ലാസ് വെഗാസ് സർവകലാശാലയിൽ വെടിവെപ്പ്: മൂന്നുപേർ കൊല്ലപ്പെട്ടു

വാ​ഷിം​ഗ്ട​ൺ: അ​മേ​രി​ക്ക​യി​ലെ ലാ​സ് വെഗാ​സി​ലെ നെ​വാ​ദ സ​ർ​വ​ക​ലാ​ശാ​ല കാ​മ്പ​സി​ല്‍ ബു​ധ​നാ​ഴ്ചയുണ്ടായ വെടിവെപ്പിൽ മൂ​ന്നു​പേ​ർ കൊ​ല്ല​പ്പെ​ട്ടു. പ്രാ​ദേ​ശി​ക സ​മ​യം ഉ​ച്ച​ക്ക് ഒ​ന്നോ​ടെ​യാ​ണ് സം​ഭ​വം. കാ​മ്പ​സി​ലെ​ത്തി​യ അ​ക്ര​മി വെ​ടി​യു​തി​ര്‍​ക്കു​ക​യാ​യി​രു​ന്നു. അ​ക്ര​മി​യെ മ​രി​ച്ച നി​ല​യി​ല്‍ ക​ണ്ടെ​ത്തി​യെ​ന്ന് പൊലീ​സ് അ​റി​യി​ച്ചു.

സം​ഭ​വ​ത്തി​ല്‍ അ​ന്വേ​ഷ​ണം തു​ട​രു​ക​യാ​ണെ​ന്ന് ലാ​സ് വെഗാസ് മെ​ട്രോ​പോ​ളി​റ്റ​ന്‍ പൊ​ലീ​സ് അ​വ​രു​ടെ സോ​ഷ്യ​ല്‍ മീ​ഡി​യ പേ​ജി​ല്‍ കു​റി​ച്ചു. സ​ര്‍​വ​ക​ലാ​ശാ​ല​ക്ക​ക​ത്തെ കെ​ട്ടി​ട​ങ്ങ​ള്‍ ഓ​രോ​ന്നാ​യി പൊ​ലീ​സ് ഒ​ഴി​പ്പി​ച്ച​തി​നെ​ത്തു​ട​ര്‍​ന്ന് ആ​ളു​ക​ളോ​ട് സു​ര​ക്ഷി​ത സ്ഥാ​ന​ങ്ങ​ളി​ല്‍ തു​ട​രാ​ന്‍ സ​ര്‍​വ​ക​ലാ​ശാ​ല അ​ധി​കൃ​ത​ര്‍ നി​ര്‍​ദ്ദേ​ശി​ക്കു​ക​യാ​യി​രു​ന്നു.

വെടിവെപ്പ് നടന്ന സാഹചര്യത്തിൽ ​പ്രദേശത്തെ സർവകലാശാലകൾ ദിവസം മുഴുവൻ അടച്ചിടുകയും അടുത്തുള്ള അന്താരാഷ്ട്ര വിമാനത്താവളത്തിലേക്കുള്ള വിമാനങ്ങൾ നിർത്തിയിരിക്കുകയും ചെയ്തതായി ഫെഡറൽ ഏവിയേഷൻ അഡ്മിനിസ്ട്രേഷൻ അറിയിച്ചു.

2017-ൽ ഒരു സംഗീതോത്സവത്തിനിടെയുണ്ടായ വെടിവെപ്പിൽ 60 പേർ കൊല്ലപ്പെട്ടതോടെ, അമേരിക്കയിലെ ഏറ്റവും വലിയ കൂട്ട വെടിവയ്പ്പി​െൻറ വേദി കൂടിയായിരുന്നു ഈ നഗരം. ഈ വർഷം രാജ്യത്ത് 600-ലധികം കൂട്ട വെടിവപ്പുകൾ രേഖപ്പെടുത്തിയിട്ടുണ്ട്.