ചോ​ര​പ്പാ​ട്

ഓരോ സ​മൂ​ഹ​ത്തി​നും അ​വ​ര​ർ​ഹി​ക്കു​ന്ന ഭ​ര​ണാ​ധി​കാ​രി​ക​ളെ കി​ട്ടു​മെ​ന്നാ​ണ​ല്ലോ. കു​റ്റ​വാ​ളി​ക​ളു​ടെ കാ​ര്യ​ത്തി​ലും അ​ങ്ങ​നെ​ത്ത​ന്നെ​യാ​യി​രി​ക്കു​മെ​ന്ന് നി​രീ​ക്ഷി​ച്ച​ത് സാ​ക്ഷാ​ൽ റോ​ബ​ർ​ട്ട് കെ​ന്ന​ഡി​യാ​ണ്. ഇ​വി​ടെ ആ​രാ​ണ് കു​റ്റ​വാ​ളി/ ക്രി​മി​ന​ൽ? കെ​ന്ന​ഡി​യു​ടെ നി​രീ​ക്ഷ​ണ​ത്തി​ന് നൂ​റ്റാ​ണ്ട് മു​ന്നേ​ത്ത​ന്നെ ചെ​സ്റ്റ​ർ​ട​ണി​നെ​പ്പോ​ലെ​യു​ള്ള ചി​ന്ത​ക​ർ അ​ക്കാ​ര്യം നി​ർ​വ​ചി​ച്ചി​ട്ടു​ണ്ട്.

ലോ​ക​ത്ത് ഏ​റ്റ​വും കൂ​ടു​ത​ൽ സ​ർ​ഗാ​ത്മ​ക​രാ​യ ക​ലാ​കാ​ര​ന്മാ​ര​ത്രെ ക്രി​മി​ന​ലു​ക​ൾ; കു​റ്റാ​ന്വേ​ഷ​ക​രോ, ഏ​ഴാം​കൂ​ലി​ക​ളാ​യ ക്രി​ട്ടി​ക്കു​ക​ൾ മാ​ത്രം! ഇ​തു​കേ​ട്ട്, ബ​ർ​ണാ​ഡ് ഷാ ​അ​ട​ക്ക​മു​ള്ള​വ​ർ നെ​റ്റി​ചു​ളി​ച്ച​പ്പോ​ൾ മോ​ഷ്ടാ​ക്ക​ളാ​യ ക്രി​മി​ന​ലു​ക​ളെ​ക്കു​റി​ച്ച് ച​സ്റ്റ​ർ​ട​ൺ ഒ​ന്നു​കൂ​ടി വി​ശ​ദീ​ക​രി​ച്ചു: ‘‘ക​ള്ള​ന്മാ​ർ സ്വ​കാ​ര്യ സ്വ​ത്തി​നെ മാ​നി​ക്കു​ന്നു; കൂ​ടു​ത​ൽ മാ​നി​ക്കാ​നാ​യി അ​വ​ര​തി​നെ ത​ങ്ങ​ളു​ടേ​താ​ക്കാ​ൻ ആ​ഗ്ര​ഹി​ക്കു​ക മാ​ത്ര​മാ​ണ് ചെ​യ്യു​ന്ന​ത്’’.

