ക​സ്ബേ​ഗി​യി​ലെ ത​ണു​ത്ത രാ​ത്രി​യി​ൽ

'നി​ങ്ങ​ൾ റ​ഷ്യ​ക്കാ​ര​നാ​ണോ?' -പൂ​ച്ച​ക്ക​ണ്ണു​ള്ള സു​ന്ദ​രി​ക്കു​ട്ടി​യെ ഒ​ക്ക​ത്ത് വെ​ച്ച് ഒ​രു പെ​ണ്ണ് തു​റി​ച്ച് നോ​ക്കി​ക്കൊ​ണ്ട്​ ചോ​ദി​ച്ചു. തി​ബ്​​ലി​സ്​ ന​ഗ​ര​ത്തി​ൽ റൂം ​തി​ര​ഞ്ഞ് ന​ട​ക്കു​ന്ന​തി​നി​ട​യി​ൽ, ജീ​വി​ത​ത്തി​ൽ ഒ​രി​ക്ക​ൽ പോ​ലും കേ​ൾ​ക്കാ​ൻ സാ​ധ്യ​ത​യി​ല്ലാ​ത്ത ചോ​ദ്യം കേ​ട്ട്​ ഞാ​ൻ സ്ത​ബ്ദ​നാ​യി. 'അ​ല്ല'-​അ​ൽ​പം പ​രി​ഭ്ര​മ​ത്തോ​ടെ ഞാ​ൻ പ​റ​ഞ്ഞു. അ​ല്ലാ​ത്ത​ത്​ നി​ന്‍റെ ഭാ​ഗ്യം എ​ന്ന ഭാ​വ​ത്തോ​ടെ ആ ​സ്ത്രീ​മു​ഖം ക​ന​പ്പി​ച്ചു ത​ന്നെ വെ​ച്ചു.

'ഈ ​ഹോ​ട്ട​ൽ എ​വി​ടെ​യാ​ണെ​ന്ന​റി​യാ​മോ?' -രം​ഗം ഒ​ന്നു മ​യ​പ്പെ​ടു​ത്താ​ൽ ചി​രി മു​ഖ​ത്തൊ​ട്ടി​ച്ച് കൊ​ണ്ട് ഞാ​ൻ ചോ​ദി​ച്ചു. ഒ​ന്ന് പോ​ടാ ...., മ​ട്ടി​ൽ ഒ​ന്നും പ​റ​യാ​തെ അ​വ​ർ തി​രി​ഞ്ഞു നി​ന്നു.

ടൂ​റി​സ്റ്റു​ക​ളു​ടെ ന​ഗ​ര​ത്തി​ൽ രാ​ത്രി​ക​ൾ​ക്ക് എ​ന്നും മാ​റ്റ് കൂ​ടു​ത​ലാ​ണ്, നേ​രം ഇ​രു​ട്ടി വ​രു​മ്പോ​ൾ ത​ണു​പ്പി​നും ഊ​ക്ക് കൂ​ടും. ക​ട​ക​ളെ​ല്ലാം ആ​ഘോ​ഷ രാ​വി​ലേ​ക്കു​ള്ള ഒ​രു​ക്ക​ത്തി​ലാ​ണ്. ഇ​ഷ്ടി​ക കൊ​ണ്ട്​ നി​ർ​മി​ച്ച മ​നോ​ഹ​ര​മാ​യ കെ​ട്ടി​ട​ങ്ങ​ൾ​ക്കി​ട​യി​ലൂ​ടെ ത​ണു​പ്പി​ൽ നി​ന്ന്​ ര​ക്ഷ കി​ട്ടാ​ൻ ഇ​രു കൈ​ക​ളും കോ​ട്ടി​ൽ തി​രു​കി ഞാ​ൻ തി​രി​ഞ്ഞു ന​ട​ന്നു.

എ​ന്നാ​ലും എ​ന്നെ​ക്ക​ണ്ടി​ട്ട് അ​വ​ർ​ക്കെ​ങ്ങ​നെ റ​ഷ്യ​ക്കാ​ര​നാ​യ് തോ​ന്നി ... ആ​ലോ​ചി​ക്കു​ന്തോ​റും ചി​രി വ​ന്നു. എ​ന്നാ​ൽ ആ ​ചോ​ദ്യ​ത്തി​ൽ എ​ല്ലാ​മു​ണ്ടാ​യി​രു​ന്നു. ജോ​ർ​ജി​യ​യും റ​ഷ്യ​യും ത​മ്മി​ലെ സ​ഘ​ർ​ഷ​ഭ​രി​ത​മാ​യ നാ​ളു​ക​ൾ, അ​തി​ലേ​റ്റ ന​ഷ്ട​ങ്ങ​ൾ, പ​ലാ​യ​ന​ങ്ങ​ൾ... ഏ​ത് നി​മി​ഷ​വും റ​ഷ്യ ത​ങ്ങ​ളെ വി​ഴു​ങ്ങി​യേ​ക്കാ​മെ​ന്നും അ​ന്ന് ത​ങ്ങ​ളെ ര​ക്ഷി​ക്കാ​ൻ ആ​രും വ​രി​ല്ലെ​ന്നും ഭ​യ​ന്ന്​ ജീ​വി​ക്കു​ന്ന ഒ​രു ജ​ന​ത​യു​ടെ വി​കാ​ര​മാ​ണ് അ​വ​രെ അ​സ്വ​സ്ഥ​പ്പെ​ടു​ത്തി​യ​ത്.

