ഹാ​പ്പി ബെ​ർ​ത് ഡേ ​ഫാ​ദ​ർ സ്റ്റാ​ൻ!

ഭ​ര​ണ​കൂ​ട ഭീ​ക​ര​ത​യു​ടെ ഇ​ര​യാ​യി ത​ട​വ​റ മ​ര​ണ​ത്തി​നി​ര​യാ​യ ഫാ. ​സ്റ്റാ​ൻ സ്വാ​മി​യു​ടെ 86ാമ​ത് പി​റ​ന്നാ​ളാ​യി​രു​ന്നു ഏ​പ്രി​ൽ 26ന്. ​പോ​രാ​ട്ട-​പൗ​രോ​ഹി​ത്യ വീ​ഥി​ക​ളി​ലെ സ​ഹ​പ്ര​വ​ർ​ത്ത​ക​ന് ഫാ. ​സെ​ഡ്രി​ക് പ്ര​കാ​ശ് എ​ഴു​തി​യ തി​ക​ച്ചും വേ​റി​ട്ടൊ​രു ജ​ന്മ​ദി​നാ​ശം​സ

പ്രി​യ​പ്പെ​ട്ട സ്റ്റാ​ൻ സ്വാ​മി,

ഭൂ​മി​യി​ൽ താ​ങ്ക​ളു​ടെ പി​റ​ന്നാ​ൾ ദി​ന​മാ​ണ് ര​ണ്ട് നാ​ൾ മു​മ്പ് ക​ഴി​ഞ്ഞു​പോ​യ​ത്. ഇ​വി​ടു​ണ്ടാ​യി​രു​ന്നെ​ങ്കി​ൽ ഇ​പ്പോ​ൾ 86 വ​യ​സ്സാ​യേ​നെ. താ​ങ്ക​ളെ​പ്പോ​ലൊ​രു മ​നു​ഷ്യാ​വ​കാ​ശ പോ​രാ​ളി ഈ ​ഭൂ​മി​യി​ൽ നി​ല​കൊ​ള്ളു​ന്ന​ത് ഒ​ട്ടും ഇ​ഷ്ട​മി​ല്ലാ​ത്തൊ​രു മ​ർ​ദ​ക ഫാ​ഷി​സ്റ്റ് ഭ​ര​ണ​കൂ​ടം 2021 ജൂ​ലൈ അ​ഞ്ചി​ന് അ​ങ്ങ​യെ ഇ​ല്ലാ​താ​ക്കു​ക​യാ​യി​രു​ന്നു​വ​ല്ലോ.

എ​ങ്ങ​നെ​യാ​ണ് അ​വി​ടെ പി​റ​ന്നാ​ൾ ആ​ഘോ​ഷി​ക്കു​ന്ന​ത് എ​ന്ന് ഞ​ങ്ങ​ൾ​ക്ക​റി​ഞ്ഞു​കൂ​ടാ. പ​ക്ഷേ, തീ​ർ​ച്ച​യാ​യും ഭൂ​മി​യി​ൽ താ​ങ്ക​ളു​ടെ അ​സാ​ന്നി​ധ്യം ശ​രി​ക്കും ബോ​ധ്യ​മാ​വു​ന്നു​ണ്ട്. അ​ങ്ങ​യു​ടെ ദീ​നാ​നു​ക​മ്പ​യും സ​മ​ർ​പ്പ​ണ ബോ​ധ​വും, പോ​രാ​ട്ട​വീ​ഥി​യി​ൽ പ്ര​ക​ടി​പ്പി​ച്ച ധൈ​ര്യ​വു​മെ​ല്ലാം അ​സം​ഖ്യം മ​നു​ഷ്യ​ർ ഓ​ർ​മി​ക്കു​ന്നു​ണ്ട്.

