‘അമ്പലക്കള്ളന്മാർ കടക്ക് പുറത്ത്’ സമൂഹ മാധ്യമ കാമ്പയിനുമായി കോൺഗ്രസ്

തിരുവനന്തപുരം: ‘അമ്പലക്കള്ളന്മാർ കടക്ക് പുറത്ത്’ സമൂഹ മാധ്യമ കാമ്പയിനുമായി കോൺഗ്രസ്. ശബരിമല സ്വർണക്കൊള്ള കേസ്​ തെരഞ്ഞെടുപ്പ് ചർച്ചയാക്കുകയാണ് ലക്ഷ്യം.

പ്രതിപക്ഷനേതാവ് വി.ഡി. സതീശന്‍, കെ.പി.സി.സി പ്രസിഡന്റ് സണ്ണി ജോസഫ്, യു.ഡി.എഫ് കണ്‍വീനര്‍ അടൂര്‍ പ്രകാശ് അടക്കമുള്ളവരുടെ സമൂഹ മാധ്യമ അക്കൗണ്ടുകളുടെ കവർ പേജ് മാറ്റിയാണ് പ്രചാരണത്തിന്​ തുടക്കമിട്ടത്​. പിന്നാലെ ജില്ല നേതാക്കളടക്കം കാമ്പയിൻ ഏറ്റെടുത്തു.

രാഹുല്‍ മാങ്കൂട്ടം എം.എല്‍.എക്കെതിരായ ലൈംഗിക പീഡനപരാതിയില്‍ ശബരിമല സ്വര്‍ണക്കൊള്ള മറയുകയും കോണ്‍ഗ്രസ് പ്രതിരോധത്തിലാകുകയും ചെയ്ത പശ്ചാതലത്തിലാണ് നീക്കം.