പു​റ​പ്പാ​ട്

യു.​എ.​ഇ​യി​ൽ​താ​മ​സി​ക്കു​ന്ന ഏ​തൊ​രു പ്രാ​വാ​സി​യു​ടെ​യും സ്വ​പ്ന​മാ​ണ്​ കു​റ​ഞ്ഞ നി​ര​ക്കി​ൽ വി​ദേ​ശ യാ​ത്ര​ക​ൾ പോ​വു​ക എ​ന്ന​ത്. എ​ന്നാ​ൽ ടൂ​ർ പാ​ക്കേ​ജു​ക​ൾ പ​ല​പ്പോ​ഴും സാ​ധാ​ര​ണ​ക്കാ​ർ​ക്ക് താ​ങ്ങാ​നാ​വി​ല്ല. അ​ത് ത​ന്നെ​യും പ​ല​പ്പോ​ഴും വി​മാ​ന ടി​ക്ക​റ്റും ഹോ​ട്ട​ലും മാ​ത്ര​മാ​യി​രി​ക്കും പാ​ക്കേ​ജി​ൽ. എ​ന്നാ​ൽ, അ​വ​സ​ര​ങ്ങ​ളു​ടെ പ​റു​ദീ​സ​യാ​യ ഇ​മാ​റാ​ത്തി​ൽ നി​ന്ന് ചു​രു​ങ്ങി​യ ചി​ല​വി​ൽ മ​നോ​ഹ​ര​മാ​യ ധാ​രാ​ളം വി​ദേ​ശ​യാ​ത്ര​ക​ൾ പോ​കാ​ൻ ക​ഴി​യും.

കു​റ​ഞ്ഞ ചെ​ല​വി​ൽ ജോ​ർ​ജി​യ പോ​ക​ണം എ​ന്ന​ത്​ ഞ​ങ്ങ​ൾ അ​ഞ്ച്​ 'യൂ​ത്ത്​ ട്രാ​വ​ൽ' സു​ഹൃ​ത്തു​ക്ക​ളു​ടെ ആ​ഗ്ര​ഹൃ​മാ​യി​രു​ന്നു. അ​ത്​ പൂ​ർ​ത്തി​യാ​യ സ​ന്തോ​ഷ​ത്തി​ലാ​ണ് ഈ ​എ​ഴു​ത്ത്. കു​റ​ഞ്ഞ ബ​ഡ്ജ​റ്റു​ള്ള സാ​ധാ​ര​ണ​ക്കാ​ർ​ക്ക് പോ​ലും ഒ​ന്ന് പ്ലാ​ൻ ചെ​യ്താ​ൽ വി​ദേ​ശ യാ​ത്ര​ക​ൾ സാ​ധ്യ​മാ​ണ്.

അ​ബൂ​ദ​ബി​യി​ൽ നി​ന്നു​ള്ള വി​സ് എ​യ​ർ ധാ​രാ​ളം രാ​ജ്യ​ങ്ങ​ളി​ലേ​ക്ക്​ കു​റ​ഞ്ഞ നി​ര​ക്കി​ൽ സ​ർ​വീ​സ്​ ന​ട​ത്തു​ന്നു​ണ്ട്. ടി​ക്ക​റ്റ്​ നി​ര​ക്ക് കു​റ​വു​ള​ള ഒ​രു വ്യാ​ഴാ​ഴ്ച ഞ​ങ്ങ​ൾ കു​തൈ​സി​യി​ലേ​ക്ക്​ ടി​ക്ക​റ്റു​ക​ൾ ബു​ക്ക്ചെ​യ്തു. മൂ​ന്ന് ദി​വ​സം ക​റ​ങ്ങാ​നു​ള്ള പ്ലാ​ൻ ത​യ്യാ​റാ​ക്കി​യ ശേ​ഷം കു​തൈ​സി, ക​സ്​​ബേ​ഗി, തി​ബ്​​ലി​സ് എ​ന്നി​വി​ട​ങ്ങ​ളി​ൽ ബു​ക്കിം​ഗ് ഡോ​ട്ട് കോ​മി​ൽ താ​മ​സ​വും റെ​ഡി​യാ​ക്കി.

ധാ​രാ​ളം റെ​ന്‍റ്​ എ ​കാ​ർ സം​വി​ധാ​ന​ങ്ങ​ൾ ല​ഭ്യ​മാ​യ കു​തെ​സി​യി​ൽ നി​ന്ന് ത​ന്നെ മൂ​ന്ന്​ ദി​വ​സ​ത്തേ​ക്ക് കാ​റും ബു​ക്ക്ചെ​യ്തു. അ​ബൂ​ദ​ബി​യി​ൽ​നി​ന്ന് നാ​ല്​ മ​ണി​ക്കൂ​ർ പ​റ​ന്ന്​ കു​തൈ​സി​യി​ൽ 10 മ​ണി​യോ​ടെ വി​മാ​ന​മി​റ​ങ്ങി.