തി​ക​ച്ചും നി​സ്വ​രും സാ​ധാ​ര​ണ​ക്കാ​രു​മാ​യ ആ​ളു​ക​ൾ​ക്കൊ​പ്പം, ആ​ദി​വാ​സി​ക​ൾ, ദ​ലി​ത​ർ എ​ന്നി​ങ്ങ​നെ ആ​ട്ടി​യ​ക​റ്റ​പ്പെ​ട്ട​വ​രും നി​ര​ന്ത​രം ചൂ​ഷ​ണം​ചെ​യ്യ​പ്പെ​ട്ട​വ​രു​മാ​യ ദ​രി​ദ്ര-​പാ​ർ​ശ്വ​വ​ത്കൃ​ത ജ​ന​ത​ക്കൊ​പ്പം വ​സി​ച്ച താ​ങ്ക​ൾ​ക്ക് അ​വ​രു​ടെ സാ​ന്നി​ധ്യം ആ​വേ​ശം പ​ക​ർ​ന്നു. അ​വ​ർ ഇ​ന്ന് താ​ങ്ക​ളെ ആ​ഘോ​ഷി​ക്കു​ന്നു. വ​രും​കാ​ല​ങ്ങ​ളി​ലും അ​തു തു​ട​രു​മെ​ന്ന​തി​ൽ തെ​ല്ലു​മി​ല്ല സം​ശ​യം.

പ​ക്ഷേ, ഇ​പ്പോ​ൾ ഞാ​നീ ക​ത്തെ​ഴു​തു​ന്ന​ത് ഈ​യി​ടെ ‘ന​മ്മ​ൾ ത​മ്മി​ൽ ന​ട​ത്തി​യ സം​ഭാ​ഷ​ണ​ത്തി​ന്റെ’ അ​ടി​സ്ഥാ​ന​ത്തി​ലാ​ണ്. ഇ​ത് വാ​യി​ക്കു​മ്പോ​ൾ സ്വ​ത​സി​ദ്ധ​മാ​യ ആ ​ചെ​റു​പു​ഞ്ചി​രി ആ ​ചു​ണ്ടു​ക​ളി​ൽ സാ​വ​ധാ​നം വി​ട​ർ​ന്നു വ​രു​ന്ന​ത് എ​നി​ക്ക് കാ​ണാ​നാ​വു​ന്നു​ണ്ട്. സ്റ്റാ​നു​മാ​യി ഞാ​ൻ സം​സാ​രി​ച്ചു​വെ​ന്ന് വാ​യി​ക്കു​മ്പോ​ൾ എ​നി​ക്കെ​​ന്തോ കു​ഴ​പ്പം പ​റ്റി​യി​ട്ടു​ണ്ടെ​ന്ന് ആ​ളു​ക​ൾ പ​റ​യാ​നി​ട​യു​ണ്ട്.

ആ​രും എ​ന്തും ക​രു​തി​ക്കോ​ട്ടെ. പ​ക്ഷേ ഞാ​ൻ പ​റ​ഞ്ഞ​തി​ൽ ഉ​റ​ച്ചു​നി​ൽ​ക്കു​ന്നു. ര​ണ്ടാ​ഴ്ച മു​മ്പാ​ണ് ഫാ. ​ടോം കാ​വ​ല​യും ഫാ.​പി.​എം. ആ​ന്റ​ണി​യും ബാ​ഗൈ​ച്ച​യി​ൽ ഒ​രു രാ​ത്രി ചെ​ല​വി​ടാ​ൻ എ​ന്നെ ക്ഷ​ണി​ച്ച​ത്. ഒ​രു ക്രി​മി​ന​ലി​നെ​യെ​ന്ന​പോ​ലെ 2021ഒ​ക്ടോ​ബ​ർ എ​ട്ടി​ന് അ​ധി​കാ​രി​ക​ൾ പി​ടി​ച്ചു കൊ​ണ്ടു​പോ​കു​ന്ന​തു വ​രെ താ​ങ്ക​ളു​ടെ വീ​ടാ​യി​രു​ന്ന​ല്ലോ അ​ത്.

