ലോകകപ്പ് ഹോക്കി: ഇന്ത്യക്ക് ഇന്ന് ക്രോസ്ഓവർ പോര്

ഭു​വ​നേ​ശ്വ​ർ: പു​രു​ഷ ലോ​ക​ക​പ്പ് ഹോ​ക്കി​യി​ൽ ക്വാ​ർ​ട്ട​ർ ഫൈ​ന​ലി​ലേ​ക്ക് കു​തി​ക്കാ​ൻ ഇ​ന്ത്യ​ക്ക് ഇ​ന്ന് ക്രോ​സ് ഓ​വ​ർ ക​ട​മ്പ മ​റി​ക​ട​ക്ക​ണം. പൂ​ൾ ഡി​യി​ൽ ര​ണ്ടാം സ്ഥാ​ന​ത്താ​യ​തി​നാ​ൽ ന്യൂ​സി​ല​ൻ​ഡി​നെ​തി​രാ​യ ഇ​ന്ന​ത്തെ മ​ത്സ​രം ജ​യി​ച്ചാ​ൽ മാ​ത്ര​മേ ആ​തി​ഥേ​യ​ർ​ക്ക് സെ​മി​യി​ലെ​ത്താ​നാ​കൂ. ലോ​ക​റാ​ങ്കി​ങ്ങി​ൽ ആ​റാം സ്ഥാ​ന​മാ​ണ് ന്യൂ​സി​ല​ൻ​ഡി​ന്. ഇ​ന്ത്യ​ക്ക് ആ​റാം സ്ഥാ​ന​വും. പൂ​ൾ സി​യി​ൽ മൂ​ന്നാം സ്ഥാ​ന​ക്കാ​രാ​യാ​ണ് ന്യൂ​സി​ല​ൻ​ഡ് ക്രോ​സ്ഓ​വ​ർ മ​ത്സ​ര​ത്തി​നെ​ത്തു​ന്ന​ത്. ഇം​ഗ്ല​ണ്ടി​നെ​തി​രാ​യ മ​ത്സ​ര​ത്തി​ൽ പ​രി​​ക്കേ​റ്റ മി​ഡ്ഫീ​ൽ​ഡ​ർ ഹാ​ർ​ദി​ക് സി​ങ്ങി​ന്റെ അ​ഭാ​വം ഇ​ന്ത്യ​ക്ക് തി​രി​ച്ച​ടി​യാ​ണ്. ഹാ​ർ​ദി​കി​ന് പ​ക​രം രാ​ജ്കു​മാ​ർ പാ​ൽ ഇ​റ​ങ്ങും.

മു​ന്നേ​റ്റ​നി​ര​ക്ക് മൂ​ർ​ച്ച കു​റ​ഞ്ഞ​തും ത​ല​വേ​ദ​ന​യാ​ണ്. ഈ ​മ​ത്സ​രം ജ​യി​ച്ചാ​ലും ക്വാ​ർ​ട്ട​റി​ൽ നി​ല​വി​ലെ ജേ​താ​ക്ക​ളാ​യ ബെ​ൽ​ജി​യ​മാ​ണ് എ​തി​രാ​ളി​ക​ൾ. ദു​ർ​ബ​ല​രാ​യ വെ​യ്ൽ​സി​നെ​തി​രെ നാ​ല് ഗോ​ൾ മാ​ത്ര​മാ​ണ് ഇ​ന്ത്യ​ക്ക് നേ​ടാ​നാ​യ​ത്. ര​ണ്ടു ഗോ​ൾ വ​ഴ​ങ്ങി​യ​തും ടീ​മി​ന് ക്ഷീ​ണ​മാ​യി.