പ്ലാസ്റ്റിക്കിനെതിരെ തുറന്ന യുദ്ധം പ്രഖ്യാപിക്കുമ്പോൾ

ഇ​ന്ന് ലോ​ക പ​രി​സ്ഥി​തി​ദി​നം. പ്ര​കൃ​തി​യും മ​നു​ഷ്യ​നും ത​മ്മി​ലു​ള്ള ബ​ന്ധ​ത്തി​ന്റെ ദൃ​ഢ​ത ഊ​ട്ടി​യു​റ​പ്പി​ക്കേ​ണ്ട ദി​നം. പ​ക്ഷേ, പൊ​ട്ടി​പ്പോ​യ ഇ​ഴ​ക​ൾ പോ​ലെ അ​വ ര​ണ്ടും അ​വ​ര​വ​രു​ടെ വ​ഴി​ക​ളി​ൽ സ​മാ​ന്ത​ര​മാ​യി സ​ഞ്ച​രി​ക്കു​മ്പോ​ൾ നാം ​ഇ​തു​വ​രെ അ​ഭി​മു​ഖീ​ക​രി​ക്കാ​ത്ത പ്ര​കൃ​തി​ക്ഷോ​ഭ​ങ്ങ​ളു​ടെ ആ​ഴ​ങ്ങ​ളി​ലേ​ക്ക് വീ​ണു​പോ​കു​ന്നു. തി​രി​ച്ചു​പി​ടി​ക്ക​ണം ന​മ്മു​ടെ സ്വ​ച്ഛ​മാ​യ പു​ഴ​ക​ളെ, ന​ന​വാ​ർ​ന്ന മ​ണ്ണി​നെ, ഒ​പ്പം വി​ട​ർ​ന്നു​വി​ല​സു​ന്ന പ്ര​കൃ​തി​യെ​യും.

മ​നു​ഷ്യ​ന്റെ ജീ​വ​ൻ​പോ​ലും സം​ര​ക്ഷി​ക്കാ​ൻ പാ​ടു​പെ​ടു​മ്പോ​ൾ പ​രി​സ്ഥി​തി​യു​ടെ നി​ല​നി​ൽ​പി​നാ​യി സം​സാ​രി​ക്കു​ന്ന​തി​ന്റെ ഔ​ചി​ത്യ​മി​ല്ലാ​യ്മ ചെ​റി​യൊ​രു അം​ശ​മെ​ങ്കി​ലും ധ്വ​നി​പ്പി​ച്ചേ​ക്കാം. എ​ന്നാ​ൽ, നാ​മീ​യ​നു​ഭ​വി​ക്കു​ന്ന​തൊ​ക്കെ​യും പ്ര​കൃ​തി​യെ​യും മ​റ്റു​ജീ​വ​ജാ​ല​ങ്ങ​ളെ​യും ന​മ്മോ​ട് ചേ​ർ​ത്തു​നി​ർ​ത്താ​നും പ​രി​സ്ഥി​തി​യെ സം​ര​ക്ഷി​ക്കാ​നും നാം ​മ​റ​ന്നു​പോ​യ​തി​ന്റെ ബാ​ക്കി​പ​ത്ര​മാ​ണ് എ​ന്ന​തും മ​ന​സ്സി​ലാ​ക്കു​ന്നി​ട​ത്ത് ആ ​ഔ​ചി​ത്യ​മി​ല്ലാ​യ്മ അ​വ​സാ​നി​ക്കു​ന്നു. അ​തി​ന്റെ​യൊ​ക്കെ ആ​കെ​ത്തു​ക​യാ​ണ് ന​മ്മു​ടെ മു​ന്നി​ലൂ​ടെ ക​ട​ന്നു​പോ​യ ഓ​രോ പ്ര​കൃ​തി​ദു​ര​ന്ത​ങ്ങ​ളും മ​ഹാ​മാ​രി​ക​ളും എ​ന്ന് തി​രി​ച്ച​റി​ഞ്ഞു തു​ട​ങ്ങു​ന്നി​ട​ത്തു നാ​മ​റി​യും പ്ര​കൃ​തി​യെ​യും പ​രി​സ്ഥി​തി​യെ​യും സം​ര​ക്ഷി​ക്കേ​ണ്ട​തി​ന്റെ പ്രാ​ധാ​ന്യം.