താ​ങ്ക​ൾ താ​മ​സി​ച്ചി​രു​ന്ന അ​തേ മു​റി​യും ക​ട്ടി​ലു​മാ​ണ് എ​നി​ക്ക് താ​മ​സി​ക്കാ​ൻ ത​ന്ന​ത് . തി​ക​ച്ചും അ​പ്ര​തീ​ക്ഷി​ത​മാ​യി ല​ഭി​ച്ച ഒ​രു സൗ​ഭാ​ഗ്യ​മാ​യി​രു​ന്നു അ​ത്. ജീ​വി​ത​ത്തി​ലു​ട​നീ​ളം നി​ധി​പോ​ലെ സൂ​ക്ഷി​ക്കാ​നു​ള്ള ഓ​ർ​മ​യാ​ണെ​നി​ക്ക​ത്. ന​ല്ല ക്ഷീ​ണ​വും ത​ള​ർ​ച്ച​യും കാ​ര​ണം കി​ട​ന്ന​തും പൊ​ടു​ന്ന​നെ ഉ​റ​ങ്ങി​പ്പോ​യി. പ​ക്ഷേ, ഇ​ട​ക്കു​വെ​ച്ച് പെ​ട്ടെ​ന്ന് ഉ​ണ​ർ​ച്ച കി​ട്ടി, വ​ല്ലാ​ത്തൊ​രു ഉ​ന്മേ​ഷ​വും വ​ന്നെ​ത്തി; മു​റി​യി​ൽ താ​ങ്ക​ളു​ടെ സാ​ന്നി​ധ്യം അ​നു​ഭ​വ​പ്പെ​ടു​ന്ന​തു​പോ​ലെ തോ​ന്നി.

അ​ത് വെ​റും സ​ങ്ക​ൽ​പ​മാ​യി​രി​ക്കാം. എ​ന്നി​രി​ക്കി​ലും ഞാ​ൻ താ​ങ്ക​ളോ​ട് ചി​ല ചോ​ദ്യ​ങ്ങ​ൾ ചോ​ദി​ക്കാ​ൻ തു​ട​ങ്ങി, എ​ല്ലാ​യ്പ്പോ​ഴും ചെ​യ്യാ​റു​ള്ള​തു​പോ​ലെ താ​ങ്ക​ൾ അ​തി​നെ​ല്ലാം മ​റു​പ​ടി ന​ൽ​കു​ന്ന​താ​യും തോ​ന്നി. ‘ന​മ്മു​ടെ’ ആ ​സം​ഭാ​ഷ​ണം എ​ഴു​ത​ണ​മെ​ന്ന് തോ​ന്നി, അ​തി​വി​ടെ കു​റി​ച്ചി​ടു​ന്നു:

സ്റ്റാ​ൻ, എ​ന്തൊ​ക്കെ​യാണ് അ​വി​ടെ വി​ശേ​ഷ​ങ്ങ​ൾ?

എ​ല്ലാം ന​ല്ല​ത്, ഞാ​ൻ അ​വി​ടെ സ​ന്തു​ഷ്ട​നാ​ണ്, പ​ക്ഷേ ഇ​ന്ത്യ​യി​ൽ, എ​ന്റെ പ്രി​യ​പ്പെ​ട്ട​വ​ർ​ക്ക് സം​ഭ​വി​ക്കു​ന്ന കാ​ര്യ​ങ്ങ​ള​റി​യു​മ്പോ​ൾ വ​ല്ലാ​ത്ത വി​ഷ​മ​വും അ​സ്വ​സ്ഥ​ത​യും അ​നു​ഭ​വ​പ്പെ​ടു​ന്നു, എ​ന്റെ ജ​ന​ങ്ങ​ൾ​ക്കൊ​പ്പം ഞാ​നു​ണ്ടാ​യി​രു​ന്നെ​ങ്കി​ൽ എ​ന്ന് തോ​ന്നി​പ്പോ​കു​ന്നു

അ​വി​ടെ​യി​രു​ന്ന് എ​ന്തെ​ങ്കി​ലും ചെ​യ്യാ​ൻ സാ​ധി​ക്കു​മോ?

