യുവമോർച്ച നേതാവിന്‍റെ കൊല; പോ​പു​ല​ർ ഫ്ര​ണ്ട് സു​ള്ള്യ ഓഫിസ്​ എൻ.ഐ.എ പിടിച്ചെടുത്തു

ബം​ഗ​ളൂ​രു: യു​വ​മോ​ർ​ച്ച നേ​താ​വ് പ്ര​വീ​ൺ കു​മാ​ർ നെ​ട്ടാ​രു​വി​ന്‍റെ കൊ​ല​പാ​ത​കം അ​ന്വേ​ഷി​ക്കു​ന്ന ദേ​ശീ​യ അ​ന്വേ​ഷ​ണ ഏ​ജ​ൻ​സി (എ​ൻ.​ഐ.​എ) പോ​പു​ല​ർ ഫ്ര​ണ്ട് ഓ​ഫ് ഇ​ന്ത്യ​യു​ടെ (പി.​എ​ഫ്.​ഐ) സു​ള്ള്യ ഓ​ഫി​സ് പി​ടി​ച്ചെ​ടു​ത്തു. തീ​വ്ര​വാ​ദ പ്ര​വ​ർ​ത്ത​ന​ങ്ങ​ൾ​ക്ക് ഉ​പ​യോ​ഗി​ച്ച​താ​യി ആ​രോ​പി​ച്ചാ​ണ് ന​ട​പ​ടി. ഗാ​ന്ധി​ന​ഗ​ർ ആ​ലെ​റ്റി റോ​ഡ് താ​ഹി​റ കോം​പ്ല​ക്‌​സി​​ലാ​യി​രു​ന്നു ഓ​ഫി​സ്. പി​ടി​ച്ചെ​ടു​ത്ത വിവരം വ​സ്തു​വി​ന്‍റെ ഉ​ട​മ, ജി​ല്ല ക​മീ​ഷ​ണ​ർ, ദ​ക്ഷി​ണ ക​ന്ന​ട ജി​ല്ല പൊ​ലീ​സ് സൂ​പ്ര​ണ്ട് എ​ന്നി​വ​രെ അ​റിയിച്ചി​ട്ടു​ണ്ട്. വ​സ്തു പാ​ട്ട​ത്തി​നോ വാ​ട​ക​ക്കോ ന​ൽ​ക​രു​ത്, വ​സ്തു​വ​ക​ക​ൾ ഓ​ഫി​സി​ൽ​നി​ന്ന് മാ​റ്റ​രു​തള, ന​വീ​ക​ര​ിക്കരുത് തുടങ്ങിയ നി​ർ​ദേ​ശ​ങ്ങളുണ്ട്.

പ്ര​വീ​ണി​നെ കൊല്ലാൻ ഇവിടെവെച്ചാണ് ഗൂ​ഢാ​ലോ​ച​ന ന​ട​ന്ന​തെ​ന്ന്​ എ​ൻ.​ഐ.​എ വി​ശ​ദീ​ക​രി​ച്ചു. കേ​സു​മാ​യി ബ​ന്ധ​പ്പെ​ട്ട്​ അ​ടു​ത്തി​ടെ ബ​ണ്ട്വാ​ൾ ടൗ​ണി​ന​ടു​ത്ത ക​മ്യൂ​ണി​റ്റി ഹാ​ൾ എ​ൻ.​ഐ.​എ ക​സ്റ്റ​ഡി​യി​ലെ​ടു​ത്തി​രു​ന്നു. ക​ഴി​ഞ്ഞ ജൂ​ലൈ 26നാ​ണ് പ്ര​വീ​ണി​നെ ആ​ക്ര​മി​ച്ച് കൊ​ല​പ്പെ​ടു​ത്തി​യ​ത്.

പ്ര​വീ​ൺ കൊ​ല്ല​പ്പെ​ട്ട സു​ള്ള്യ ബെ​ല്ലാ​രി​യി​ൽ താ​മ​സി​ക്കു​ന്ന കാ​സ​ർ​കോ​ട് സ്വ​ദേ​ശി മ​സൂ​ദ് (19) ജൂ​ലൈ 21ന് ​കൊ​ല്ല​പ്പെ​ട്ടി​രു​ന്നു. സം​ഘ്പ​രി​വാ​ർ പ്ര​വ​ർ​ത്ത​ക​രാ​ണ് ഈ ​കേ​സി​ൽ പ്ര​തി​ക​ൾ. ഇ​തി​ന്‍റെ പ്ര​തി​കാ​ര​മാ​യാ​ണ്​ പ്ര​വീ​ണി​ന്‍റെ കൊ​ല​യെ​ന്നാ​ണ്​ പൊ​ലീ​സ്​ പ​റ​യു​ന്ന​ത്. പ്ര​വീ​ൺ വ​ധ​ക്കേ​സി​ൽ 20 പ്ര​തി​ക​ൾ​ക്കെ​തി​രെ ബം​ഗ​ളൂ​രു​വി​ലെ പ്ര​ത്യേ​ക കോ​ട​തി​യി​ൽ കു​റ്റ​പ​ത്രം സ​മ​ർ​പ്പി​ച്ചി​ട്ടു​ണ്ട്. 14 പേ​ർ അ​റ​സ്റ്റിലായി. 240 സാ​ക്ഷി​മൊ​ഴി​ക​ളു​ള്ള 1500 പേ​ജു​ള്ള കു​റ്റ​പ​ത്ര​മാ​ണ്​ ന​ൽ​കി​യ​ത്. കേ​സി​ലെ പ്ര​തി​യും എ​ൻ.​ഐ.​എ ക​സ്റ്റ​ഡി​യി​ലു​ള്ള​യാ​ളു​മാ​യ ഷാ​ഫി ബെ​ല്ലാ​രെ​ക്ക്,​ നി​യ​മ​സ​ഭ തെ​ര​ഞ്ഞെ​ടു​പ്പി​ൽ മ​ത്സ​രി​ക്കാ​ൻ ടി​ക്ക​റ്റ്​ ന​ൽ​കു​മെ​ന്ന്​ അ​ടു​ത്തി​ടെ എ​സ്.​ഡി.​പി.​ഐ അ​റി​യി​ച്ചി​രു​ന്നു.