ഒ​രു​പ​ക്ഷേ, പ്ര​കൃ​തി​യു​ടെ ഗു​ണ​ഭോ​ക്താ​ക്ക​ളാ​യ മ​നു​ഷ്യ​ർ​ത​ന്നെ അ​തി​ന്റെ സം​ര​ക്ഷ​ണ​ത്തി​നാ​യി മ​നു​ഷ്യ​രോ​ട് ആ​ഹ്വാ​നം ചെ​യ്യേ​ണ്ട പ​രി​താ​പ​ക​ര​മാ​യ അ​വ​സ്ഥ​യാ​ണ് ഇ​ന്ന് ഉ​ണ്ടാ​വു​ന്ന​ത്. അ​തി​നൊ​പ്പം, ചി​ല രാ​ജ്യ​ങ്ങ​ളി​ലെ ഭ​ര​ണ​കൂ​ടം വേ​ലി​ത​ന്നെ വി​ള​വു​തി​ന്നു​ന്ന അ​വ​സ്ഥ​യു​മാ​യി ജ​ന​ങ്ങ​ളെ​ത്ത​ന്നെ വെ​ല്ലു​വി​ളി​ക്കു​ന്ന അ​വ​സ്ഥ​യും സം​ജാ​ത​മാ​കു​ന്നു​ണ്ട്. കു​റ​ച്ചു​വ​ർ​ഷം​മു​മ്പ് ബ്ര​സീ​ലി​ൽ ഉ​ൾ​പ്പെ​ടു​ന്ന ആ​മ​സോ​ൺ മ​ഴ​ക്കാ​ടു​ക​ൾ ക​ത്തി​ന​ശി​ച്ച​പ്പോ​ൾ വെ​റു​മൊ​രു നാ​ലു​കോ​ളം വാ​ർ​ത്ത മാ​ത്ര​മാ​യി​രു​ന്നു ന​മു​ക്ക്. എ​ന്നാ​ൽ, ഡ​ൽ​ഹി​യി​ൽ ത​ന്നെ മ​ലി​നീ​ക​ര​ണ​ത്തി​ന്റെ തോ​ത് ഉ​യ​ർ​ന്നി​ട്ട് ഓ​ക്‌​സി​ജ​ൻ പാ​ർ​ല​റു​ക​ൾ തു​റ​ന്ന​ത് ഇ​ന്ന് ന​മു​ക്കൊ​രു വാ​ർ​ത്ത​യ​ല്ലാ​താ​യി​രി​ക്കു​ന്നു. പ​ല മെ​ട്രോ​പൊ​ളി​റ്റ​ൻ സി​റ്റി​ക​ളി​ലും ഓ​ക്‌​സി​ജ​ൻ ക്ഷാ​മം ഇ​ന്നും അ​നു​ഭ​വ​പ്പെ​ടു​ന്ന ന​മ്മു​ടെ രാ​ജ്യം അ​തൊ​ന്നും വ​ക​വെ​ക്കാ​തെ പി​ന്നെ​യും വ​ന​ന​ശീ​ക​ര​ണ​ത്തി​ലേ​ക്കും ജീ​വി​ക​ളു​ടെ ആ​വാ​സ​വ്യ​വ​സ്ഥ ന​ശി​പ്പി​ക്കു​ന്ന പ്ര​വൃ​ത്തി​യി​ലൂ​ടെ​യും ത​ന്നെ മു​ന്നോ​ട്ടു​പോ​വു​ക​യാ​ണ്.   

