സൂ​പ്പ​ർ കോ​ച്ചാ​യി ക്രെ​സ്​​പോ

ദോ​ഹ: അ​ൽ സ​ദ്ദ് പോ​​ലെ ഖ​ത്ത​റി​ലെ മ​റ്റു വ​മ്പ​ൻ ക്ല​ബു​ക​ളു​മാ​യി താ​ര​ത​മ്യ​പ്പെ​ടു​ത്തു​മ്പോ​ൾ അ​ൽ ദു​ഹൈ​ൽ ക്ല​ബി​ന് പ​റ​യ​ത്ത​ക്ക താ​ര​ത്തി​ള​ക്ക​മൊ​ന്നു​മി​ല്ല. എ​ന്നാ​ൽ, ഖ​ത്ത​ർ സ്റ്റാ​ർ​സ് ലീ​ഗി​ലെ ഏ​റ്റ​വും താ​ര​ത്തി​ള​ക്ക​മു​ള്ള പ​രി​ശീ​ല​ക​ൻ അ​വ​ർ​ക്കു​ണ്ട്. അ​ർ​ജ​ന്റീ​ന​യു​ടെ വി​ഖ്യാ​ത സ്ട്രൈ​ക്ക​റാ​യി​രു​ന്ന സാ​ക്ഷാ​ൽ ​ഹെ​ർ​നാ​ൻ ക്രെ​സ്​​പോ.

ഇ​ന്റ​ർ മി​ലാ​ൻ, ചെ​ൽ​സി ഉ​ൾ​പ്പെ​ടെ​യു​ള്ള മു​ൻ​നി​ര ക്ല​ബു​ക​ളു​ടെ​യും ഗോ​ള​ടി​വീ​ര​നാ​യി പേ​രെ​ടു​ത്ത ക്രെ​സ്​​പോ, പ​ഴ​യ​കാ​ല​ങ്ങ​ളി​ലെ താ​ര​പ്പൊ​ലി​മ​യെ മാ​ത്രം ആ​ശ്ര​യി​ച്ച​ല്ല മി​ക​വു​റ്റ പ​രി​ശീ​ല​ക​നെ​ന്ന​തി​ലേ​ക്ക് വ​ല​കു​ലു​ക്കു​ന്ന​ത്. ത​ന്ത്ര​ങ്ങ​ള​റി​യു​ന്ന ആ​ശാ​നാ​യി എ​ല്ലാ അ​ർ​ഥ​ത്തി​ലും ഈ 47​കാ​ര​ൻ മാ​റി​ക്ക​ഴി​ഞ്ഞു.

ക​ള​മ​റി​ഞ്ഞു​ള്ള ക​ണ​ക്കു​കൂ​ട്ട​ലു​ക​ളും കു​റി​ക്കു​കൊ​ള്ളു​ന്ന തീ​രു​മാ​ന​ങ്ങ​ളും പ​രി​ശീ​ല​ക​നെ​ന്ന നി​ല​യി​ൽ ക്രെ​സ്​​പോ​യെ ഉ​ജ്ജ്വ​ല​മാ​യി​ത്ത​ന്നെ അ​ട​യാ​ള​പ്പെ​ടു​ത്തു​ക​യാ​ണി​പ്പോ​ൾ. ക്രെ​സ്​​പോ പ​രി​ശീ​ലി​പ്പി​ക്കു​ന്ന അ​ൽ ദു​ഹൈ​ൽ ഇ​പ്പോ​ൾ ഖ​ത്ത​റി​ലെ ടോ​പ് ലീ​ഗാ​യ ക്യു.​എ​ൻ.​ബി സ്റ്റാ​ർ​സ് ലീ​ഗി​ൽ ഒ​ന്നാം സ്ഥാ​ന​ത്ത് കു​തി​ക്കു​ക​യാ​ണ്.

ഈ ​സീ​സ​ണി​ന്റെ തു​ട​ക്ക​ത്തി​ലാ​ണ് ക്രെ​സ്​​പോ ക്ല​ബി​ന്റെ പ​രി​ശീ​ല​ക​നാ​യി സ്ഥാ​ന​മേ​റ്റ​ത്. ലോ​ക​ക​പ്പ് സ​മ​യ​ത്തെ ഇ​ട​വേ​ള​ക്കു​ശേ​ഷം ലീ​ഗി​ൽ തു​ട​ർ​ച്ച​യാ​യ ആ​റു ക​ളി​ക​ളി​ൽ തോ​ൽ​വി​യ​റി​യാ​തെ​യു​ള്ള കു​തി​പ്പാ​ണ് ദു​ഹൈ​ലി​നെ പ​ട്ടി​ക​യി​ൽ നാ​ലു ​പോ​യ​ന്റ് ലീ​ഡു​മാ​യി ഒ​ന്നാം സ്ഥാ​ന​ത്ത് പ്ര​തി​ഷ്ഠി​ച്ച​ത്.

