'ആപ്പിൾ തുണി' ഏറ്റെടുത്ത്​ ഇലോൺ മസ്​കും; കൊട്ടിയത് സി.ഇ.ഒ​ ടിം കുക്കിനെ

തുർക്കിയുടെ തലസ്ഥാനമായ ഇസ്താംബൂളിൽ പുതുതായി ആരംഭിച്ച ആപ്പിൾ സ്​റ്റോറി​െൻറ വിശേഷം പങ്കുവെച്ചതായിരുന്നു കമ്പനിയുടെ സി.ഇ.ഒ ആയ ടിം കുക്ക്​. 'ഈ ഉൗർജ്ജസ്വലരായ ജനസമൂഹത്തി​െൻറ ഭാഗമാകാൻ കഴിയുന്നതിൽ ഞങ്ങൾ സന്തുഷ്ടരാണ്. കൂടാതെ, ഞങ്ങളുടെ ഗംഭീരമായ പുതിയ ഇടത്തിലേക്ക്​ ആളുകളെ സ്വാഗതം ചെയ്യാൻ അക്ഷമരായി കാത്തിരിക്കുന്നു​. - തുർക്കിയിലെ ആപ്പിൾ സ്​റ്റോറി​െൻറ ചിത്രം പങ്കുവെച്ചുകൊണ്ട്​ ടിം കുക്ക്​ ട്വിറ്ററിൽ കുറിച്ചത്​ ഇങ്ങനെയായിരുന്നു.

എന്നാൽ, കുക്കി​െൻറ അപ്രഖ്യാപിത എതിരാളിയും ടെസ്​ല സി.ഇ.ഒയുമായ ഇലോൺ മസ്​ക്​ ട്വീറ്റിന്​​ മറുപടിയുമായി എത്തി. 'ആപ്പിൾ തുണി കാണാൻ വരൂ' എന്നായിരുന്നു മസ്​കി​െൻറ പരിഹാസരൂപേണയുള്ള മറുപടി. ആപ്പിൾ കഴിഞ്ഞദിവസം 1900 രൂപയ്​ക്ക്​ ലോഞ്ച്​ ചെയ്​ത പോളിഷിംഗ് തുണിയെ ട്രോളുകയായിരുന്നു മസ്​ക്​.

ആപ്പിൾ ഉപകരണങ്ങൾ വൃത്തിയാക്കാനുള്ള മൈക്രോ ഫൈബർ പോളിഷിംഗ് തുണിയാണ്​ കമ്പനി അവതരിപ്പിച്ചിരിക്കുന്നത്​. തങ്ങളുടെ ഉത്​പന്നങ്ങളുടെ ഡിസ്​പ്ലേകൾ വൃത്തിയാക്കാൻ വേണ്ടി മാത്രമായി പ്രത്യേകമായി രൂപകൽപ്പന ചെയ്​ത തുണി, വളരെ പതുപതുത്തതും പോറൽ വരുത്താത്തതുമാണെന്നും ആപ്പിൾ അവകാശപ്പെടുന്നുണ്ട്​. എന്നാൽ, പോളിഷിങ്​ ക്ലോത്തി​െൻറ വിലയെ ചൊല്ലി സമൂഹ മാധ്യമങ്ങളിൽ ടെക്​ ഭീമനെ ട്രോളിക്കൊണ്ട്​ നിരവധി പോസ്റ്റുകളാണ്​ വന്നത്​. അത്​ ഇലോൺ മസ്​കും ഏറ്റെടുക്കുകയായിരുന്നു.

Come see the Apple Cloth ™️

— Elon Musk (@elonmusk) October 22, 2021