ന​മ്മു​ടെ​യൊ​ക്കെ പ​രി​സ്ഥി​തി​ദി​നം കേ​വ​ല​മൊ​രു ചെ​ടി​ന​ട്ടു​കൊ​ണ്ടും അ​തി​ന്റെ സെ​ൽ​ഫി ‘SAVEENVIRONMENT’ എ​ന്ന ഹാ​ഷ് ടാ​ഗി​ൽ സോ​ഷ്യ​ൽ മീ​ഡി​യ​യി​ൽ പോ​സ്റ്റ് ചെ​യ്യു​ന്ന​തി​ലോ അ​വ​സാ​നി​ക്കു​ന്നു. അ​തി​ന​പ്പു​റം പ്ര​കൃ​തി​യെ മ​ന​സ്സി​ലാ​ക്കാ​നോ അ​ടു​ത്ത​റി​യാ​നോ നാം ​ശ്ര​മി​ക്കു​ന്നി​ല്ല എ​ന്ന​താ​ണ് ഏ​റ്റ​വും വ​ലി​യ പി​ഴ​വ്. ചു​റ്റി​നു​മു​ള്ള ഓ​രോ ജീ​വ​ജാ​ല​ങ്ങ​ളെ​യും, എ​ല്ലാ വ​സ്തു​ക്ക​ളെ​യും അ​റി​യാ​ൻ ശ്ര​മി​ക്കു​ന്ന​തു​പോ​ലെ അ​തി​ന്റെ​യെ​ല്ലാം ആ​കെ​ത്തു​ക​യാ​യ പ​രി​സ്ഥി​തി​യെ​യും അ​തി​ന്റെ സ്പ​ന്ദ​ന​ങ്ങ​ളെ​യും അ​റി​യാ​ൻ​കൂ​ടി ശ്ര​മി​ക്കേ​ണ്ട​തു​ണ്ട്. കൊ​ച്ചു​കു​ട്ടി​ക​ളി​ൽ കൂ​ടി അ​ങ്ങ​നെ​യൊ​രു തി​രി​ച്ച​റി​വി​ന്റെ വി​ത്തു​പാ​വു​ക​യെ​ന്ന​താ​ണ് ഏ​റെ പ്ര​ധാ​നം. വ​രും​ത​ല​മു​റ​ക​ൾ പ്ര​കൃ​തി​യെ സ്വ​ന്ത​മെ​ന്നു​ക​രു​തി പ​രി​പാ​ലി​ക്കേ​ണ്ട​തു​ണ്ട്. മ​ണ്ണി​നെ​യും മ​ഴ​യെ​യും പു​ഴ​യെ​യും അ​റി​യാ​തെ വ​ള​രു​ന്ന ഒ​രു കു​ട്ടി​ക്കും മ​നു​ഷ്യ​നെ​യും സ​ഹ​ജീ​വി​ക​ളെ​യും മ​ന​സ്സി​ലാ​ക്കാ​ൻ ക​ഴി​യി​ല്ല. പ്ര​കൃ​തി​യോ​ട് അ​ത്ത​ര​മൊ​രു മാ​ന​സി​ക​മാ​യ അ​ടു​പ്പം കു​ട്ടി​ക​ളി​ൽ ഉ​ണ്ടാ​ക്കി​യെ​ടു​ക്കാ​ൻ ക​ഴി​ഞ്ഞാ​ൽ അ​വ​രു​ടെ നാ​ളെ​ക​ൾ പ്ര​തീ​ക്ഷാ​നി​ർ​ഭ​ര​മാ​കും. അ​ത​ല്ല, പ്ര​കൃ​തി​യെ മ​റ​ന്നു​കൊ​ണ്ട് മു​ന്നോ​ട്ടു​പോ​കാ​നാ​ണെ​ങ്കി​ൽ അ​തി​ന്റെ ഭ​വി​ഷ്യ​ത്ത് നാ​മി​ന്ന് ക​ൺ​മു​ന്നി​ൽ കാ​ണു​ന്ന കോ​വി​ഡും പ്ര​ള​യ​വും പോ​ലെ​യു​ള്ള തി​രി​ച്ച​ടി​ക​ളു​ടെ കൂ​മ്പാ​രം ത​ന്നെ​യാ​യി​രി​ക്കും ന​മ്മെ കാ​ത്തി​രി​ക്കു​ന്ന​ത്.