ഒ​പ്പം, ക​ഴി​ഞ്ഞ ദി​വ​സം നാ​ട്ടു​കാ​രാ​യ അ​ൽ റ​യ്യാ​നെ തോ​ൽ​പി​ച്ച് ഏ​ഷ്യ​ൻ ചാ​മ്പ്യ​ൻ​സ് ലീ​ഗി​ൽ ക്വാ​ർ​ട്ട​ർ ഫൈ​ന​ലി​ലേ​ക്കു മു​ന്നേ​റി. ഓ​രോ മ​ത്സ​ര​ത്തി​നു​മ​നു​സ​രി​ച്ച് ത​ന്ത്ര​ങ്ങ​ൾ മാ​റ്റി​പ്പി​ടി​ക്കു​ക​യും ക​ളി​യി​ലെ സാ​ഹ​ച​ര്യ​ങ്ങ​ൾ​ക്ക​നു​സ​രി​ച്ച് ശൈ​ലി​യി​ൽ പൊ​ടു​ന്ന​നെ മാ​റ്റ​ങ്ങ​ൾ വ​രു​ത്തു​ക​യു​മൊ​ക്കെ ചെ​യ്ത് ക്രെ​സ്​​പോ ത​ക​ർ​പ്പ​ൻ കോ​ച്ചെ​ന്ന പേ​രു നേ​ടി​ക്ക​ഴി​ഞ്ഞു.

ഏ​തു സാ​ഹ​ച​ര്യ​ത്തി​ലും സൈ​ഡ് ലൈ​നി​ൽ അ​ക്ഷോ​ഭ്യ​നാ​യാ​ണ് ക്രെ​സ്​​പോ സാ​ഹ​ച​ര്യ​ങ്ങ​ളെ കൈ​കാ​ര്യം​ചെ​യ്യു​ന്ന​ത്. ഖ​ത്ത​ർ സ്റ്റാ​ർ​സ് ലീ​ഗി​ൽ ഇ​ക്ക​ഴി​ഞ്ഞ ജ​നു​വ​രി മാ​സ​ത്തി​ലെ ഏ​റ്റ​വും മി​ക​ച്ച പ​രി​ശീ​ല​ക​നെ​ന്ന ബ​ഹു​മ​തി​യും ഈ ​മി​ക​വി​നു​ള്ള അം​ഗീ​കാ​ര​മാ​യി ക്രെ​സ്പോ​യെ തേ​ടി​യെ​ത്തി.

19 വ​ർ​ഷം നീ​ണ്ട ക​രി​യ​റി​ൽ 300ലേ​റെ ഗോ​ളു​ക​ൾ നേ​ടി​യ ക്രെ​സ്​​പോ​യു​ടെ ശി​ക്ഷ​ണ​ത്തി​ൽ, അ​വ​ശ്യ​സ​മ​യ​ത്ത് ഗോ​ളു​ക​ളി​ലേ​ക്ക് വ​ല​കു​ലു​ക്കാ​ൻ ക​ഴി​യു​ന്ന​താ​ണ് ദു​ഹൈ​ലി​ന്റെ ശ​ക്തി. ഒ​പ്പം പ്ര​തി​രോ​ധ​ത്തി​ലെ മി​ക​വും സ​മ​ന്വ​യി​പ്പി​ക്കു​ന്ന​താ​ണ് ക്രെ​സ്​​പോ​യു​ടെ ശൈ​ലി.

പ​ല മ​ത്സ​ര​ങ്ങ​ളി​ലും പി​ന്നി​ട്ടു​നി​ന്ന​ശേ​ഷം പൊ​രു​തി​ക്ക​യ​റി ദു​ഹൈ​ൽ ആ​ധി​കാ​രി​ക ജ​യം കു​റി​ച്ച​തും ഏ​റെ ശ്ര​ദ്ധ നേ​ടി​ക്ക​ഴി​ഞ്ഞു. താ​ര​ങ്ങ​ളെ കൃ​ത്യ​മാ​യി ഉ​പ​യോ​ഗി​ക്കാ​നു​ള്ള മി​ടു​ക്കും വേ​റി​ട്ടു​നി​ൽ​ക്കു​ന്നു. വ​മ്പ​ൻ യൂ​റോ​പ്യ​ൻ ടീ​മു​ക​ൾ പ​ല​തും അ​ർ​ജ​ന്റീ​ന​യു​ടെ എ​ക്കാ​ല​ത്തെ​യും മി​ക​ച്ച നാ​ലാ​മ​ത്തെ ഗോ​ള​ടി​വീ​ര​നെ ത​ങ്ങ​ളു​ടെ പ​രി​ശീ​ല​ക​പ​ദ​വി​യി​ലേ​ക്ക് നോ​ട്ട​മി​ട്ടി​ട്ടു​ണ്ടെ​ന്നാ​ണ് റി​പ്പോ​ർ​ട്ടു​ക​ൾ.

ഡീ​ഗോ സി​മി​യോ​ണി, ല​യ​ണ​ൽ സ്ക​ലോ​ണി എ​ന്നി​വ​ർ​ക്കു​ശേ​ഷം സൂ​പ്പ​ർ ​കോ​ച്ചെ​ന്ന പ​രി​വേ​ഷ​ത്തി​ലേ​ക്ക് കു​തി​ക്കു​ന്ന മൂ​ന്നാ​മ​ത്തെ അ​ർ​ജ​ന്റീ​ന താ​ര​മാ​വു​ക​യാ​ണ് ക്രെ​സ്​​പോ. ക​രി​യ​റി​ൽ ഏ​റ്റ​വും കൂ​ടു​ത​ൽ മ​ത്സ​രം ക​ളി​ച്ച പാ​ർ​മ​യു​ടെ പ​രി​ശീ​ല​ക​നാ​യാ​ണ് 2014ൽ ​​ക്രെ​സ്​​പോ കോ​ച്ചി​ങ് ക​രി​യ​റി​ന് തു​ട​ക്ക​മി​ടു​ന്ന​ത്.