പാലത്തിന്​​ മുകളിലിരുന്ന്​ ഭക്ഷണം കഴിക്കാം, അസ്​തമയവും കാണാം; പൊന്നാനിയുടെ മുഖഛായ മാറ്റാനൊരുങ്ങി ഹാങ്ങിങ്​ ബ്രിഡ്​ജ്​

തി​രു​വ​ന​ന്ത​പു​രം: മലപ്പുറം ജില്ലയിലെ പൊ​ന്നാ​നി​യെ​യും പ​ടി​ഞ്ഞാ​റെ​ക്ക​ര​യെ​യും ബ​ന്ധി​പ്പി​ക്കു​ന്ന ഹൗറ മോഡൽ ക​ട​ല്‍പ്പാ​ല​ത്തി​ന് കി​ഫ്ബി​യു​ടെ അം​ഗീ​കാ​രം ല​ഭി​ച്ചു. തി​രു​വ​ന​ന്ത​പു​രം - കാ​സ​ർ​കോ​ട്​ തീ​ര​ദേ​ശ ഇ​ട​നാ​ഴി​യു​ടെ ഭാ​ഗ​മാ​യി നി​ർ​മി​ക്കു​ന്ന പാ​ല​ത്തി​ന് 289 കോ​ടി രൂ​പ​യാ​ണ് അ​നു​വ​ദി​ച്ച​ത്. ഭാ​ര​ത​പ്പു​ഴ അ​റ​ബി​ക്ക​ട​ലി​ല്‍ ചേ​രു​ന്ന പൊ​ന്നാ​നി അ​ഴി​മു​ഖ​ത്തി​ന് കു​റു​കെ​യാ​ണ് ഒ​രു കി​ലോ​മീ​റ്റ​റോ​ളം വ​രു​ന്ന ക​ട​ല്‍പ്പാ​ലം നി​ര്‍മി​ക്കു​ന്ന​ത്.

ഗ​താ​ഗ​ത​ത്തി​ന് പു​റ​മെ ഏ​റെ ടൂ​റി​സം സാ​ധ്യ​ത കൂ​ടി​യു​ള്ള പ​ദ്ധ​തി​യാ​ണി​ത്. ഭാ​ര​ത​പ്പു​ഴ​യോ​ര​ത്തു​കൂ​ടി വ​രു​ന്ന ക​ര്‍മ പു​ഴ​യോ​ര​പാ​ത ക​നോ​ലി ക​നാ​ലി​ന് കു​റു​കെ​യു​ള്ള പാ​ലം ക​യ​റി ഹാ​ര്‍ബ​ര്‍വ​ഴി ഈ ​പാ​ല​ത്തി​ലേ​ക്ക് ക​യ​റാ​നാ​കും.ഇ​വി​ട​ങ്ങ​ളി​ലെ ടൂ​റി​സം സാ​ധ്യ​ത​ക​ള്‍ പ​ര​മാ​വ​ധി ഉ​പ​യോ​ഗ​പ്പെ​ടു​ത്തു​ന്ന പ​ദ്ധ​തി​ക​ളു​ടെ പ്ര​വൃ​ത്തി ന​ട​ന്നു​കൊ​ണ്ടി​രി​ക്കു​ക​യാ​ണ്.

തൂ​ക്കു​പാ​ല​ത്തി​ല്‍ ക​ട​ലി​നോ​ട് അ​ഭി​മു​ഖ​മാ​യി വീ​തി​യി​ല്‍ വാ​ക്​​വേ​യും സ​ഞ്ചാ​രി​ക​ള്‍ക്കി​രി​ക്കാ​നും സൂ​ര്യാ​സ്ത​മ​യം ആ​സ്വ​ദി​ക്കാ​നും ക​ഴി​യു​ന്ന​ത​ര​ത്തി​ലു​ള്ള​താ​ണ് നി​ര്‍ദി​ഷ്​​ട പാ​ലം. പാലത്തിൽ റെസ്​റ്റോറൻറും ആസൂത്രണം ചെയ്​തിട്ടുണ്ട്​.

ബി​യ്യം കാ​യ​ല്‍, ഭാ​ര​ത​പ്പു​ഴ, നി​ള മ്യൂ​സി​യം, മ​റൈ​ന്‍ മ്യൂ​സി​യം, ഇ​ന്‍ഡോ​ര്‍ സ്​​റ്റേ​ഡി​യം ആ​ൻ​ഡ്​ ചി​ല്‍ഡ്ര​ന്‍സ് സ്പോ​ര്‍ട്സ് പാ​ര്‍ക്ക്, ക​ര്‍മ പു​ഴ​യോ​ര​പാ​ത, ക​നോ​ലി ബ്രി​ഡ്ജ്, പൊ​ന്നാ​നി ഹാ​ര്‍ബ​ര്‍, പൊ​ന്നാ​നി അ​ഴി​മു​ഖം, പ​ടി​ഞ്ഞാ​റെ​ക്ക​ര പാ​ര്‍ക്ക്, പ​ടി​ഞ്ഞാ​റെ​ക്ക​ര ബീ​ച്ച് എ​ന്നി​വ​യെ കോ​ര്‍ത്തി​ണ​ക്കി പൊ​ന്നാ​നി ടൂ​റി​സം ട്ര​യാ​ങ്കി​ള്‍ എ​ന്ന പ​ദ്ധ​തി​യു​ടെ പൂ​ര്‍ത്തീ​ക​ര​ണ​വും ഇ​തി​ലൂ​ടെ സാ​ധ്യ​മാ​കു​ന്നു.