''അസ്സലാമു അലൈകും മാവേലീ... വഅലൈകുമുസ്സലാം'; സമൂഹ മാധ്യമങ്ങളിൽ വൈറലായി വിഡിയോ

ഓണാഘോഷത്തിനിടെ വൈറലായി 'മാവേലി'യുടെ സലാം മടക്കൽ വിഡിയോ. ഒരു ഹാളിൽ നടക്കുന്ന ഓണാഘോഷത്തിന് മാവേലിയുടെ​ വേഷമിട്ടെത്തിയ ആളോട് ആൾക്കൂട്ടത്തിലൊരാൾ 'അസ്സലാമു അലൈകും' എന്നു പറഞ്ഞപ്പോൾ 'വഅലൈകുമുസ്സലാം' എന്ന് നിറഞ്ഞ ചിരിയോടെ മറുപടി നൽകുന്നതാണ് വിഡിയോയിലുള്ളത്.

ഉടൻ 'അടിപൊളി ചിരി മാവേലിയുടേത്' എന്ന് സലാം പറഞ്ഞയാൾ പ്രശംസിക്കുന്നതും വിഡിയോയിൽ കേൾക്കാം. വിഡിയോ സമൂഹ മാധ്യമങ്ങളിൽ വ്യാപകമായി പ്രചരിക്കുന്നുണ്ട്.