സാ​കി എ​ന്നാ​ണ​യാ​ളു​ടെ​പേ​ര്. ആ​രോ​ഗ്യ ദ്യ​ഢ​ഗാ​ത്ര​നാ​യ ഒ​രു ചെ​റു​പ്പ​ക്കാ​ര​ൻ. സൗ​മ്യ​മാ​യി പെ​രു​മാ​റു​ന്ന​വ​ൻ. ഞ​ങ്ങ​ളെ​ത്തു​മ്പോ​ഴേ​ക്ക് അ​യാ​ൾ കാ​റും കൊ​ണ്ട് എ​യ​ർ​പോ​ർ​ട്ടി​ൽ കാ​ത്തി​രി​ക്കു​ന്നു​ണ്ടാ​യി​രു​ന്നു. ഞ​ങ്ങ​ളെ സ്വാ​ഗ​തം​ചെ​യ്ത് കു​തൈ​സി ന​ഗ​രം വ​രെ വ​ന്ന് വ​ണ്ടി ഞ​ങ്ങ​ളെ ഏ​ൽ​പി​ച്ച്​ സാ​കി പോ​യി. അ​ന്ന് ആ ​ന​ഗ​ര​ത്തി​ൽ നേ​ര​ത്തേ ബു​ക്ക്ചെ​യ്ത സ്റ്റേ​യി​ൽ താ​മ​സി​ച്ച്​ രാ​വി​ലെ ക​സ്ബേ​ഗി​യി​ലേ​ക്ക് പു​റ​പ്പെ​ട്ടു.

ക​സ്​​ബേ​ഗി

കാ​ക്ക​സ്​ മ​ല​നി​ര​ക​ൾ ക​രി​ങ്ക​ട​ലി​നും കാ​സ്പി​യ​ൻ ക​ട​ലി​നും ഇ​ട​യി​ൽ തീ​ർ​ത്ത മ​നോ​ഹ​ര​മാ​യ തോ​ട്ട​മാ​ണ്​ ജോ​ർ​ജി​യ. യൂ​റോ​പ്പി​ലെ ത​ന്നെ ഏ​റ്റ​വും വ​ലി​യ കൊ​ടു​മു​ടി മൗ​ണ്ട് എ​ൽ ബ്ര​സ് ഈ ​മ​ല​നി​ര​ക​ളി​ൽ ത​ല​യു​യ​ർ​ത്തി നി​ൽ​ക്കു​ന്നു. തി​ബ്​​ലി​സ്​ ന​ഗ​ര​ത്തി​ൽ താ​മ​സി​ച്ച്​ കാ​സ്​​ബേ​ഗി സ​ന്ദ​ർ​ശി​ച്ച്​ തി​രി​ച്ച് പോ​രു​ന്ന​താ​ണ്​ പൊ​തു​വെ ടൂ​റി​സ്റ്റു​ക​ളു​ടെ രീ​തി. ഞ​ങ്ങ​ൾ താ​മ​സ​ത്തി​ന്​ തെ​ര​ഞ്ഞെ​ടു​ത്ത​ത്​ കാ​സ്ബേ​ഗി ആ​യി​രു​ന്നു.

വ​സ​ന്ത കാ​ല​മാ​യ​തി​നാ​ൽ പ​ല വി​ധ വ​ർ​ണ​ങ്ങ​ളാ​ൽ അ​ല​ങ്ക​രി​ച്ച പോ​ലെ മ​ര​ങ്ങ​ളും തു​ടു​ത്തു നി​ൽ​ക്കു​ന്ന ആ​പ്പി​ളു​ക​ളും മ​ധു​ര​മൂ​റു​ന്ന സ​വ​ർ​ജി​ൽ തോ​ട്ട​ങ്ങ​ളും കൊ​ണ്ട് കൊ​ച്ചു സ്വ​ർ​ഗ​മാ​യി​ട്ടു​ണ്ടാ​യി​രു​ന്നു ക​സ്ബേ​ഗി. ഇ​രു വ​ശ​വും മ​ഞ്ഞ​ണി​ഞ്ഞ മ​ല​നി​ര​ക​ൾ​ക്കി​ട​യി​ൽ ചെ​റി​യ ഒ​രു താ​ഴ്‌​വാ​രം. മ​ര​ത്ത​ടി കൊ​ണ്ട് നി​ർ​മി​ച്ച 'A' രൂ​പ​ത്തി​ലു​ള്ള വി​ല്ല​യി​ലാ​ണ് ഞ​ങ്ങ​ളു​ടെ താ​മ​സം.

അ​തി​ൽ ഒ​രു മു​റി പൂ​ർ​ണ​മാ​യും ഗ്ലാ​സ് കൊ​ണ്ട് നി​ർ​മി​ച്ച​തും. വ​ശ​ത്തേ​ക്ക് ചെ​രി​ഞ്ഞു കി​ട​ന്നാ​ൽ തൊ​ട്ട​ടു​ത്താ​യി മ​ഞ്ഞു തൊ​പ്പി​യി​ട്ട​മ​ല​ക​ളും പൂ​ർ​ണ​ച​ന്ദ്ര​നും ക​ൺ നി​റ​യെ മ​നം നി​റ​യെ കാ​ണാം. ഒ​രു​പാ​ട് വ​ര​ണ്ട കാ​ല​ത്തേ​ക്ക് ഓ​ർ​ത്ത് വെ​ക്കാ​ൻ ആ ​കാ​ഴ്ച മ​നം നി​റ​യെ​ക​ണ്ട്കു​റേ നേ​രം കി​ട​ന്നു.