പ​രി​സ്ഥി​തി ദി​ന​ത്തി​ൽ മ​രം​ന​ടു​ന്ന​ത് ത​ണ​ൽ ല​ഭി​ക്കാ​ൻ മാ​ത്ര​മാ​ണെ​ന്ന് ക​രു​തു​ന്ന​വ​രു​ണ്ട്. ന​മു​ക്കൊ​രു ക​ണ​ക്കു​നോ​ക്കാം. ശ​രാ​ശ​രി വ​ലു​പ്പ​മു​ള്ള ഒ​രു​മ​രം ഏ​ക​ദേ​ശം 1.2 കി​ലോ​ഗ്രാം ഓ​ക്സി​ജ​നാ​ണ് ഒ​രു​ദി​വ​സം ഉ​ൽ​പാ​ദി​പ്പി​ക്കു​ന്ന​ത്. നാ​ലു​പേ​ർ​ക്ക് ഒ​രു​ദി​വ​സം സു​ന്ദ​ര​മാ​യി ശ്വ​സി​ക്കാ​ൻ ക​ഴി​യു​ന്ന​ത്ര ഓ​ക്‌​സി​ജ​ൻ. ഒ​രു​മ​രം ന​ടു​മ്പോ​ൾ നാം ​നാ​ലു​പേ​ർ​ക്ക് ജീ​വ​വാ​യു ന​ൽ​കു​ക​യാ​ണ്. മ​റ്റൊ​രു ത​ര​ത്തി​ൽ പ​റ​ഞ്ഞാ​ൽ ഓ​രോ മ​രം നാം ​വെ​ട്ടി​ന​ശി​പ്പി​ക്കു​മ്പോ​ഴും നാ​ലു​പേ​രു​ടെ ജീ​വ​ഹാ​നി​ക്ക് നാം ​ഉ​ത്ത​ര​വാ​ദി​യാ​കു​ന്നു എ​ന്ന​ർ​ഥം. കു​റ​ച്ചു​വ​ർ​ഷം​മു​മ്പ് ആ​മ​സോ​ൺ മ​ഴ​ക്കാ​ടു​ക​ൾ അ​ഗ്നി​ക്കി​ര​യാ​യി കി​ലോ​മീ​റ്റ​ർ​ക​ണ​ക്കി​ന് പ്ര​ദേ​ശ​ത്തെ ല​ക്ഷ​ക്ക​ണ​ക്കി​ന് മ​ര​ങ്ങ​ൾ ന​ശി​പ്പി​ക്ക​പ്പെ​ട്ട​പ്പോ​ൾ എ​ത്ര മ​നു​ഷ്യ​രു​ടെ ജീ​വ​ശ്വാ​സ​ത്തി​ന്റെ ഉ​റ​വി​ട​മാ​ണ് ന​ഷ്ട​പ്പെ​ട്ട​ത് എ​ന്ന് ഊ​ഹി​ക്കാ​വു​ന്ന​തേ​യു​ള്ളു. 1972ൽ ​ഐ​ക്യ​രാ​ഷ്ട്ര സം​ഘ​ട​ന പ​രി​സ്ഥി​തി​ദി​നം ആ​ഘോ​ഷി​ക്കാ​ൻ തീ​രു​മാ​നി​ച്ചെ​ങ്കി​ലും 1974ൽ ​ആ​ണ് ‘ഒ​രൊ​റ്റ ഭൂ​മി’ എ​ന്ന മു​ദ്രാ​വാ​ക്യ​വു​മാ​യി ലോ​ക​മാ​ക​മാ​നം ആ​ഘോ​ഷി​ച്ചു​തു​ട​ങ്ങു​ന്ന​ത്.

