് ഓഫ് ദ വേള്‍ഡ്‌സ് പ്ലാന്റ് ആന്‍ഡ് ഫംഗൈ നടത്തിയ പഠനത്തിലാണ് ഇതുസംബന്ധിച്ച വിവരങ്ങളുള്ളത്.
2020ന് ശേഷം 19,000 ഓളം സസ്യങ്ങൾ, ഫംഗസ് എന്നീ വര്‍ഗങ്ങളിൽ 77 ശതമാനവും വംശനാശ ഭീഷണി നേരിട്ടു കൊണ്ടിരിക്കുകയാണ്. ജൈവവൈവിധ്യ നാശം, കാലാവസ്ഥാ മാറ്റം പോലുള്ള ഭീഷണികള്‍ വംശനാശത്തിന് കാരണമാകുന്നതായി ഗവേഷകര്‍ പറഞ്ഞു. പത്തിൽ ഒമ്പത് മരുന്നുകളും ചെടികളിൽ നിന്നാണ് വരുന്നത്. അതുകൊണ്ടു തന്നെ സസ്യങ്ങൾ വംശനാശ ഭീഷണി നേരിടുന്നത് ഭാവിയിലെ മരുന്നുകളുടെ പകുതിയും നഷ്ടപ്പെടാൻ കാരണമാകുമെന്നും ഡോ. ബ്രൗൺ വ്യക്തമാക്കി.