സ​മ്മ​റി​ലും ന​ല്ല മ​രം കോ​ച്ചു​ന്ന ത​ണു​പ്പാ​ണ് ഇ​വി​ടു​ത്തെ രാ​ത്രി​ക​ൾ​ക്ക്. വി​ശീ​യ​ടി​ക്കു​ന്ന കാ​റ്റി​നു മു​ന്നി​ൽ ജാ​ക്ക​റ്റു​ക​ളൊ​ക്കെ പ​രാ​ജ​യ​പ്പെ​ടു​ന്ന​ത് പോ​ലെ തോ​ന്നി. ചൂ​ടു​ള്ള കാ​പ്പി​യും കു​ടി​ച്ച്, പാ​ട്ട് പാ​ടി, സൊ​റ​പ​റ​ഞ്ഞി​രു​ന്നു. എ​ന്തി​നെ​ന്ന​റി​യി​ല്ലെ​ങ്കി​ലും ഒ​ന്നി​നും സ​മ​യ​മി​ല്ലാ​തെ ഓ​ടു​ന്ന ന​ഗ​ര​ത്തി​ന്‍റെ തി​ര​ക്കി​ൽ നി​ന്നും ആ​വോ​ളം സ​മ​യ​മു​ള​ള ഈ​മ​ല​മു​ക​ളി​ൽ വ​ന്നി​രു​ന്ന​പ്പോ​ൾ ഇ​പ്പോ​ൾ ഞാ​ൻ ജീ​വി​ച്ചി​രി​ക്കു​ന്നു, ജീ​വ​നു​ള​ള ഓ​രോ നി​മി​ഷ​വും ഞാ​ൻ അ​നു​ഭ​വി​ക്കു​ന്നു എ​ന്ന്​ തോ​ന്നി.

നേ​രം വെ​ളു​ത്ത​പ്പോ​ഴും ത​ണു​പ്പി​ന് വ​ലി​യ കു​റ​വൊ​ന്നു​മി​ല്ല എ​ന്നാ​ലും ഒ​ന്ന് ക​റ​ങ്ങാ​നി​റ​ങ്ങാ​ൻ തീ​രു​മാ​നി​ച്ചു. റ​ഷ്യ - ജോ​ർ​ജി​യ ബോ​ർ​ഡ​റി​ലേ​ക്ക് ഇ​വി​ടെ നി​ന്ന് വ​ലി​യ ദൂ​ര​മൊ​ന്നു​മി​ല്ല. ചെ​ങ്കു​ത്താ​യ പാ​റ​ക്കെ​ട്ടു​ക​ൾ​ക്കി​ട​യി​ലൂ​ടെ വ​ള​ഞ്ഞ് പു​ള​ഞ്ഞ് പോ​കു​ന്ന വ​ഴി​യി​ലൂ​ടെ നീ​ങ്ങി അ​തി​ർ​ത്തി​യി​ലെ​ത്തി.

ഇ​രു വ​ശ​വും ആ​കാ​ശം മു​ട്ടു​ന്ന മ​ല​ക​ൾ​ക്കി​ട​യി​ൽ ഒ​രു​ചെ​റി​യ ഇ​ടം. ഒ​റ്റ നോ​ട്ട​ത്തി​ൽ ഡ്രാ​ക്കു​ള കോ​ട്ട​യു​ടെ ക​വാ​ടം പോ​ലെ ഭീ​തി തോ​ന്നു​ന്ന ഒ​രി​ടം. രാ​വി​ലെ ആ​യ​തി​നാ​ൽ ന​ല്ല മൂ​ട​ൽ മ​ഞ്ഞു​ണ്ട്. മു​ക​ളി​ലേ​ക്ക് നോ​ക്കു​മ്പോ​ൾ മ​ല​മു​ക​ളി​ലെ മ​ഞ്ഞി​ൽ ത​ട്ടി പ്ര​ഭാ​ത വെ​ളി​ച്ചം വെ​ട്ടി​ത്തി​ള​ങ്ങു​ന്നു. ഈ ​മ​ല​നി​ര​ക​ൾ​ക്ക​പ്പു​റ​ത്താ​ണ​ല്ലോ റ​മ​ദാ​ൻ ക​ദി​റോ​വി​ന്‍റെ ചെ​ച്നി​യ​യും യു.​എ​ഫ്.​സി ലോ​ക ചാ​മ്പ്യ​ൻ ക​ബീ​ബി​ന്‍റെ ദാ​ഗി​സ്ഥാ​നും എ​ന്ന് വെ​റു​തേ ഓ​ർ​ത്തു പോ​യി.