ഈ ​വ​ർ​ഷ​ത്തെ പ​രി​സ്ഥി​തി ദി​ന​ത്തി​ന്റെ ആ​പ്ത​വാ​ക്യം ‘പ്ലാ​സ്റ്റി​ക് മ​ലി​നീ​ക​ര​ണ​ത്തി​നെ​തി​രെ യു​ദ്ധ​പ്ര​ഖ്യാ​പ​നം’ (Combat Plastic Pollution) ആ​ണ്. നി​ശ്ശ​ബ്ദ​നാ​യ കൊ​ല​യാ​ളി​യാ​യി പ്ലാ​സ്റ്റി​ക് മാ​റു​മ്പോ​ൾ അ​തി​നെ​തി​രെ യു​ദ്ധം പ്ര​ഖ്യാ​പി​ക്കു​ക​യും തോ​ൽ​പി​ക്കു​ക​യും ചെ​യ്യേ​ണ്ട​ത് മാ​ന​വ​രാ​ശി​യു​ടെ നി​ല​നി​ൽ​പി​ന്റെ ആ​വ​ശ്യം കൂ​ടി​യാ​ണ്.   

പ്ലാ​സ്റ്റി​ക് ഭൂ​മി​യി​ൽ അ​ഴു​കാ​ൻ അ​യ്യാ​യി​രം വ​ർ​ഷ​ങ്ങ​ളോ​ളം വേ​ണ്ടി​വ​രു​മെ​ന്നാ​ണ് ക​ണ​ക്കു​ക​ൾ. പ​രി​സ്ഥി​തി സൗ​ഹാ​ർ​ദ​മ​ല്ലാ​തെ ഭൂ​മി​യി​ൽ കെ​ട്ടി​ക്കി​ട​ക്കു​ന്ന​ത് മാ​ത്ര​മ​ല്ല പ്ലാ​സ്റ്റി​ക്കി​ന്റെ പ്ര​ശ്ന​ങ്ങ​ൾ. അ​തി​ലേ​റെ, അ​ത് ജീ​വ​ജാ​ല​ങ്ങ​ളു​ടെ ഭ​ക്ഷ്യ​ശൃം​ഖ​ല​യി​ൽ എ​ത്തി​ച്ചേ​രു​ക​യും ജീ​വി​ക​ളു​ടെ നാ​ശ​ത്തി​ന് കാ​ര​ണ​മാ​വു​ക​യും ചെ​യ്യു​ന്നു. ജ​ല​ജീ​വി​ക​ളാ​ണ് ഇ​തി​ന്റെ ഏ​റ്റ​വും ഭീ​ക​ര​മാ​യ മു​ഖം കാ​ണേ​ണ്ടി​വ​രു​ന്ന​ത്. 2019 ന​വം​ബ​ർ മാ​സ​ത്തി​ൽ ഇ​റ്റ​ലി​യി​ലെ സെ​ഫാ​ലു ബീ​ച്ചി​ൽ ച​ത്ത​ടി​ഞ്ഞ 22 അ​ടി നീ​ള​വും ഏ​ക​ദേ​ശം ഏ​ഴു​വ​യ​സ്സു പ്രാ​യ​വു​മു​ള്ള നീ​ല​ത്തി​മിം​ഗ​ല​ത്തി​ന്റെ വ​യ​റ്റി​ൽ നി​ന്ന് ക​ണ്ടെ​ടു​ത്ത​ത് നാ​ൽ​പ​തു​കി​ലോ പ്ലാ​സ്റ്റി​ക് ആ​യി​രു​ന്നു. ഷെ​ൽ മ​ത്സ്യ​ങ്ങ​ൾ, ഉ​പ്പ്, കു​ടി​വെ​ള്ളം, ബി​യ​ർ, എ​ന്തി​ന് മ​നു​ഷ്യ​ന്റെ ഗ​ർ​ഭ​പാ​ത്ര​ത്തി​ൽ വ​രെ മൈ​ക്രോ​പ്ലാ​സ്റ്റി​ക്കു​ക​ളു​ടെ അം​ശ​ങ്ങ​ൾ ക​ണ്ടെ​ത്തി​ക്ക​ഴി​ഞ്ഞു.

