ഭീ​തി​യു​ടെ കാ​ർ​മേ​ഘ​ച്ചോ​ട്ടി​ൽ ഞ​ങ്ങ​ള​ന്ന്...

ഗാ​ന്ധി കൊ​ല്ല​പ്പെ​ട്ട നാ​ൾ - 98 വ​യ​സ്സു​ള്ള മൈ​മൂ​ന ഖാ​ത്തൂ​ൻ പേ​ര​മ​ക​ൻ മു​ഹ​മ്മ​ദ് ഉ​മ​ർ അ​ശ്റ​ഫി​നോ​ട് ഓ​ർ​ത്ത് പ​റ​യുന്നു

അ​തി​ർ​ത്തി​യി​ലും ഉ​ത്ത​രേ​ന്ത്യ​യു​ടെ ഏ​താ​ണ്ടെ​ല്ലാ ഭാ​ഗ​ങ്ങ​ളി​ലും വി​ഭ​ജ​നാ​ന​ന്ത​ര ക​ലാ​പ​ത്തി​ന്റെ ക​ന​ൽ കെ​ടാ​തെ കി​ട​പ്പു​ണ്ടാ​യി​രു​ന്നു. മ​റ്റൊ​രു ക​ലാ​പം ആ​ളി​ക്ക​ത്താ​ൻ ഏ​റെ നേ​ര​മൊ​ന്നും വേ​ണ്ടി​വ​ന്നേ​ക്കി​ല്ല.

കൊ​ല​പാ​ത​ക വാ​ർ​ത്ത പു​റ​ത്തു​വ​ന്ന​തും സ​ങ്ക​ട​ത്തി​നും നി​രാ​ശ​ക്കും ഉ​പ​രി​യാ​യി ഭീ​തി​യാ​ണ് ജ​ന​ങ്ങ​ൾ​ക്കി​ട​യി​ൽ പ​ര​ന്ന​ത്. മു​ഖ്യ​മാ​യ പേ​ടി ഇ​തു​ത​ന്നെ​യാ​യി​രു​ന്നു- ഘാ​ത​ക​ൻ ഒ​രു മു​സ്‍ലിം ആ​ണെ​ന്നു​വ​രു​കി​ൽ..?

രാ​ജ്യ​ത്തി​ന്റെ മ​റ്റെ​ല്ലാ കോ​ണു​ക​ളി​ലു​മെ​ന്ന​പോ​ലെ പ​ട്ന ന​ഗ​ര​ത്തി​ലും പ​ല​ത​രം കിം​വ​ദ​ന്തി​ക​ൾ പ്ര​ച​രി​ച്ചി​രു​ന്നു; പ്ര​ധാ​ന​മാ​യും കൊ​ല​യാ​ളി​യു​ടെ സ​മു​ദാ​യ​ത്തെ​പ്പ​റ്റി​ത്ത​ന്നെ.

കോ​ൺ​ഗ്ര​സും മു​സ്‍ലിം ലീ​ഗും ത​മ്മി​ലെ പോ​രി​ലും സ്വാ​ത​ന്ത്ര്യ​ത്തി​നു മു​മ്പ് ന​ട​ന്ന ല​ഹ​ള​ക​ളി​ലും സ​ക​ല​തും ന​ഷ്ട​പ്പെ​ട്ട മു​സ്‍ലിം സ​മു​ദാ​യം വി​ഭ​ജ​നം​കൂ​ടി ക​ഴി​ഞ്ഞ​തോ​ടെ യ​ത്തീം​മ​ക്ക​ളെ​പ്പോ​ലെ ആ​യി​ത്തീ​ർ​ന്നി​ട്ടു​ണ്ടാ​യി​രു​ന്നു; അ​തു​കൊ​ണ്ടു​ത​ന്നെ അ​വ​ര​ന്ന​നു​ഭ​വി​ച്ച ഭീ​തി​യു​ടെ ആ​ഴം പു​തി​യ ത​ല​മു​റ​​യെ പ​റ​ഞ്ഞു മ​ന​സ്സി​ലാ​ക്കാ​ൻ ക​ഴി​യാ​വു​ന്ന​തി​ല​പ്പു​റ​മാ​ണ്.