തി​ബ​ലി​സി​ൽ നി​ന്ന് വ​രു​മ്പോ​ൾ ഓ​രോ വ​ള​വി​ലും ഒ​രു ട്ര​ക്ക് നി​ങ്ങ​ൾ​ക്കെ​തി​രെ വ​രും. എ​വി​ടെ നി​ന്നാ​ണ് ഇ​ത്ര​യും ട്ര​ക്കു​ക​ൾ എ​ന്ന അ​തി​ശ​യം അ​വ​സാ​നി​ച്ച​ത് ഈ ​മ​ല​യി​ടു​ക്കി​ലാ​ണ്. ജോ​ർ​ജി​യ​ൻ ജ​ന​ത​യു​ടെ ജീ​വി​ത​ത്തി​ൽ ഈ ​അ​തി​ർ​ത്തി​ക്ക്​ വ​ലി​യ പ്രാ​ധാ​ന്യ​മു​ണ്ട്. ഞ​ങ്ങ​ൾ എ​ത്തു​ന്ന​തി​ന്‍റെ ആ​ഴ്ച​ക​ൾ​ക്ക് മു​മ്പാ​ണ്​ റ​ഷ്യ​യി​ൽ നി​ന്ന് ആ​യി​ര​ങ്ങ​ൾ ഈ ​അ​തി​ർ​ത്തി ക​ട​ന്ന് ജോ​ർ​ജി​യ​യി​ലേ​ക്ക് വ​ന്ന​ത്. റ​ഷ്യ​യി​ലെ നി​ർ​ബ​ന്ധി​ത സെ​നി​ക ജോ​ലി​യി​ൽ നി​ന്നും മ​റ്റും ര​ക്ഷ​പ്പെ​ടാ​ൻ ആ​യി​രു​ന്നു ഈ ​പ​ലാ​യ​ന​ങ്ങ​ളെ​ങ്കി​ലും ജോ​ർ​ജി​യ​ക്കാ​ർ​ക്ക് ഈ ​വ​ര​വ് അ​ത്ര പി​ടി​ച്ചി​ട്ടി​ല്ല.

ജോ​ർ​ജി​യി​ൽ റ​ഷ്യ​ൻ സ്വാ​ധീ​നം വ​ർ​ധി​ക്കു​മോ ?, നാ​ളെ ഇ​വ​രു​ടെ പേ​രും പ​റ​ഞ്ഞ്​ റ​ഷ്യ വീ​ണ്ടും അ​ക്ര​മി​ക്കു​മോ തു​ട​ങ്ങി നി​ര​വ​ധി ആ​ശ​ങ്ക​ക​ൾ അ​വ​ർ​ക്കു​ണ്ട്. ഈ ​കൂ​ട്ട​ത്തി​ൽ അ​തി​ർ​ത്തി ക​ട​ന്ന് വ​ന്ന​വ​നാ​ണോ ഞാ​ൻ എ​ന്നാ​ണ്​ തി​ബ്​​ലി​സി ന​ഗ​ര​ത്തി​ലെ സ​ത്രീ മു​ഖം ക​ന​പ്പി​ച്ച്​ ചോ​ദി​ച്ച​ത്. ഇ​പ്പോ​ഴാ​ണ് ആ ​ചോ​ദ്യ​ത്തി​ന്‍റെ ആ​ഴ​വും പ​ര​പ്പും ഞാ​ൻ മ​ന​സി​ലാ​ക്കി​യ​ത്.

അ​ധി​ക സ​മ​യം അ​വി​ടെ ചു​റ്റി​ക്ക​റ​ങ്ങാ​ൻ ക​ഴി​യു​മാ​യി​രു​ന്നി​ല്ല. കൈ​ക​ൾ മ​ര​വി​ച്ച്, മൂ​ക്കും മു​ഖ​വും ചു​വ​ന്ന്തു​ടു​ത്തു. ത​ണു​പ്പ് എ​ല്ലി​ന് പി​ടി​ക്കാ​ൻ തു​ട​ങ്ങി​യ​പ്പോ​ൾ ഞ​ങ്ങ​ൾ ക​സ്ബേ​ഗി​യി​ലേ​ക്ക്​ മ​ട​ങ്ങി. ചി​ല​പ്പോ​ൾ തെ​റ്റി​യ വ​ഴി​യും ന​മ്മെ ന​ല്ല ഇ​ട​ങ്ങ​ളി​ലെ​ത്തി​ക്കും എ​ന്ന ആ​പ്ത​വാ​ക്യം പോ​ലെ​യു​ള​ള അ​നു​ഭ​വ​മാ​യി​രു​ന്നു.

പി​ന്നീ​ട് പോ​യ​ത് ക​സ്ബേ​ഗി​യി​ലെ മ​ല​മു​ക​ളി​ലെ പ്ര​സി​ദ്ധ​മാ​യ പ​ള്ളി കാ​ണാ​നാ​യി​രു​ന്നു. പ​ക്ഷെ എ​ത്തി​പ്പെ​ട്ട​ത് അ​തി​ന് എ​തി​ർ വ​ശ​ത്തെ ഒ​രു മ​ല​യി​ൽ. പൈ​ൻ മ​ര​ത്തോ​ട്ട​ങ്ങ​ളോ​ട് ചേ​ർ​ന്ന, കു​തി​ര​ക​ൾ മേ​യു​ന്ന​ഒ​രി​ടം. അ​വി​ടെ നി​ന്നാ​ൽ താ​ഴ്‌​വാ​രം മു​ഴു​വ​ൻ കാ​ണാം. ത​ണു​ത്ത ഇ​ളം കാ​റ്റു വീ​ശു​ന്നു​ണ്ടാ​യി​രു​ന്നു. മേ​ഞ്ഞു ന​ട​ക്കു​ന്ന കു​തി​ര​ക്കു​ട്ടി​ക​ളെ​യും ക​ളി​പ്പി​ച്ച്, മ​ഞ്ഞു​രു​കി​പ്പോ​യ മ​ല​നി​ര​ക​ളെ​യും നോ​ക്കി ഞ​ങ്ങ​ൾ സ​മ​യം ചെ​ല​വ​ഴി​ച്ചു.