ഏ​റ്റ​വും പു​തി​യ വാ​ർ​ത്ത​ക​ൾ വ​രു​ന്ന​ത് മ​നു​ഷ്യ​രി​ലെ ര​ക്ത​ത്തി​ലും മൈ​ക്രോ​പ്ലാ​സ്റ്റി​ക്കി​ന്റെ സാ​ന്നി​ധ്യം ക​ണ്ടെ​ത്തി​യി​രി​ക്കു​ന്നു എ​ന്ന​താ​ണ്. അ​ന്താ​രാ​ഷ്‌​ട്ര ജേ​ണ​ലാ​യ ‘എ​ൻ​വ​യോ​ൺ​മെ​ന്റ് ഇ​ൻ​റ​ർ​നാ​ഷ​ന​ലി’​ൽ ആ​ണ് 22 പേ​രു​ടെ ര​ക്ത​പ​രി​ശോ​ധ​ന​യി​ൽ പ​തി​നേ​ഴു​പേ​രി​ൽ മൈ​ക്രോ​പ്ലാ​സ്റ്റി​ക്കി​ന്റെ സാ​ന്നി​ധ്യം സ്ഥി​രീ​ക​രി​ച്ചി​രി​ക്കു​ന്ന​ത്.

ഒ​രു​വ​ശ​ത്ത് ഒ​രു നി​യ​ന്ത്ര​ണ​വു​മി​ല്ലാ​തെ നാം ​പ്ലാ​സ്റ്റി​ക്കി​ന്റെ ഉ​പ​യോ​ഗം നി​ർ​ലോ​ഭം തു​ട​രു​മ്പോ​ൾ മ​റു​വ​ശ​ത്ത് അ​ത് ന​മ്മു​ടെ നി​ല​നി​ൽ​പി​നെ​ത്ത​ന്നെ ചോ​ദ്യം ചെ​യ്തു​കൊ​ണ്ടി​രി​ക്കു​ക​യാ​ണ്. ഇ​ത്ത​ര​ത്തി​ൽ മൈ​ക്രോ​പ്ലാ​സ്റ്റി​ക്കു​ക​ൾ ശ​രീ​ര​ത്തി​ൽ ക​ട​ന്നു​കൂ​ടു​ക​യും വീ​ണ്ടും വീ​ണ്ടും അ​തി​ന്റെ അ​ള​വ് വ​ർ​ധി​പ്പി​ക്കു​ക​യും ചെ​യ്യു​മ്പോ​ൾ മ​റി​ച്ചൊ​രു ചി​ന്ത​യും പ്ര​വ​ർ​ത്ത​ന​വും അ​നി​വാ​ര്യ​മാ​യി മാ​റു​ക​യാ​ണ്.

ഏ​തൊ​രു ജീ​വി​യു​ടെ​യും ജീ​വ​ന് അ​ടി​സ്ഥാ​ന​മാ​യ ആ​വാ​സ​വ്യ​വ​സ്ഥ​യെ സം​ര​ക്ഷി​ക്കു​ക എ​ന്ന ആ​ഹ്വാ​ന​ത്തി​ന​പ്പു​റം, അ​ത് പു​നഃ​സ്ഥാ​പി​ക്കു​ക എ​ന്ന സം​ജ്ഞ​യി​ലൂ​ടെ; ന​മ്മു​ടെ ആ​വാ​സ​വ്യ​വ​സ്ഥ​ത​ന്നെ ഇ​ന്ന് അ​പ​ക​ടാ​വ​സ്ഥ​യി​ലാ​ണ് എ​ന്ന ധ്വ​നി ജ​നി​പ്പി​ക്കു​ന്നു​ണ്ട്. ന​ഷ്ട​പ്പെ​ട്ട ഈ ​പ്ര​താ​പ​ത്തെ പു​നഃ​സ്ഥാ​പി​ക്കു​ന്ന​തി​ലൂ​ടെ പ്ര​കൃ​തി​യോ​ടും പ​രി​സ്ഥി​തി​യോ​ടും ചേ​ർ​ന്നു​നി​ൽ​ക്കു​ന്ന ഒ​രു ജീ​വ​ന​താ​ളം രൂ​പ​പ്പെ​ടു​ത്താ​നു​ള്ള ല​ക്ഷ്യം നേ​ടാ​ൻ ക​ഴി​ഞ്ഞേ​ക്കാം. അ​ത​ല്ലാ​തെ ന​മു​ക്ക് മ​റ്റൊ​രു മാ​ർ​ഗ​വു​മി​ല്ല. ഈ ​തി​രി​ച്ച​റി​വി​ന്റെ പാ​ത​യി​ൽ ഐ​ക്യ​രാ​ഷ്‌​ട്ര സം​ഘ​ട​ന വ​രു​ന്ന അ​ഞ്ചു​വ​ർ​ഷ​ത്തേ​ക്കു​ള്ള ബൃ​ഹ​ത്താ​യ പ​രി​പാ​ടി​ക​ൾ​ക്കാ​ണ് തു​ട​ക്ക​മി​ടു​ന്ന​ത്. 