ഈ ​നി​രീ​ക്ഷ​ണ​ങ്ങ​ളും നി​ർ​വ​ച​ന​ങ്ങ​ളും കേ​ൾ​ക്കു​മ്പോ​ൾ, ന​മ്മു​ടെ കാ​ലം അ​ർ​ഹി​ക്കു​ന്ന ക്രി​മി​ന​ലും മോ​ഷ്ടാ​വും ആ​രാ​ണ്? -ഒ​രു​പാ​ട് പേ​രു​ക​ൾ​ക്കി​ട​യി​ൽ എ​ന്താ​യാ​ലും ചാ​ൾ​സ് ശോ​ഭ​രാ​ജി​ന് ആ​ദ്യ​റാ​ങ്കു​ക​ളി​ലൊ​ന്ന്​ ത​ന്നെ ന​ൽ​കേ​ണ്ടി​വ​രും. ആ ​പേ​രു കേ​ൾ​ക്കു​മ്പോ​ൾ ഭീ​ക​ര​ത​യു​ടെ ചോ​ര​പ്പാ​ടു​ക​ൾ മാ​ത്ര​മ​ല്ല മ​ന​സ്സി​ൽ തെ​ളി​യു​ക; ഒ​രു ബ്ലോ​ക്ബ​സ്റ്റ​ർ ക്രൈം ​ത്രി​ല്ല​റി​ൽ ഉ​ൾ​ക്കി​ടി​ല​ൻ സ്റ്റൈ​ലി​ഷ് ഭാ​വ​ങ്ങ​ളെ പൂ​ർ​ണ​മാ​യും ആ​വാ​ഹി​ച്ച് ന​ട​ന്നു​വ​രു​ന്ന വി​ല്ല​ൻ ക​ഥാ​പാ​ത്ര​ത്തെ​ക്കൂ​ടി​യാ​ണ്. 19 വ​ർ​ഷം നീ​ണ്ട ‘ര​ണ്ടാം കാ​രാ​ഗൃ​ഹ’ വാ​സ​ത്തി​നു​ശേ​ഷം ഒ​രി​ക്ക​ൽ​കൂ​ടി ആ​ള് പാ​രി​സി​ലേ​ക്ക് തി​രി​ച്ചി​ട്ടു​ണ്ട്.

പ​ല​രെ​യും പാ​ഠം പ​ഠി​പ്പി​ക്കാ​നു​ണ്ടെ​ന്നാ​ണ് കാ​ഠ്മ​ണ്ഡു​വി​ൽ​നി​ന്ന് പാ​രി​സി​ലേ​ക്ക് വി​മാ​നം ക​യ​റു​മ്പോ​ൾ അ​ടു​ത്തു​ണ്ടാ​യി​രു​ന്ന മാ​ധ്യ​മ​പ്ര​വ​ർ​ത്ത​ക​നോ​ട് അ​ട​ക്കം പ​റ​ഞ്ഞ​ത്. തെ​ളി​യാ​ത്ത കു​റ്റ​ത്തി​ന് ജ​യി​ല​ർ​മാ​രെ മാ​ത്ര​മ​ല്ല, നേ​പ്പാ​ളി​നെ മൊ​ത്ത​മാ​യി കോ​ട​തി ക​യ​റ്റു​മെ​ന്നാ​ണ് ശ​പ​ഥം. ടി​യാ​ൻ എ​ന്തി​നു​ള്ള പു​റ​പ്പാ​ടാ​ണെ​ന്ന് ക​ണ്ട​റി​യു​ക ത​ന്നെ വേ​ണം.

വി​വി​ധ രാ​ജ്യ​ങ്ങ​ളി​ലാ​യി ടൂ​റി​സ്റ്റു​ക​ളെ കൊ​ല​പ്പെ​ടു​ത്തു​ക​യും കൊ​ള്ള​യ​ടി​ക്കു​ക​യും ചെ​യ്ത രാ​ജ്യാ​ന്ത​ര കു​റ്റ​വാ​ളി എ​ന്നാ​ണ് ചാ​ൾ​സ് ഗു​രു​മു​ഖ് ശോ​ഭ​രാ​ജി​നെ​ക്കു​റി​ച്ച് എ​ക്കാ​ല​ത്തും മാ​ധ്യ​മ​ങ്ങ​ൾ ന​ൽ​കി​വ​രാ​റു​ള്ള ഇ​ൻ​ട്രോ. ബാ​ങ്കോ​ങ്ങി​ലെ​യും പ​ട്ടാ​യ​യി​ലെ​യും ഗോ​വ​യി​ലെ​യും കാ​ഠ്മ​ണ്ഡു​വി​ലെ​യും വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളെ ചോ​ര​മ​ണ​പ്പി​ച്ച​യാ​ൾ; ഇ​ര​ക​ളു​ടെ പാ​സ്പോ​ർ​ട്ട് ഉ​പ​യോ​ഗി​ച്ച് ലോ​കം ചു​റ്റി​യ​യാ​ൾ; കൊ​ന്നു​ത​ള്ളി​യ​വ​രു​ടെ എ​ണ്ണം 30 വ​രെ​യാ​കാ​മെ​ന്നാ​ണ് പ​റ​യു​ന്ന​ത്.