എ​നി​ക്ക് ഇ​പ്പോ​ഴും ഓ​ർ​മ​യു​ണ്ട്, നാ​ട്ടി​ൽ ന​ന്നാ​യി അ​റി​യ​പ്പെ​ടു​ന്ന ഒ​രു മൗ​ലാ​ന ക​ശ്മീ​രി കോ​ത്തി​യി​ൽ​നി​ന്ന് ഉ​റ​ക്കെ വി​ളി​ച്ചു​പ​റ​ഞ്ഞ് ഓ​ടി​വ​രു​ന്ന​ത്- ‘‘ഗാ​ന്ധി​ജി​യെ കൊ​ല​പ്പെ​ടു​ത്തി​യ​ത് മു​സ്‍ലിം ആ​ക​രു​തേ എ​ന്ന് ആ​ശി​ച്ചു​കൊ​ള്ളു​ക, കൊ​ല​യാ​ളി മു​സ്‍ലിം ആ​ണെ​ങ്കി​ൽ ന​മ്മ​ളും കൊ​ല്ല​പ്പെ​ടു​വാ​ൻ ഒ​രു​ങ്ങി​ക്കൊ​ള്ളു​ക’’ മ​റ്റൊ​രു മു​സ്‍ലിം പ്ര​മു​ഖ​ൻ പ്ര​ദേ​ശ​ത്തെ ഹി​ന്ദു​ക്ക​ളെ​യും മു​സ്‍ലിം​ക​ളെ​യും വി​ളി​ച്ചു ചേ​ർ​ത്തു.

കൊ​ല​യാ​ളി​യു​ടെ മ​ത​ത്തെ​പ്പ​റ്റി ഊ​ഹാ​പോ​ഹം പ്ര​ച​രി​ക്കു​ന്നു​ണ്ടെ​ന്നും അ​ത്ത​രം വി​വ​ര​ങ്ങ​ളു​ടെ പേ​രി​ൽ ചേ​രി​തി​രി​യ​ലോ അ​ക്ര​മ​ങ്ങ​ൾ​ക്ക് മു​തി​ര​ലോ പാ​ടി​ല്ലെ​ന്നും ആ ​കൂ​ട്ടാ​യ്മ അ​ഭ്യ​ർ​ഥി​ച്ചു.

ജ​ന​ങ്ങ​ൾ കൂ​ട്ട​മാ​യി അ​വി​ടെ​യു​ള്ള ഒ​രു മാ​ർ​വാ​ഡി വീ​ട്ടി​ലേ​ക്ക് നീ​ങ്ങി. അ​വി​ടെ റേ​ഡി​യോ തു​റ​ന്നു​വെ​ച്ചി​രു​ന്നു. അ​വ​ർ അ​റി​യി​പ്പി​നാ​യി കാ​തോ​ർ​ത്തു. കൊ​ല​യാ​ളി​യു​ടെ പേ​ര് തെ​ല്ലൊ​രു ആ​ശ്വാ​സ​ത്തോ​ടെ​യാ​ണ് ആ​ളു​ക​ൾ കേ​ട്ട​ത്. വാ​ർ​ത്ത​യു​ടെ ബാ​ക്കി ഭാ​ഗ​ത്തി​നാ​യി കാ​ത്തു​നി​ൽ​ക്കാ​തെ മു​സ്‍ലിം​ക​ൾ പ​ള്ളി​ക​ളി​ലേ​ക്കും വീ​ടു​ക​ളി​ലേ​ക്കും പോ​യി, ദൈ​വ​ത്തി​ന് സ്തു​തി പ​റ​ഞ്ഞു.