ന​ല്ലപോലെ വി​ശ​ക്കു​ന്നു​ണ്ടാ​യി​രു​ന്നു. ഗു​ദോ​രി​യി​ൽ​വെ​ച്ചാ​ണ് ഞ​ങ്ങ​ൾ അ​യാ​ളെ പ​രി​ച​യ​പ്പെ​ട്ട​ത്. മ​ട​ക്ക യാ​ത്ര​യി​ൽ യാ​ദൃ​ശ്ചി​ക​മാ​യാ​ണ് ആ ​ഹോ​ട്ട​ൽ ശ്ര​ദ്ധ​യി​ൽ പെ​ടു​ന്ന​ത്. മാ​ഷാ​അ​ല്ലാ​ഹ്... അ​റേ​ബ്യ​ൻ- ഇ​ന്ത്യ​ൻ റ​സ്റ്റാ​റ​ൻ​റ്. വ​ർ​ഷ​ങ്ങ​ളു​ടെ പ​രി​ച​യ​മു​ള്ള പോ​ലെ​യാ​ണ് അ​യാ​ളു​ടെ പെ​രു​മാ​റ്റം. പാ​കി​സ്ഥാ​നി​യാ​ണ്. ന​ല്ല ഭ​ക്ഷ​ണം ക​ഴി​ച്ച് ഞ​ങ്ങ​ൾ കു​ശ​ലാ​ന്വേ​ഷ​ണം തു​ട​ങ്ങി.

'ഇ​ത് നോ​ക്ക്'- അ​യാ​ൾ ത​ന്‍റെ ഇ​ട​ത് കൈ ​കാ​ണി​ച്ചു. വാ​ള് കൊ​ണ്ട് ക​ഷ്ണം അ​ട​ർ​ത്തി​മാ​റ്റി​യ പോ​ലെ ഒ​രു ചെ​റി​യ മു​റി​വ്.

'മ​ഞ്ഞ് കാ​ല​ത്ത്​ ഗു​ദോ​രി​ക്ക് ഉ​ത്സ​വ കാ​ല​മാ​ണ്'- അ​യാ​ൾ പ​റ​ഞ്ഞു തു​ട​ങ്ങി. 'ഈ ​മ​ല​നി​ര​ക​ളെ​ല്ലാം മ​ഞ്ഞ​ണി​യും. മ​ഞ്ഞ് കാ​ല വി​നോ​ദ​ങ്ങ​ളി​ലേ​ർ​പ്പെ​ടാ​ൻ പ​റ്റി​യ ഏ​റ്റ​വും ന​ല്ല ഒ​രി​ട​മാ​ണ് ഇ​വി​ടം. യൂ​റോ​പ്യ​ൻ​മാ​രും ഏ​ഷ്യ​ക്കാ​രു​മെ​ല്ലാം വ​ന്ന് ഇ​വി​ടെ നി​റ​യും. അ​ന്ന് ന​ല്ല ക​ച്ച​വ​ട​മാ​ണ്'. ഇ​ട​ക്ക് അ​യാ​ളി​ലെ ക​ച്ച​വ​ട​ക്കാ​ര​നു​ണ​ർ​ന്നു.

'അ​ന്ന് സ​ഹി​ക്കാ​ൻ പ​റ്റാ​ത്ത ത​ണു​പ്പാ​ണ്. ഒ​രു ത​ണു​പ്പ് കാ​ലം ത​ന്ന സ​മ്മാ​ന​മാ​ണ് ഈ ​മു​റി​വ്'. ത​ന്‍റെ കൈ​യി​ലേ​ക്ക് നോ​ക്കി ചി​രി​ച്ച് കൊ​ണ്ട​യാ​ൾ പ​റ​ഞ്ഞു. ഒ​ര​ൽ​പം പ​രി​ഭ്ര​മ​ത്തോ​ടെ​യാ​ണ് ഞാ​ന​ത് കേ​ട്ട​ത്. ത​ണു​പ്പി​ന്‍റെ കാ​ഠി​ന്യം മൂ​ലം ശ​രീ​രം വി​ണ്ടു​കീ​റ​ണ​മെ​ങ്കി​ൽ... അ​ത് ഒ​രി​ക്ക​ലും കൂ​ടാ​ത്ത മു​റി​വാ​യി നി​ൽ​ക്ക​ണ​മെ​ങ്കി​ൽ ആ ​ത​ണു​പ്പ് എ​ന്താ​രു​ത​ണു​പ്പാ​യി​രി​ക്കും. ശ​ക്ത​മാ​യ മൂ​ട​ൽ​മ​ഞ്ഞ് കാ​ഴ്ച​ക​ളെ മ​റ​ച്ച​വ​ഴി​ക​ളി​ലൂ​ടെ ഞ​ങ്ങ​ൾ തി​ബ്​​ലി​സ്​ ന​ഗ​രം ല​ക്ഷ്യ​മാ​ക്കി മ​ല​യി​റ​ങ്ങി.