ഏ​താ​നും വ​ർ​ഷം മു​മ്പ്, ജ​യി​ലി​ൽ​വെ​ച്ച് ആ​രോ​ഗ്യ​നി​ല മോ​ശ​മാ​യ​പ്പോ​ൾ ഡോ​ക്ട​ർ​മാ​ർ നേ​രെ ഓ​പ​റേ​ഷ​ൻ ടേ​ബി​ളി​ലേ​ക്കാ​ണ് റ​ഫ​ർ ചെ​യ്ത​ത്. ആ ​അ​ബോ​ധാ​വ​സ്ഥ​യി​ൽ ഡോ​ക്ട​റോ​ട് ഇ​ങ്ങ​നെ പ​റ​ഞ്ഞു​വ​ത്രെ: ‘‘നി​യ​ന്ത്രി​ക്കാ​നാ​വാ​ത്ത​വി​ധം ഒ​ഴു​കി​പ്പ​ര​ക്കു​ന്ന വി​കാ​ര​മോ അ​ല്ലെ​ങ്കി​ൽ തി​ക​ഞ്ഞ നി​ർ​വി​കാ​ര​ത​യോ ആ​ണ് ഒ​രു കൊ​ല​പാ​ത​കി​യെ സൃ​ഷ്ടി​ക്കു​ന്ന​ത്’’. ഇ​തി​ൽ ഏ​ത് വി​കാ​ര​മാ​ണി​പ്പോ​ൾ അ​യാ​ളെ ന​യി​ക്കു​ന്ന​തെ​ന്ന് അ​റി​ഞ്ഞു​കു​ടാ.

19 വ​ർ​ഷ​ത്തി​നു​ശേ​ഷം, കാ​ഠ്മ​ണ്ഡു​വി​ൽ​നി​ന്ന് ദോ​ഹ വ​ഴി പാ​രി​സി​ലേ​ക്ക് പ​റ​ക്കു​ന്ന വി​മാ​ന​ത്തി​ൽ ഒ​രു ചെ​റു​പു​ഞ്ചി​രി​യോ​ടെ അ​യാ​ൾ ഫോ​ട്ടോ​ക്ക് പോ​സ് ചെ​യ്യു​മ്പോ​ൾ, പ്രാ​യ​ത്തി​ന്റെ അ​വ​ശ​ത​യൊ​ഴി​ച്ചാ​ൽ ബാ​ക്കി​യെ​ല്ലാം പ​ഴ​യ​തു​പോ​ലെ​ത്ത​ന്നെ. ആ ​വി​മാ​ന​ത്തി​ലെ ഇ​രി​പ്പ്​ കാ​ണു​മ്പോ​ൾ 25 വ​ർ​ഷം മു​മ്പ​ത്തെ മ​റ്റൊ​രു യാ​ത്ര​യ​യ​പ്പ് ഓ​ർ​മ വ​രും.

