ഒരേയൊരു ഏറ്.. 84.85 മീറ്റർ; നീരജ് ലോകചാമ്പ്യൻഷിപ്പ് ഫൈനലിൽ

ടോക്യോ: ലോക അത്‍ലറ്റിക്സ് ചാമ്പ്യൻഷിപ്പ് ജാവലിൻ ​ത്രോയിൽ ഇന്ത്യയുടെ നീരജ് ചോപ്ര ഫൈനലിൽ. ​ബുധനാഴ്ച നടന്ന യോഗ്യതാ റൗണ്ടിലെ ആദ്യ ശ്രമത്തിൽ തന്നെ 84.85 മീറ്റർ ദൂരം എറിഞ്ഞാണ് ഒളിമ്പിക്സ്, ലോകചാമ്പ്യനായ നീരജ് ​ഫൈനൽ റൗണ്ടിലേക്ക് യോഗ്യത ഉറപ്പിച്ചത്. ജർമനിയുടെ ജൂലിയൻ വെബർ (87.21 മീ), പോളണ്ടിന്റെ ഡേവിഡ് വെഗ്നർ (85.67) എന്നിവരും മിന്നും പ്രകടനവുമായി ഫൈനൽ റൗണ്ടിലേക്ക് നേരിട്ട് ഇടം പിടിച്ചു. വ്യാഴാഴ്ചയാണ് മെഡൽ നിർണയിക്കുന്ന കലാശപ്പോരാട്ടം.

ഗ്രൂപ്പ് റൗണ്ടിൽ 84.50 മീറ്ററാണ് നേരിട്ട് ഫൈനലിൽ​ പ്രവേശിക്കാനുള്ള യോഗ്യതാ ദൂരമായി നിശ്ചയിച്ചത്. ആദ്യ ഏറിൽ തന്നെ യോഗ്യതാ ദൂരം മറികടക്കാൻ നീരജിന് കഴിഞ്ഞു. യോഗ്യതാ ദൂരം കടക്കുന്നവർക്ക് പുറമെ, രണ്ട് റൗണ്ടിലുമായി മികച്ച ദൂരം കണ്ടെത്തുന്നവരെ കൂടി പരിഗണിച്ച് 12 പേർ ഫൈനലിൽ ഇടം നേടും.

ഒന്നാം ശ്രമത്തിൽ വെബറിന് 82.29 മീറ്റർ മാത്രമെ എറിയാൻ കഴിഞ്ഞുള്ളൂ. രണ്ടാം ഏറിയാണ് താരം യോഗ്യതാ മാർക്ക് മികച്ച പ്രകടനത്തോടെ കടന്നത്. ഇന്ത്യയുടെ സചിൻ യാദവിന് രണ്ട് ശ്രമങ്ങളിലും മികച്ച ദൂരം കണ്ടെത്താനായില്ല.

2020 ടോക്യോ ഒളിമ്പിക്സിൽ ഇന്ത്യൻ താരം സ്വർണം നേടിയ അതേ വേദിയിലാണ് വർഷങ്ങളുടെ ഇടവേളക്കു ശേഷം ലോകചാമ്പ്യൻഷിപ്പിനായി വ്യാഴാഴ്ച ഇറങ്ങുന്നതെന്ന പ്രത്യേകതയുണ്ട്. 2023 ലോകചാമ്പ്യൻഷിപ്പിൽ സ്വർണം നേടിയ നീരജ്, മെഡൽ നേട്ടം ആവർത്തിക്കാനായി മിന്നും ഫോമിലാണ് ഇപ്പോൾ ടോക്യോയിലെത്തിയത്. മേയിൽ നടന്ന ഡയമണ്ട് ലീഗിൽ 90മീറ്റർ ആദ്യമായി കടന്നും നീരജ് ചരിത്രം കുറിച്ചിരുന്നു.

ജാ​വ​ലി​ൻ ത്രോ ​ഫൈ​ന​ലി​ലേ​ക്ക് യോ​ഗ്യ​ത നേ​ടി​യ​വ​ർ

താ​രം, രാ​ജ്യം, എ​റി​ഞ്ഞ ദൂ​രം

• ആ​ൻ​ഡേ​ഴ്‌​സ​ൻ പീ​റ്റേ​ഴ്‌​സ് (ഗ്ര​നേ​ഡ) - 89.53
• ജൂ​ലി​യ​ൻ വെ​ബ​ർ (ജ​ർ​മ​നി) - 87.21
• ജൂ​ലി​യ​സ് യെ​ഗോ (കെ​നി​യ) - 85.96
• ഡേ​വി​ഡ് വെ​ഗ്‌​ന​ർ (പോ​ള​ണ്ട്) - 85.67
• അ​ർ​ഷ​ദ് ന​ദീം (പാ​കി​സ്താ​ൻ) - 85.28
• നീ​ര​ജ് ചോ​പ്ര (ഇ​ന്ത്യ) - 84.85
• ക​ർ​ട്ടി​സ് തോം​സ​ൺ (യു.​എ​സ്) - 84.72
• ജു​കൂ​ബ് വാ​ഡ്‌​ലെ​ച്ച് (ചെ​ക് റി​പ്പ.) - 84.11
• കെ​ഷോ​ൺ വാ​ൽ​ക്കോ​ട്ട് (ട്രി​നി​ഡാ​ഡ്) - 83.93
• സ​ചി​ൻ യാ​ദ​വ് (ഇ​ന്ത്യ) - 83.67
• കാ​മ​റൂ​ൺ മ​ക്‌​എ​ൻ​ട​യ​ർ (ആ​സ്ട്രേ​ലി​യ) - 83.03
• രു​മേ​ഷ് ത​രം​ഗ പ​തി​രാ​ഗെ (ശ്രീ​ല​ങ്ക) - 82.80

ട്രി​പ്ൾ ജം​പി​ൽ അ​ബ്ദു​ല്ല പു​റ​ത്ത്

ടോ​ക്യോ: വേ​ലി​നും ഫൈ​ന​ലി​ൽ ക​ട​ക്കാ​നാ​യി​ല്ല. മ​ല​യാ​ളി​യാ​യ അ​ബ്ദു​ല്ല 16.33 മീ​റ്റ​റും പ്ര​വീ​ൺ 16.74 മീ​റ്റ​റു​മാ​ണ് യോ​ഗ്യ​ത റൗ​ണ്ടി​ൽ ചാ​ടി​യ​ത്. 200 മീ​റ്റ​റി​ലെ ദേ​ശീ​യ റെ​ക്കോ​ഡ് ജേ​താ​വ് കൂ​ടി​യാ​യ അ​നി​മേ​ഷ് കു​ജൂ​റി​നും മു​ന്നേ​റാ​നാ​യി​ല്ല. ഹീ​റ്റ് മൂ​ന്നി​ൽ ഓ​ടി​യ അ​നി​മേ​ഷ് 20.77 സെ​ക്ക​ൻ​ഡി​ൽ ഒ​മ്പ​താ​മ​നാ​യി.

ഇ​ന്ത്യ ഇ​ന്ന്

• 3.53pm പു​രു​ഷ ജാ​വ​ലി​ൻ ത്രോ ​ഫൈ​ന​ൽ - നീരജ് ചോപ്ര, സച്ചിൻ യാദവ്.
• 4.25pm വ​നി​ത 800 മീ. ​ഹീ​റ്റ്സ് -പൂ​ജ.