എ​ന്തൊ​രു വി​ഡ്ഢി​ച്ചോ​ദ്യ​മാ​ണി​ത്! ഞാ​ൻ നി​ങ്ങ​ൾ​ക്ക് മു​ന്നി​ൽ ഒ​രു പാ​ര​മ്പ​ര്യം അ​വ​ശേ​ഷി​പ്പി​ച്ച​ല്ലേ പോ​യ​ത്? എ​ന്റെ മ​ര​ണ​ശേ​ഷം അ​തുയ​ർ​ത്തി​പ്പി​ടി​ക്കാ​നും സ്വ​പ്ന​ങ്ങ​ളെ യാ​ഥാ​ർ​ഥ്യ​മാ​ക്കാ​നു​മൊ​ക്കെ ചി​ല്ല​റ ആ​വേ​ശ​ങ്ങ​ൾ പ്ര​ക​ട​മാ​യി​രു​ന്നു. പ​ക്ഷേ കാ​ര്യ​മാ​യൊ​ന്നും സാ​ധ്യ​മാ​യി​ട്ടി​ല്ലെ​ന്ന് ഞാ​ൻ കാ​ണു​ന്നു. എ​ന്തു​കൊ​ണ്ടാ​ണ​തെ​ന്ന് എ​നി​ക്ക​റി​ഞ്ഞു കൂ​ടാ

സ്റ്റാ​ൻ, അ​തി​ന്റെ കാ​ര​ണം തി​ര​ക്കി​പ്പോ​കാ​നൊ​ന്നു​മി​ല്ല. പേ​ടി​യാ​ണ് ഞ​ങ്ങ​ൾ​ക്ക്. അ​ങ്ങ​യു​ടേ​ത് പോ​ലു​ള്ള ധീ​ര​ത ഞ​ങ്ങ​ൾ​ക്കി​ല്ല. പ​ദ​വി​യും സ്വ​ത്തും ന​ഷ്ട​പ്പെ​ടു​മെ​ന്ന ഭ​യ​ത്താ​ൽ ശ​ക്ത​രെ അ​ലോ​സ​ര​പ്പെ​ടു​ത്താ​നും ഞ​ങ്ങ​ൾ​ക്കാ​ഗ്ര​ഹ​മി​ല്ല.

വാ​സ്ത​വ​ത്തി​ൽ, അ​തി​ലു​മ​പ്പു​റ​മാ​ണ് കാ​ര്യ​ങ്ങ​ൾ! നാം ​വ​ല്ലാ​തെ സ്ഥാ​പ​ന​വ​ത്ക​രി​ക്ക​പ്പെ​ട്ടി​രി​ക്കു​ന്നു, ന​മ്മു​ടെ പ​രി​ശ്ര​മ​ങ്ങ​ളേ​റെ​യും സ്ഥാ​പ​ന​ങ്ങ​ളു​ടെ ന​ട​ത്തി​പ്പി​ലും നി​യ​ന്ത്ര​ണ​ത്തി​ലും താ​ൽ​പ​ര്യ​സം​ര​ക്ഷ​ണ​ത്തി​ലും കോ​ർ​പ​റേ​റ്റ്- രാ​ഷ്ട്രീ​യ വ്യ​വ​സ്ഥ​ക​ളെ പ്രീ​തി​പ്പെ​ടു​ത്തു​ന്ന​തി​ലു​മാ​ണ് ചെ​ല​വ​ഴി​ക്ക​പ്പെ​ടു​ന്ന​ത്.

ഇ​തു​മൂ​ലം ഞാ​ൻ ഒ​രു​പാ​ട് പ്ര​യാ​സ​പ്പെ​ട്ടി​ട്ടു​ണ്ട്. ന​മ്മു​ടെ മു​ൻ​ഗ​ണ​ന​ക​ളെ ഞാ​ൻ ചോ​ദ്യം ചെ​യ്തി​രു​ന്നു. ന​മ്മു​ടെ പ്ര​തി​ബ​ദ്ധ​ത ഉ​ട​ലെ​ടു​ക്കേ​ണ്ട​ത് യേ​ശു​വി​ന്റെ സ​ന്ദേ​ശ​ത്തി​ലും ഇ​ന്ത്യ​ൻ ഭ​ര​ണ​ഘ​ട​ന​യി​ലും ഉ​റ​ച്ചു​നി​ൽ​ക്കു​ന്ന ഒ​രു സു​വി​ശേ​ഷ​ത്തി​ൽ നി​ന്നാ​ക​ണം. ന​മ്മു​ടെ സാ​മൂ​ഹി​ക പ്ര​വ​ർ​ത്ത​നം പ​ല​പ്പോ​ഴും ജ​ന​പ​ക്ഷം ചേ​ർ​ന്ന​ല്ല, പ​ക​രം പ്രോ​ജ​ക്ടു​ക​ളു​ടെ വാ​ർ​പ്പി​ന​നു​സ​രി​ച്ചാ​ണ്.