കൃ​ത്യ​മാ​യി പ​റ​ഞ്ഞാ​ൽ, 1997 ഫെ​ബ്രു​വ​രി 24ന്. ​ന്യൂ​ഡ​ൽ​ഹി​യി​ലെ ഇ​ന്ദി​ര​ഗാ​ന്ധി അ​ന്താ​രാ​ഷ്ട്ര വി​മാ​ന​ത്താ​വ​ള​മാ​യി​രു​ന്നു യാ​ത്ര​യ​യ​പ്പു​വേ​ദി. 1976 മു​ത​ൽ 97 വ​രെ തി​ഹാ​ർ ജ​യി​ലി​ൽ ക​ഴി​ഞ്ഞ​ശേ​ഷ​മാ​യി​രു​ന്നു ആ ​യാ​ത്ര​യ​യ​പ്പ്; അ​തും പാ​രി​സി​ലേ​ക്ക് ത​ന്നെ. 1975ൽ ​ഡ​ൽ​ഹി​യി​ൽ ഒ​രു ഫ്ര​ഞ്ച് ടൂ​റി​സ്റ്റ് വി​ഷ​ബാ​ധ​യേ​റ്റ് മ​രി​ച്ച കേ​സി​ലാ​ണ് ആ​ള് തി​ഹാ​റി​ലെ​ത്തി​യ​ത്.

ടൂ​റി​സ്റ്റ് ഗൈ​ഡാ​യി സ​ഞ്ചാ​രി​ക​ൾ​ക്കൊ​പ്പം കൂ​ടി​യ ചാ​ൾ​സും സം​ഘ​വും അ​വ​ർ​ക്ക് മ​രു​ന്നാ​ണെ​ന്നു പ​റ​ഞ്ഞ് വി​ഷം ന​ൽ​കു​ക​യാ​യി​രു​ന്നു. ‘മ​രു​ന്ന്’​ക​ഴി​ച്ച​വ​രി​ൽ ഒ​രാ​ൾ മ​ര​ണ​പ്പെ​ടു​ക​യും മ​റ്റു​ചി​ല​ർ ബോ​ധ​ര​ഹി​ത​രാ​വു​ക​യും ചെ​യ്ത​തോ​ടെ, കൂ​ടെ​യു​ള്ള​വ​ർ​ക്ക് സം​ശ​യ​മാ​യി. ഉ​ട​ൻ പൊ​ലീ​സി​നെ വി​ളി​ച്ചു. അ​തി​നു​മു​മ്പ്, ഇ​ന്ത്യ​യി​ൽ​വെ​ച്ചു​ത​ന്നെ അ​യാ​ൾ അ​വോ​ണി ജേ​ക്ക​ബ് എ​ന്ന ഇ​സ്രാ​യേ​ലി യു​വ​തി​യെ​യും സ​മാ​ന​രീ​തി​യി​ൽ കൊ​ല​പ്പെ​ടു​ത്തി​യി​രു​ന്നു.

അ​വോ​ണി​യു​ടെ പാ​സ്പോ​ർ​ട്ട് ഉ​പ​യോ​ഗി​ച്ച് സിം​ഗ​പ്പൂ​രി​ലും മ​ലേ​ഷ്യ​യി​ലും താ​യ്‍ല​ൻ​ഡി​ലു​മെ​ല്ലാം ക​റ​ങ്ങി. അ​വി​ടെ​യെ​ല്ലാം നി​ഷ്ഠു​ര​മാ​യ കൊ​ല​ക​ൾ അ​ര​ങ്ങേ​റി. കൊ​ല്ല​പ്പെ​ട്ട​വ​രി​ലേ​റെ​യും വി​നോ​ദ​സ​ഞ്ചാ​രി​ക​ളാ​യ ഹി​പ്പി വ​നി​ത​ക​ളാ​യി​രു​ന്നു. ‘ബി​ക്കി​നി കി​ല്ല​ർ’ എ​ന്ന പേ​രു​വ​ന്ന​ത് ആ ​വ​ഴി​യി​ലാ​ണ്.

