പതിനേഴ് വർഷത്തിന് ശേഷം അനിൽ കപൂറും മാധുരി ദീക്ഷിതും വീണ്ടും ഒന്നിക്കുന്നു

ബോളിവുഡിലെ പ്രണയ ജോഡികളായ അനിൽ കപൂറും മാധുരി ദീക്ഷിതും വീണ്ടും ഒന്നിക്കുന്നു. ഇന്ദ്രകുമാർ സംവിധാനം ചെയ്യുന്ന 'ടോട്ടൽ ദമാൽ' എന്ന ചിത്രത്തിലാണ് ഇരുവരും ഒന്നിക്കുന്നത്. ജനുവരിയിൽ ചിത്രീകരണം തുടങ്ങും. അനിൽ കപൂർ^മാധുരി ജോഡികളെ വീണ്ടും ഒന്നിപ്പിക്കുന്നതിന്‍റെ ത്രില്ലിലാണ് താനെന്ന് സംവിധായകൻ ഇന്ദ്രകുമാർ പറഞ്ഞു. ചിത്രത്തിൽ അജയ് ദേവ്ഗൺ, റിതേഷ് ദേഷ്മുഖ്, അർഷദ് വർസി, ജവേദ് ജഫ്രി എന്നിവരും അഭിനയിക്കുന്നുണ്ട്. 

രണ്ടായിരത്തിൽ പുറത്തിറങ്ങിയ 'പുകാർ' എന്ന ചിത്രത്തിലാണ് താരജോഡികൾ അവസാനമായി ഒന്നിച്ചത്. അനിൽ^മാധുരി കൂട്ടുകെട്ടിലിറങ്ങിയ ജമൈ രാജ, റാം ലഖാന്‍ എന്നിവ വമ്പൻ ഹിറ്റായിരുന്നു. ബേട്ടയിലെ ധക്, ധക് കർനേ ലഗാ എന്ന ഗാനം ഇന്നും സൂപ്പർ ഹിറ്റാണ്.