2030ൽ ​പ​ത്തു ബി​ല്യ​ൺ മ​ര​ങ്ങ​ൾ എ​ന്ന​താ​ണ് ല​ക്ഷ്യം.

പ്ര​കൃ​തി​യെ സം​ബ​ന്ധി​ച്ച് അ​തി​ന് സ്വ​യം നി​ല​നി​ൽ​ക്കാ​നും, ഭൂ​മി​യി​ലെ കോ​ടാ​നു​കോ​ടി ജീ​വ​ജാ​ല​ങ്ങ​ളു​ടെ നി​ല​നി​ൽ​പു​കൂ​ടി നി​യ​ന്ത്രി​ക്കാ​നും ക​ഴി​യു​മെ​ന്നി​രി​ക്കെ മ​നു​ഷ്യ​ന്റെ നി​രു​ത്ത​ര​വാ​ദ​പ​ര​മാ​യ ഇ​ട​പെ​ട​ലു​ക​ൾ സ​ർ​വ​തി​ന്റെ​യും താ​ളം തെ​റ്റി​ക്കു​ക​യും, പ്ര​കൃ​തി​ത​ന്നെ വ​ലി​യ ത​ക​ർ​ച്ച​യി​ലേ​ക്ക് കൂ​പ്പു​കു​ത്തു​ക​യും ചെ​യ്യു​മ്പോ​ൾ അ​ത് പ്ര​തി​ഫ​ലി​പ്പി​ക്കു​ന്ന​ത് ന​മ്മു​ടെ ഓ​രോ​രു​ത്ത​രു​ടെ​യും നി​ല​നി​ൽ​പു​ത​ന്നെ​യാ​ണെ​ന്ന​തും ഓ​ർ​ക്കേ​ണ്ട​തു​ണ്ട്. ആ ​ഒ​ര​ർ​ഥ​ത്തി​ൽ അ​ഞ്ചു​വ​ർ​ഷം​മു​മ്പ് ഉ​ണ്ടാ​യ കോ​വി​ഡ് പ​രി​സ്ഥി​തി​യു​ടെ ത​ന്നെ പു​നഃ​സ്ഥാ​പി​ക്ക​ലി​നാ​യി ഒ​രു​ക്കി​ക്കൊ​ടു​ത്ത ഒ​രു കാ​ര​ണ​മാ​യി കാ​ണാ​ൻ ക​ഴി​യും. ലോ​ക് ഡൗ​ൺ എ​ന്ന പേ​രി​ൽ മ​നു​ഷ്യ​നെ വീ​ടി​ന്റെ​യു​ള്ളി​ൽ നി​സ്സ​ഹാ​യ​നാ​യി ഇ​രു​ത്തി​ക്കൊ​ണ്ട് പ്ര​കൃ​തി ന​ട​ത്തി​യ ഒ​രു സ്റ്റി​ങ് ഓ​പ​റേ​ഷ​ൻ. ചൂ​ഷ​ണ​ങ്ങ​ൾ അ​തി​രു​ക​ട​ക്കു​മ്പോ​ൾ കാ​ര​ണ​ഭൂ​ത​രാ​യ മ​നു​ഷ്യ​നെ കൂ​ച്ചു​വി​ല​ങ്ങി​ട്ടു കി​ട​ത്തി​യി​ട്ട് ത​ന്റെ തി​രി​ച്ചു​വ​ര​വി​ന് സ്വ​യം വ​ഴി​യൊ​രു​ക്കാ​ൻ പ്ര​കൃ​തി​ക്ക്‌ ക​ഴി​യു​ന്ന​ത്, നാ​ളെ​യും ഈ ​ഭൂ​മി​യെ താ​ങ്ങി​നി​ർ​ത്താ​ൻ ത​നി​ക്കു​മാ​ത്ര​മേ ക​ഴി​യൂ എ​ന്ന തി​രി​ച്ച​റി​വി​ലൂ​ടെ​യാ​ണ്.