തി​ബ്​​ലി​സ്

ചെ​റി​യ​ചാ​റ്റ​ൽ മ​ഴ​യോ​ടെ​യാ​ണ് അ​ന്ന് ന​ഗ​ര​ത്തി​ൽ നേ​രം വെ​ളു​ത്ത​ത്. രാ​വി​ലെ ത​ന്നെ ത​ണു​പ്പി​ൽ മ​ഴ കൊ​ണ്ടി​ട്ടാ​കാം ന​ഗ​രം ഉ​ണ​രാ​ൻ മ​ടി​ച്ച് നി​ൽ​ക്കു​ന്ന പോ​ലെ തോ​ന്നി. ശാ​ന്ത​മാ​യൊ​ഴു​കു​ന്ന ന​ദി​ക്കി​രു​വ​ശ​വും പ​ട​ർ​ന്ന് പ​ന്ത​ലി​ച്ച തോ​ട്ടം പോ​ലെ​യാ​ണ് ന​ഗ​രം. ന​ഗ​ര മ​ധ്യ​ത്തി​ലെ സ​മാ​ധാ​ന​ത്തി​ന്‍റെ പാ​ല​വും (bridge of Peace) ക​ട​ന്നെ​ത്തി​യ​ത്​ മ​ല​മു​ക​ളി​ലേ​ക്ക് പോ​വു​ന്ന കാ​ബി​ൾ കാ​ർ സ്റ്റേ​ഷ​നി​ലേ​ക്കാ​ണ്. ജോ​ർ​ജി​യ​യു​ടെ അ​ട​യാ​ള​മാ​യ മ​ദ​ർ ഓ​ഫ് ജോ​ർ​ജി​യ നി​ല​കൊ​ള്ളു​ന്ന​തും ഇ​വി​ടെ​യാ​ണ്.

ടി​ക്കെ​റ്റെ​ടു​ത്ത് കാ​ബി​ൾ കാ​ർ ക​യ​റി തി​ബ്​​ലി​സ്​ സ്ന​ഗ​ര​ത്തി​ന് മു​ക​ളി​ലൂ​ടെ പ​തി​യെ അ​ത് ഞ​ങ്ങ​ളെ​യും കൊ​ണ്ട് മു​ക​ളി​ലേ​ക്ക് നീ​ങ്ങി. താ​ഴെ പാ​ല​വും ന​ഗ​ര​വും ന​ദി​യും മ​നോ​ഹ​ര​മാ​യി കാ​ണാം. മി​നു​റ്റു​ക​ൾ മാ​ത്രം നീ​ണ്ട ആ ​യാ​ത്ര 'മ​ദ​ർ ഓ​ഫ് ജോ​ർ​ജി​യ' പ്ര​തി​മ​ക്ക് മു​ന്നി​ൽ അ​വ​സാ​നി​ച്ചു.

സു​ഹൃ​ത്തു​ക്ക​ളാ​യി വ​രു​ന്ന​വ​ർ​ക്ക് ന​ൽ​കാ​ൻ കൈ​യി​ൽ വൈ​നും ശ​ത്രു​ക​ളാ​യി വ​രു​ന്ന​വ​ർ​ക്ക് മ​റു​കൈ​യി​ൽ വാ​ളും പി​ടി​ച്ചു നി​ൽ​ക്കു​ന്ന ഈ ​പ്ര​തി​മ, ക​ഴി​ഞ്ഞ് പോ​യ നാ​ളു​ക​ളി​ൽ ന​ഗ​രം സാ​ക്ഷി​യാ​യ സം​ഘ​ർ​ഷ​ഭ​രി​ത​മാ​യ കാ​ല​ങ്ങ​ളെ ഓ​ർ​മ​പ്പെ​ടു​ന്നു ഇ​വി​ടെ പെ​യ്യു​ന്ന മ​ഞ്ഞി​നും മ​ഴ​ക്കും വീ​ശു​ന്ന​കാ​റ്റി​നും കൊ​ടു​ങ്കാ​റ്റി​നും വെ​യി​ലി​നും ത​ണു​പ്പി​നും സാ​ക്ഷി​യാ​യി അ​തി​ഥി​ക​ളെ സ്വീ​ക​രി​ക്കാ​നും അ​ക്ര​മി​ക​ൾ​ക്ക് താ​ക്കീ​താ​യും ത​ന്‍റെ ചി​റ​കു​ക​ളി​ൽ കു​ഞ്ഞു​ങ്ങ​ളെ സം​ര​ക്ഷി​ക്കു​ന്ന അ​മ്മ ക്കോ​ഴി​യെ​പ്പോ​ലെ ഈ ​അ​മ്മ ന​ഗ​ര​ത്തി​ന് മു​ക​ളി​ൽ ത​ല​യു​യ​ർ​ത്തി നി​ൽ​ക്കു​ന്നു.

തി​ബ്​​ലി​സ്​ ന​ഗ​ര​ത്തി​ലെ മ​റ്റു കാ​ഴ്ച​ക​ളും ക്രോ​ണി​ക്ൾ​സ് ഓ​ഫ് ജോ​ർ​ജി​യ​യും ക​ണ്ട് വൈ​കു​ന്നേ​ര​ത്തോ​ടെ ഞ​ങ്ങ​ൾ കു​തൈ​സി എ​യ​ർ പോ​ർ​ട്ടി​ലേ​ക്ക് തി​രി​ച്ചു.