അ​ധി​കാ​രി​ക​ളെ നോ​ക്കി നേ​ര് വി​ളി​ച്ചു പ​റ​യു​ന്ന​തി​ന് പ​ക​രം ന​മ്മ​ൾ പു​റം​മോ​ടി​യി​ൽ അ​ഭി​ര​മി​ക്കു​ന്നു. നാം ​മു​യ​ലി​നൊ​പ്പം ഓ​ടു​ക​യും വേ​ട്ട​ക്കാ​ർ​ക്കൊ​പ്പം നാ​യാ​ടു​ക​യും ചെ​യ്യു​ന്നു! ന​മ്മു​ടെ സു​ഖ​മേ​ഖ​ല​ക​ളി​ൽ സു​ര​ക്ഷി​ത​രാ​യി​രി​ക്കു​ന്നി​ട​ത്തോ​ളം കാ​ലം എ​ന്തെ​ങ്കി​ലു​മൊ​രു ഇ​ള​ക്കം സൃ​ഷ്ടി​ക്കാ​ൻ പോ​ലും നാം ​മ​ടി​ക്കു​ന്നു.

കൂ​ടു​ത​ൽ മാ​നു​ഷി​ക​വും നീ​തി​യു​ക്ത​വു​മാ​യ ഒ​രു സ​മൂ​ഹം സാ​ധ്യ​മാ​ക്കാ​ൻ ഞ​ങ്ങ​ൾ എ​ന്തെ​ല്ലാം ചെ​യ്യ​ണ​മെ​ന്നാ​ണ് താ​ങ്ക​ൾ ക​രു​തു​ന്ന​ത്?

നി​ങ്ങ​ളോ​രോ​രു​ത്ത​രും വ്യ​ക്തി​പ​ര​മാ​യും സം​ഘ​ടി​ത​മാ​യും ഒ​രു​പാ​ട് കാ​ര്യ​ങ്ങ​ൾ ഇ​പ്പോ​ൾ ത​ന്നെ ചെ​യ്യു​ന്നു​ണ്ട്, എ​ന്തു വി​ല​കൊ​ടു​ക്കേ​ണ്ടി വ​ന്നാ​ലും അ​ത് നി​ർ​ഭ​യ​മാ​യി തു​ട​രു​ക. ശ​ബ്ദ​മി​ല്ലാ​ത്ത​വ​ർ​ക്ക് ശ​ബ്ദ​മേ​കു​ക. സ​മാ​ന​മ​ന​സ്ക​രാ​യ വ്യ​ക്തി​ക​ൾ​ക്കും കൂ​ട്ടാ​യ്മ​ക​ൾ​ക്കും മു​ന്നേ​റ്റ​ങ്ങ​ൾ​ക്കു​മൊ​പ്പം കൈ​കോ​ർ​ക്കു​ക.

ഉ​വ്വ് സ്റ്റാ​ൻ, പ​ക്ഷേ അ​തി​ന് വ​ലി​യ വി​ല ന​ൽ​കേ​ണ്ടി​വ​രും, അ​ത​ത്ര എ​ളു​പ്പ​മ​ല്ല