ചെ​യ്തു​കൂ​ട്ടി​യ കൊ​ല​പാ​ത​ക​ങ്ങ​ൾ​ക്കൊ​ന്നും തെ​ളി​വു​ണ്ടാ​യി​രു​ന്നി​ല്ല. അ​തു​കൊ​ണ്ടു​ത​ന്നെ ര​ക്ഷ​പ്പെ​ടാ​ൻ എ​ളു​പ്പ​വു​മാ​യി. ആ​ദ്യ​മാ​യി തെ​ളി​വു​ക​ളോ​ടെ ചാ​ൾ​സി​ലേ​ക്ക് എ​ത്തി​യ​ത് താ​യ്‍ല​ൻ​ഡി​ലെ കു​റ്റാ​ന്വേ​ഷ​ക സം​ഘ​മാ​ണ്. പ​ക്ഷേ, അ​പ്പോ​ഴേ​ക്കും ആ​ള് ഇ​ന്ത്യ​യി​ലെ​ത്തി​യി​രു​ന്നു. താ​യ്ല​ൻ​ഡ് സ​ർ​ക്കാ​റി​ന് അ​ന്ന് ചാ​ൾ​സി​നെ കൈ​മാ​റി​യി​രു​ന്നു​വെ​ങ്കി​ൽ അ​യാ​ൾ​ക്ക് തൂ​ക്കു​ക​യ​ർ ഉ​റ​പ്പാ​യേ​നെ. ഇ​ത​റി​യാ​മാ​യി​രു​ന്ന ചാ​ൾ​സ്, ത​ന്നെ കൈ​മാ​റും​മു​മ്പേ ജ​യി​ൽ ഉ​ദ്യോ​ഗ​സ്ഥ​രെ മ​യ​ക്കി തി​ഹാ​ർ ജ​യി​ൽ ചാ​ടി.

ര​ണ്ടാ​ഴ്ച ക​ഴി​ഞ്ഞ​പ്പോ​ൾ ഗോ​വ​യി​ൽ​നി​ന്ന് പി​ടി​യി​ലു​മാ​യി. അ​തോ​ടെ, ജ​യി​ൽ​ചാ​ട്ട​ത്തി​ന് മ​റ്റൊ​രു ശി​ക്ഷ​കൂ​ടി കി​ട്ടി. ആ ​ശി​ക്ഷ ശ​രി​ക്കു​മൊ​രു ര​ക്ഷ​യാ​യി​രു​ന്നു. താ​യ്‍ല​ൻ​ഡ് സ​ർ​ക്കാ​റി​ന് ചാ​ൾ​സി​നെ കൈ​മാ​റാ​ൻ ആ ​ഒ​രൊ​റ്റ ശി​ക്ഷ​കൊ​ണ്ടു സാ​ധി​ക്കാ​തെ​വ​ന്നു. അ​പ്പോ​ഴേ​ക്കും വാ​റ​ൻ​റ് കാ​ലാ​വ​ധി ക​ഴി​ഞ്ഞി​ട്ടു​ണ്ടാ​യി​രു​ന്നു.

ചാ​ൾ​സും അ​തു​ത​ന്നെ​യാ​ണ് ല​ക്ഷ്യ​മി​ട്ട​ത്. ഒ​ന്നു​ര​ണ്ടു വ​ർ​ഷം കൂ​ടി തി​ഹാ​റി​ൽ ക​ഴി​ച്ചു​കൂ​ട്ടി. എ​ല്ലാം അ​വ​സാ​നി​പ്പി​ച്ചാ​ണ് ഡ​ൽ​ഹി​യി​ൽ​നി​ന്ന് പാ​രി​സി​ലേ​ക്ക് പു​റ​പ്പെ​ട്ട​ത്. അ​വി​ടെ കാ​ത്തു​നി​ന്ന​ത് വ​ലി​യ മാ​ധ്യ​മ​പ്പ​ട​യാ​യി​രു​ന്നു; പാ​പ്പ​രാ​സി​ക​ൾ​ക്കെ​ല്ലാം അ​ഭി​മു​ഖം ന​ൽ​കി കോ​ടി​ക​ൾ സ​മ്പാ​ദി​ച്ചു. ത​ന്നെ​വെ​ച്ച് സി​നി​മ പി​ടി​ക്കാ​നെ​ത്തി​യ​വ​രു​ടെ പോ​ക്ക​റ്റി​ലും കൈ​യി​ട്ടു വാ​രി.