പ്ലാ​സ്റ്റി​ക്കി​ന്റെ ഉ​പ​യോ​ഗം കു​റ​ച്ചു​കൊ​ണ്ട് പ​രി​സ്ഥി​തി​യു​ടെ ത​ന​താ​യ ഹാ​ർ​മ​ണി കാ​ത്തു​സൂ​ക്ഷി​ക്കാ​ൻ ന​മു​ക്ക് ക​ഴി​യും. ക​മ്പ്യൂ​ട്ട​റും ടെ​ക്‌​നോ​ള​ജി​യും നി​യ​ന്ത്രി​ക്കു​ന്ന ഇ​ന്ന​ത്തെ ലോ​ക​ത്തോ​ട് സ​മ​ര​സ​പ്പെ​ടു​മ്പോ​ഴും, നാം ​കാ​ലു​റ​പ്പി​ച്ചു​നി​ൽ​ക്കു​ന്ന ഭൂ​മി അ​തി​ന്റെ എ​ല്ലാ പ​രി​ശു​ദ്ധി​യോ​ടും മൂ​ല്യ​ത്തോ​ടും കൂ​ടെ​യു​ണ്ടാ​വ​ണം എ​ന്ന​തു​കൂ​ടി നാം ​ശ്ര​ദ്ധി​ക്കേ​ണ്ട​തു​ണ്ട്. അ​ത​ല്ല, കാ​ൽ​ച്ചു​വ​ട്ടി​ലെ മ​ണ്ണ് ഒ​ലി​ച്ചു​പോ​യാ​ലും പ്ര​കൃ​തി​യെ തൊ​ട്ട​റി​യാ​ത്ത വി​ക​സ​ന​ത്തി​ലൂ​ടെ ന​മു​ക്ക് ലോ​ക​ത്തെ വെ​ട്ടി​പ്പി​ടി​ക്കാം എ​ന്ന പു​രോ​ഗ​മ​ന മ​നഃ​സ്ഥി​തി​യാ​ണെ​ങ്കി​ൽ ന​മ്മു​ടെ ഭാ​വി ഇ​രു​ള​ട​ഞ്ഞ​താ​യി​രി​ക്കും എ​ന്ന കാ​ര്യ​ത്തി​ൽ സം​ശ​യ​മി​ല്ല. ആ ​ഒ​രു ഓ​ർ​മ​പ്പെ​ടു​ത്ത​ലാ​വ​ട്ടെ ഈ ​പ​രി​സ്ഥി​തി​ദി​നം.

(കൊ​ച്ചി സ​ർ​വ​ക​ലാ​ശാ​ല സെ​ന്റ​ർ ഫോ​ർ സ​യ​ൻ​സ് ഇ​ൻ സൊ​സൈ​റ്റി അ​സി​സ്റ്റ​ന്റ് പ്ര​ഫ​സ​റാണ് ലേഖകൻ )