സം​സ്ഥാ​ന​ത്ത് കോ​വി​ഡ് പൊ​സി​റ്റി​വ് കേ​സു​ക​ളി​ൽ നേ​രി​യ വ​ർ​ധ​ന; രോ​ഗ​ല​ക്ഷ​ണ​ങ്ങ​ളു​ള്ള​വ​ർ കോ​വി​ഡ് ടെ​സ്റ്റി​ന് വി​ധേ​യ​രാ​ക​ണമെന്ന് ആ​രോ​ഗ്യ മ​ന്ത്രി

ബം​ഗ​ളൂ​രു: ക​ർ​ണാ​ട​ക​യി​ൽ കോ​വി​ഡ് ല​ക്ഷ​ണ​ങ്ങ​ളു​ള്ള​വ​ർ പ​രി​ശോ​ധ​ന​ക്ക് വി​ധേ​യ​മാ​ക​ണ​മെ​ന്ന് ആ​രോ​ഗ്യ മ​ന്ത്രി ദി​നേ​ശ് ഗു​ണ്ടു​റാ​വു അ​റി​യി​ച്ചു. സം​സ്ഥാ​ന​ത്ത് കോ​വി​ഡ് പൊ​സി​റ്റി​വ് കേ​സു​ക​ളി​ൽ നേ​രി​യ വ​ർ​ധ​ന രേ​ഖ​പ്പെ​ടു​ത്തി​യ സാ​ഹ​ച​ര്യ​ത്തി​ലാ​ണ് നി​ർ​ദേ​ശം. നി​ല​വി​ൽ ക​ർ​ണാ​ട​ക​യി​ൽ 35 പേ​ർ​ക്ക് കോ​വി​ഡ് ബാ​ധ സ്ഥി​രീ​ക​രി​ച്ചി​ട്ടു​ണ്ട്. ഇ​തി​ൽ 32 പേ​രും ബം​ഗ​ളൂ​രു​വി​ലാ​ണെ​ന്ന് മ​ന്ത്രി പ​റ​ഞ്ഞു. എ​ന്നാ​ൽ ആ​ശ​ങ്ക​പ്പെ​ടേ​ണ്ട​തി​ല്ലെ​ന്നും അ​സു​ഖ​ബാ​ധി​ത​ർ പ​രി​ഭ്രാ​ന്ത​രാ​വേ​ണ്ട​തി​ല്ലെ​ന്നും മ​ന്ത്രി കൂ​ട്ടി​ച്ചേ​ർ​ത്തു.

ശ്വാ​സ​ത​ട​സ്സം നേ​രി​ടു​ന്ന​വ​ർ, ഹൃ​ദ​യ​സം​ബ​ന്ധ​മാ​യ ബു​ദ്ധി​മു​ട്ട് അ​നു​ഭ​വ​പ്പെ​ടു​ന്ന​വ​ർ തു​ട​ങ്ങി​യ​വ​ർ നി​ർ​ബ​ന്ധ​മാ​യും പ​രി​ശോ​ധ​ന ന​ട​ത്ത​ണം. വെ​ള്ളി​യാ​ഴ്ച കോ​വി​ഡ് സാ​​ങ്കേ​തി​ക ഉ​പ​ദേ​ശ​ക സ​മി​തി യോ​ഗം ​ചേ​ർ​ന്നതിന്റെ അ​ടി​സ്ഥാ​ന​ത്തി​ലാ​ണ് ആ​രോ​ഗ്യ മ​ന്ത്രി​യു​ടെ നി​ർ​ദേ​ശം. അ​തേ​സ​മ​യം, മൈ​സൂ​രു ന​ഗ​ര​ത്തി​ലെ ഹി​ങ്ക​ലി​ൽ ശ​നി​യാ​ഴ്ച ഇ​ന്ദി​ര കാ​ന്റീ​ൻ ഉ​ദ്ഘാ​ട​ന ച​ട​ങ്ങി​ൽ ക​ർ​ണാ​ട​ക മു​ഖ്യ​മ​ന്ത്രി സി​ദ്ധ​രാ​മ​യ്യ​യും മ​ക​ൻ ഡോ. ​യ​തീ​ന്ദ്ര സി​ദ്ധ​രാ​മ​യ്യ എം.​എ​ൽ.​സി​യും മാ​സ്ക് ധ​രി​ച്ചാ​ണ് വേ​ദി​യി​ലെ​ത്തി​യ​ത്. ബം​ഗ​ളൂ​രു​വി​ലും ബെ​ള​ഗാ​വി​യി​ലും കോ​വി​ഡ് 19 കേ​സു​ക​ൾ സ്ഥി​രീ​ക​രി​ച്ച സാ​ഹ​ച​ര്യ​ത്തി​ലാ​ണ് മു​ൻ​ക​രു​ത​ലെ​ന്ന നി​ല​യി​ൽ മു​ഖ്യ​മ​ന്ത്രി മാ​സ്ക് ധ​രി​ച്ച​ത്. വീ​ണ്ടും മാ​സ്ക് കാ​ലം വ​രു​ന്നെ​ന്ന സൂ​ച​ന​യാ​യി പ​ല​രും ഇ​തി​നെ സ​മൂ​ഹ മാ​ധ്യ​മ​ങ്ങ​ളി​ൽ വി​ല​യി​രു​ത്തി.