നാ​ല​ഞ്ചു വ​ർ​ഷം അ​വി​ടെ ക​റ​ങ്ങി​യ ചാ​ൾ​സ്, 2003ൽ ​നേ​പ്പാ​ളി​ലെ ഒ​രു കാ​സി​നോ​യി​ൽ വെ​ച്ച് പി​ടി​യി​ലാ​യി. പ​ണ്ട​ത്തെ ഡ​ൽ​ഹി കൊ​ല​പാ​ത​ക​ത്തി​ന്റെ കു​റ​ച്ചു​നാ​ൾ മു​മ്പ് കാ​ഠ്മ​ണ്ഡു​വി​ൽ ന​ട​ത്തി​യ ഇ​ര​ട്ട കൊ​ല​പാ​ത​ക​മാ​യി​രു​ന്നു കു​റ്റം. 20 വ​ർ​ഷ​മാ​യി​രു​ന്നു ശി​ക്ഷ. ജ​യി​ലി​ൽ കു​ഴ​പ്പ​ങ്ങ​ളു​ണ്ടാ​ക്കാ​ത്ത​തു​കൊ​ണ്ടും പ്രാ​യം പ​രി​ഗ​ണി​ച്ചും ഒ​രു​വ​ർ​ഷം നേ​ര​ത്തേ വി​ട്ട​യ​ച്ചി​രി​ക്കു​ക​യാ​ണി​പ്പോ​ൾ.

ഇ​ന്ത്യ​ൻ വം​ശ​ജ​നാ​യി​രു​ന്നു ചാ​ൾ​സി​ന്റെ പി​താ​വ്. മാ​താ​വി​ന്റെ നാ​ടാ​യ വി​യ​റ്റ്നാ​മി​ലെ സെ​യ്ഗോ​ണി​ലാ​യി​രു​ന്നു ജ​ന​നം. ചാ​ൾ​സി​ന്റെ മാ​താ​പി​താ​ക്ക​ൾ വി​വാ​ഹി​ത​രാ​യി​രു​ന്നി​ല്ല. അ​തു​കൊ​ണ്ടു​ത​ന്നെ, ചാ​ൾ​സി​നെ മ​ക​നാ​യി അം​ഗീ​ക​രി​ക്കാ​ൻ പി​താ​വ്​ ത​യാ​റാ​യി​ല്ല. മാ​താ​വി​നും ഫ്ര​ഞ്ച് പ​ട്ടാ​ള​ക്കാ​ര​നാ​യ ര​ണ്ടാം ഭ​ർ​ത്താ​വി​നു​മൊ​പ്പം പാ​രി​സി​ലാ​യി​രു​ന്നു ചാ​ൾ​സി​ന്റെ ബാ​ല്യം.

പാ​രി​സി​ലെ തെ​രു​വു​ക​ളി​ൽ ചി​ല്ല​റ മോ​ഷ​ണ​ങ്ങ​ൾ ന​ട​ത്തി തു​ട​ങ്ങി​യ കു​റ്റ​കൃ​ത്യ​ങ്ങ​ളാ​ണ് പി​ന്നീ​ട് കൊ​ല​പാ​ത​ക പ​ര​മ്പ​ര​യി​ലേ​ക്ക് എ​ത്തി​യ​ത്. പാ​രി​സി​ൽ ഒ​ന്നു ര​ണ്ടു ത​വ​ണ ജ​യി​ലി​ൽ കി​ട​ന്നി​ട്ടു​ണ്ട്. അ​വി​ടെ​നി​ന്ന് ര​ക്ഷ​പ്പെ​ട്ടാ​ണ് ഇ​ന്ത്യ​യി​ലെ​ത്തി​യ​ത്. ബോം​ബെ​യാ​യി​രു​ന്നു അ​ന്ന് താ​വ​ളം. ഇ​ന്ത്യ​യി​ലേ​ക്ക് വ​രു​മ്പോ​ൾ, ഗ​ർ​ഭി​ണി​യാ​യ ഭാ​ര്യ ച​ന്താ​ൽ കൊം​പാ​ഗ്ന​നും കൂ​ടെ​യു​ണ്ടാ​യി​രു​ന്നു.

