മോഹൻബഗാനിലെ പെലെ-മറഡോണ-സോബേഴ്സ് ഗേറ്റ്; എമിലിയാനോ മാർട്ടിനെസ് തുറന്നുകൊടുക്കും

കൊൽക്കത്ത: അർജന്റീനയുടെ ലോകകപ്പ് ഹീറോ എമിലിയാനോ മാർട്ടിനെസ് കൊൽക്കത്ത സന്ദർശനത്തിനിടെ മോഹൻ ബഗാൻ ക്ലബിലെ പെലെ-മറഡോണ-സോബേഴ്സ് ഗേറ്റ് ഉദ്ഘാടനം ചെയ്യും. ജൂലൈ നാലിനാണ് പരിപാടി.

ക്ലബിലെ സൗകര്യങ്ങൾ നോക്കിക്കാണുന്ന മാർട്ടിനെസ് തെരഞ്ഞെടുക്കപ്പെട്ട പ്രതിനിധികളുമായി കൂടിക്കാഴ്ചയും നടത്തും. കൊൽക്കത്തയിൽ സ്വകാര്യ സന്ദർശനത്തിനാണ് ലോകകപ്പിലെ ഗോൾഡൻ ഗ്ലൗ ജേതാവായ ഗോൾ കീപ്പർ എത്തുന്നതെങ്കിലും വിവിധ പരിപാടികളിൽ സംബന്ധിക്കുന്നുണ്ട്.