തീ​ർ​ച്ച​യാ​യും വേ​ണ്ടി​വ​രും. ഞാ​ൻ അ​തി​നു​ള്ള വി​ല​യൊ​ടു​ക്കി​യി​ല്ലേ? ത​ട​വു​കാ​ല​ത്ത് ഏ​റെ ക​ഷ്ട​പ്പെ​ട്ടു! അ​താ​ണ് ജീ​വി​തം. 2020 ഒ​ക്ടോ​ബ​റി​ൽ അ​റ​സ്റ്റി​ന് തൊ​ട്ടു​മു​മ്പ്, ഞാ​ൻ പ​റ​ഞ്ഞ​തോ​ർ​ക്കു​ക- ‘‘എ​നി​ക്ക് നേ​രി​ടേ​ണ്ടി വ​രു​ന്ന​ത് ഒ​റ്റ​പ്പെ​ട്ട സം​ഭ​വ​മ​ല്ല, രാ​ജ്യ​ത്തു​ട​നീ​ളം ന​ട​ക്കു​ന്ന വി​പു​ല​മാ​യ പ്ര​ക്രി​യ​യാ​ണി​ത്.

അ​ധി​കാ​ര ശ​ക്തി​ക​ൾ​ക്കെ​തി​രെ ചോ​ദ്യ​ങ്ങ​ളും എ​തി​ര​ഭി​പ്രാ​യ​വും ഉ​യ​ർ​ത്തി​യ ബു​ദ്ധി​ജീ​വി​ക​ൾ, അ​ഭി​ഭാ​ഷ​ക​ർ, എ​ഴു​ത്തു​കാ​ർ, സാ​മൂ​ഹി​ക പ്ര​വ​ർ​ത്ത​ക​ർ, വി​ദ്യാ​ർ​ഥി നേ​താ​ക്ക​ൾ എ​ന്നി​ങ്ങ​നെ നാ​നാ​തു​റ​യി​ലു​ള്ള ആ​ക്ടി​വി​സ്റ്റു​ക​ളെ ജ​യി​ലി​ല​ട​ച്ച​തെ​ങ്ങ​നെ​യെ​ന്ന് ന​മു​ക്ക​റി​യാം.

ആ ​പ്ര​ക്രി​യ​യു​ടെ ഒ​രു ക​ണ്ണി​യാ​യ​തി​ൽ ഒ​രു ത​ര​ത്തി​ൽ പ​റ​ഞ്ഞാ​ൽ ഞാ​ൻ സ​ന്തു​ഷ്ട​നാ​ണ്. ഞാ​ൻ വെ​റു​മൊ​രു മൂ​ക​സാ​ക്ഷി​യ​ല്ല, എ​ന്തു വി​ല​യൊ​ടു​ക്കേ​ണ്ടി വ​ന്നാ​ലും ഞാ​ന​തി​ന് സ​ന്ന​ദ്ധ​നാ​ണ്’’.

പൊ​ടു​ന്ന​നെ പു​ല​രി വി​രി​ഞ്ഞു. അ​തൊ​രു സ്വ​പ്ന​മാ​യി​രു​ന്നി​ല്ല. എ​ന്നെ​യും മ​റ്റു പ​ല​രെ​യും കൂ​ടു​ത​ൽ കൂ​ടു​ത​ൽ ക​ർ​മോ​ത്സു​ക​രാ​ക്കാ​ൻ, വി​ട്ടേ​ച്ചു​പോ​യ പൈ​തൃ​ക​ത്തി​ന്റെ വീ​ണ്ടെ​ടു​പ്പു​കാ​രാ​വാ​ൻ താ​ങ്ക​ൾ എ​​ന്റെ അ​രി​കി​ൽ നേ​രി​ൽ വ​ന്ന് സം​സാ​രി​ച്ച​താ​ണി​തെ​ല്ലാ​മെ​ന്ന് ത​ന്നെ ഞാ​ൻ വി​ശ്വ​സി​ക്കു​ന്നു. തീ​ർ​ച്ച​യാ​യും ഞ​ങ്ങ​ൾ​ക്ക് ഇ​നി​യു​മൊ​ട്ടേ​റെ ചെ​യ്യാ​നു​ണ്ട്. ജ​ന്മ​ദി​നാ​ശം​സ​ക​ളോ​ടെ

താ​ങ്ക​ളു​ടെ ​സ​ഹോ​ദ​ര​ൻ സെ​​ഡ്രിക്