കോട്ടയം സ്വദേശി സലാലയിൽ കുഴഞ്ഞ് വീണ് മരിച്ചു

സലാല : കോട്ടയം തലയോലപ്പറമ്പ് കീഴൂർ സ്വദേശി ചുണ്ടമലയിൽ സാലിമോൻ ( 58) സലാലയിൽ നിര്യാതനായി. ചൊവ്വാഴ്ച രാവിലെ സലാല സെൻ്ററിലെ റസ്റ്റോറൻ്റിന് സമീപം വീണ് കിടക്കുന്ന നിലയിൽ കണ്ടെത്തിയ ഇദ്ദേഹത്തെ പൊലീസ് സ്ഥലത്തെത്തി ആശുപത്രിയിൽ എത്തിക്കുകയായിരുന്നു. ഭാര്യ ശാന്തമ്മയും സലാലയിലുണ്ട്. മൃതദേഹം നാട്ടിൽ കൊണ്ട് പോകുന്നതിനുള്ള ശ്രമങ്ങൾ നടന്നു വരികയാണെന്ന് കൈരളി ഭാരവാഹികൾ അറിയിച്ചു.