പൊ​ന്നു​പോ​ലെ കാ​ത്തി​ടാം; നീ​രീ​ജ് ചോ​പ്ര​യും അ​ർ​ഷ​ദ് ന​ദീ​മും ത​മ്മി​ലെ സൗ​ഹൃ​ദം ആ​ഘോ​ഷി​ച്ച് ലോ​കം

ന്യൂ​ഡ​ൽ​ഹി: ഫീ​ൽ​ഡി​ലും പ​താ​ക​യി​ലും വ​ലി​യ വൈ​ര​ത്തി​ന്റെ ച​രി​ത്രം പേ​റു​മ്പോ​ഴും നീ​ര​ജ് ചോ​പ്ര​യും അ​ർ​ഷാ​ദ് ന​ദീ​മും ത​മ്മി​ൽ ഏ​റെ​യാ​യി സൂ​ക്ഷി​ക്കു​ന്ന​ത് ഉ​റ്റ സൗ​ഹൃ​ദം. 2016ൽ ​ആ​ദ്യ​മാ​യി ജാ​വ​ലി​നി​ൽ മു​ഖാ​മു​ഖം വ​ന്ന​ത് മു​ത​ൽ ഇ​രു​വ​രും അ​ടു​ത്ത​റി​യാം. ഫീ​ൽ​ഡി​ലും പു​റ​ത്തും ഇ​ത് പൂ​ത്തു​ല​ഞ്ഞു​നി​ന്നു. സൗ​ഹൃ​ദം ലോ​ക​മ​റി​ഞ്ഞ​ത് ഒ​ളി​മ്പി​ക്സി​നു​ള്ള ജാ​വ​ലി​ൻ വാ​ങ്ങാ​ൻ അ​ർ​ഷാ​ദ് ന​ദീം സ​മൂ​ഹ മാ​ധ്യ​മ​ത്തി​ലെ​ത്തി​യ​പ്പോ​ഴാ​ണ്. എ​ട്ടു​വ​ർ​ഷ​മാ​യി ഒ​ന്നി​ച്ചു​മ​ത്സ​രി​ക്കു​ന്ന താ​ര​ത്തി​ന് എ​റി​യാ​ൻ ന​ല്ല ജാ​വ​ലി​നി​ല്ലെ​ന്ന​റി​ഞ്ഞ നീ​ര​ജ് രം​ഗ​ത്തെ​ത്തി. ‘‘അ​ർ​ഷാ​ദ് ഒ​രു മി​ക​ച്ച ജാ​വ​ലി​ൻ താ​ര​മാ​ണ്. അ​വ​നെ സ്പോ​ൺ​സ​ർ ചെ​യ്യാ​നും ആ​വ​ശ്യ​മാ​യ​ത് ന​ൽ​കാ​നും ജാ​വ​ലി​ൻ നി​ർ​മാ​ണ ക​മ്പ​നി​ക​ൾ​ക്ക് സ​ന്തോ​ഷ​മാ​കു​മെ​ന്നാ​ണ് എ​ന്റെ വി​ശ്വാ​സം. എ​ന്റെ ഒ​രു ഉ​പ​ദേ​ശ​മാ​ണി​ത്’’ എ​ന്നാ​യി​രു​ന്നു നീ​ര​ജി​ന്റെ വാ​ക്കു​ക​ൾ. ഇ​തി​ന് ഫ​ല​വു​മു​ണ്ടാ​യി. താ​ര​ത്തി​ന് ജാ​വ​ലി​ൻ ല​ഭി​ച്ചു​വെ​ന്ന് മാ​ത്ര​മ​ല്ല, പാ​രി​സി​ൽ മെ​ഡ​ലും പി​റ​ന്നു.

ര​ണ്ടു രാ​ജ്യ​ക്കാ​രാ​യി​ട്ടും നീ​ര​ജും ന​ദീ​മും ത​മ്മി​ൽ സൂ​ക്ഷി​ച്ച സൗ​ഹൃ​ദ​ത്തെ മു​ൻ ക്രി​ക്ക​റ്റ​ർ ഹ​ർ​ഭ​ജ​ൻ സി​ങ് വാ​ഴ്ത്തി. ‘‘നീ​ര​ജും ന​ദീ​മും ഒ​ന്നി​ച്ചു​ള്ള കു​റെ ന​ല്ല ചി​ത്ര​ങ്ങ​ൾ നാം ​ക​ണ്ടു. ഇ​രു​വ​രും സ്വ​ന്തം പ​താ​ക​ക​ൾ കൈ​യി​ലേ​ന്തു​മ്പോ​ഴും കാ​യി​ക താ​ര​ങ്ങ​ളെ​ന്ന നി​ല​ക്ക് പ​ര​സ്പ​രം ആ​ദ​രി​ക്കു​ന്ന​വ​യാ​ണ​വ. സ്പോ​ർ​ട്സ് അ​തി​രു​ക​ൾ​ക്കു​മ​പ്പു​റ​ത്താ​ണെ​ന്നും അ​ത് ആ​ളു​ക​ളെ ഒ​ന്നി​പ്പി​ക്കു​ന്ന​താ​ണെ​ന്നു​മാ​ണ് ഇ​രു​വ​രും കാ​ണി​ക്കു​ന്ന​ത്’’ -ഹ​ർ​ഭ​ജ​ൻ പ​റ​ഞ്ഞു.