അ​വ​ർ​ക്ക് ഒ​രു പെ​ൺ​കു​ഞ്ഞ് പി​റ​ന്നു -ഉ​ഷ. ബോം​ബെ​യി​ലും മോ​ഷ​ണ​വും ചൂ​താ​ട്ട​വു​മൊ​ക്കെ​യാ​യി​രു​ന്നു പ​രി​പാ​ടി. കു​റ്റ​കൃ​ത്യ​ങ്ങ​ൾ​ക്കെ​ല്ലാം തു​ട​ക്ക​ത്തി​ൽ ച​ന്താ​ലി​ന്റെ​യും പി​ന്തു​ണ​യു​ണ്ടാ​യി​രു​ന്നു; പി​ന്നീ​ടെ​പ്പോ​ഴോ മാ​ന​സാ​ന്ത​രം വ​ന്ന് അ​വ​രും മ​ക​ളും പാ​രി​സി​ലേ​ക്ക് തി​രി​ച്ചു​പോ​യി. അ​തി​നു​ശേ​ഷം ജ​യി​ലി​ന​ക​ത്തും പു​റ​ത്തു​മാ​യി എ​ത്ര​യോ സ്ത്രീ​ക​ൾ ചാ​ൾ​സി​ന്റെ ജീ​വി​ത​ത്തി​ലേ​ക്ക് ക​ട​ന്നു​വ​ന്നു. പ്രാ​യ​മി​പ്പോ​ൾ 78. പു​ഞ്ചി​രി​യാ​ണ് ഭാ​വ​മെ​ങ്കി​ലും, ആ​രോ​ഗ്യം ന​ന്നേ ക്ഷ​യി​ച്ചി​ട്ടു​ണ്ടെ​ന്ന് ജ​യി​ൽ ഡോ​ക്ട​ർ​മാ​ർ പ​റ​യു​ന്നു.

ചാ​ൾ​സ് ശോ​ഭ​രാ​ജി​ന്റെ ജീ​വി​തം പ്ര​തി​പാ​ദി​ക്കു​ന്ന നാ​ലു ബെ​സ്റ്റ് സെ​ല്ല​റു​ക​ളെ​ങ്കി​ലു​മു​ണ്ട്. അ​തി​ലൊ​ന്ന് ആ​സ്ട്രേ​ലി​യ​ൻ പ​ത്ര​പ്ര​വ​ർ​ത്ത​ക​നാ​യ നെ​വി​ല്ലെ​യു​ടെ ‘ലൈ​ഫ് ആ​ൻ​ഡ് ക്രൈം​സ് ഓ​ഫ് ചാ​ൾ​സ് ശോ​ഭ​രാ​ജ്’ (1980)ആ​ണ്. മ​റ്റൊ​ന്ന് തോം​പ്സ​ന്റെ ‘സ​ർ​പൈ​ന്റ​ൻ’ ആ​ണ്. ര​ണ്ടും സി​നി​മ​യാ​യി. തി​ഹാ​ർ ജ​യി​ൽ ചാ​ട്ട​ത്തെ പ്ര​മേ​യ​മാ​ക്കി 2015ൽ ‘​മേ​ൻ ഓ​ർ ചാ​ൾ​സ്’ എ​ന്ന പേ​രി​ൽ ഒ​രു ബോ​ളി​വു​ഡ് ത്രി​ല്ല​റും ഇ​റ​ങ്ങി​യി​ട്ടു​ണ്ട്.