യാ​ത്ര എ​ങ്ങി​നെ​പ്ലാ​ൻ ചെ​യ്യാം

1. പൊ​തു അ​വ​ധി ദി​ന​ങ്ങ​ളും നോ​ക്കി യാ​ത്ര ചെ​യ്യു​ന്ന പ​തി​വ്​ മാ​റ്റി വി​മാ​ന നി​ര​ക്ക്​ കു​റ​യു​ന്ന സ​മ​യം നോ​ക്കി യാ​ത്ര തീ​യ​തി നി​ശ്​​ച​യി​ക്കു​ക

2. booking.comപോ​ലെ​യു​ള​ള സം​വി ധാ​ന​ങ്ങ​ൾ വ​ഴി അ​ക്ക​മ​ഡേ​ഷ​ൻ ബു​ക്ക് ചെ​യ്യു​ക. ബു​ക്ക് ചെ​യ്യു​ന്ന​തി​ന്‍റെ മു​മ്പ് താ​മ​സ സ്ഥ​ലം ഗൂ​ഗ്​​ൾ മാ​പ്പ്​ നോ​ക്കി ലൊ​ക്കേ​ഷ​ൻ മ​ന​സി​ലാ​ക്കു​ക. കോ​ൺ​ടാ​ക്ട് ഡീ​റ്റേ​ൽ​സ് എ​ടു​ത്ത് അ​വ​രെ ബ​ന്ധ​പ്പെ​ടു​ക. അ​ല്ലെ​ങ്കി​ൽ വ​ർ​ഷ​ങ്ങ​ൾ​ക്ക് മു​മ്പ് പൂ​ട്ടി​പ്പോ​യ സം​വി​ധാ​ന​ങ​ൾ ആ​യി​രി​ക്കും നി​ങ്ങ​ൾ ബു​ക്ക് ചെ​യ്യു​ന്ന​ത്. ജോ​ർ​ജി​യ​യി​ൽ മി​ക്ക​വാ​റും എ​ല്ലാം Booking.com വ​ഴി ത​ന്നെ​യാ​ണ് ന​ട​ക്കു​ന്ന​ത്. ഒ​രി​ക്ക​ലും പ​ണം അ​ട​ച്ച് ബു​ക്ക് ചെ​യ്യ​രു​ത്. ബു​ക്ക് ചെ​യ്ത ശേ​ഷം അ​വ​രെ ബ​ന്ധ​പ്പെ​ട്ട് അ​വി​ടെ എ​ത്തി മു​റി ക​ണ്ട് ഒ.​കെ ആ​ണെ​ങ്കി​ൽ മാ​ത്രം പ​ണം ന​ൽ​കു​ക.

3. സൈ​റ്റു​ക​ൾ വ​ഴി റെ​ന്‍റ് എ ​കാ​ർ ബു​ക്ക് ചെ​യ്യു​ക. അ​വ​രെ​യും നേ​ര​ത്തേ ത​ന്നെ കോ​ൺ​ടാ​ക്ട് ചെ​യ്യു​ക. അ​വ​ർ എ​യ​ർ​പോ​ർ​ട്ടി​ലേ​ക്ക് വ​ണ്ടി കൊ​ണ്ട് വ​ന്നു ത​രും.

മൂ​ന്ന്​ ദി​വ​സം നീ​ണ്ട ജോ​ർ​ജി​യ​ൻ യാ​ത്ര​യി​ൽ കു​തൈ​സി​യി​ലേ​ക്കും തി​രി​ച്ച് അ​ബൂ​ദ​ബി​യി​ലേ​ക്കു​മു​ള​ള വി​മാ​ന ടി​ക്ക​റ്റ്, മൂ​ന്ന്​ ദി​വ​സ​ത്തെ ന​ല്ല നി​ല​വാ​ര​മു​ള​ള താ​മ​സം, വാ​ഹ​നം, അ​തി​ല​ടി​ച്ച പെ​ട്രോ​ൾ എ​ല്ലാം അ​ട​ക്കം ഒ​രാ​ൾ​ക്ക് വ​ന്ന ചെ​ല​വ് 750 ദി​ർ​ഹം.

ഇ​ത്ര​യും കു​റ​ഞ്ഞ സ​ഖ്യ​ക്ക് അ​ന്താ​രാ​ഷ്ട്ര ടൂ​ർ സാ​ധ്യ​മാ​ണെ​ങ്കി​ൽ ഇ​നി​യും എ​ന്തി​ന്​ കാ​ത്തി​രി​ക്ക​ണം. പൊ​ടി പി​ടി​ച്ച ബാ​ഗും മ​ന​സും പൊ​ടി ത​ട്ടി​യെ​ടു​ത്ത് ഒ​ന്നു പോ​യി നോ​ക്കൂ. വീ​ണ്ടു​മൊ​രു​ത​ണു​പ്പ് കാ​ലം വ​ന്നു ചേ​ർ​ന്നി​രി​ക്കു​ന്നു. ക​സ് ബേ​ഗി​യി​ലെ മ​ല​നി​ര​ക​ളി​ൽ ഇ​പ്പോ​ൾ മ​ഞ്ഞ് വീ​ണ് തു​ട​ങ്ങി​യി​ട്ടു​ണ്ടാ​കും. ന​മ്മെ പ​ട​ച്ച​വ​ൻ ന​മു​ക്കാ​യ് പ​ട​ച്ച​തൊ​ക്കെ ഒ​ന്ന് ക​ണ്ട് നോ​ക്കൂ...