ബം​ഗ​ളൂ​രു-​കാ​ർ​വാ​ർ പ​ഞ്ച​ഗം​ഗ എ​ക്സ്പ്ര​സി​ൽ അ​ഞ്ച് കോ​ച്ചു​ക​ൾ കൂ​ട്ടി

ബം​ഗ​ളൂ​രു: സൗ​ത്ത് വെ​സ്റ്റേ​ൺ റെ​യി​ൽ​വേ കെ.​എ​സ്.​ആ​ർ ബം​ഗ​ളൂ​രു-​കാ​ർ​വാ​ർ പ​ഞ്ച​ഗം​ഗ എ​ക്സ്പ്ര​സി​ൽ (16595/596) അ​ഞ്ച് കോ​ച്ചു​ക​ൾ താ​ൽ​ക്കാ​ലി​ക​മാ​യി ബു​ധ​നാ​ഴ്ച മു​ത​ൽ വ​ർ​ധി​പ്പി​ച്ചു.

പ​ഞ്ച​ഗം​ഗ എ​ക്സ്പ്ര​സ് 14 എ​ൽ.​എ​ച്ച്.​ബി കോ​ച്ചു​ക​ളു​മാ​യാ​ണ് ഓ​ടു​ന്ന​ത് - ഒ​രു ഫ​സ്റ്റ് എ.​സി-​കം-​ടു ട​യ​ർ എ.​സി, ഒ​രു ടു-​ട​യ​ർ എ.​സി, ഒ​രു ത്രി-​ട​യ​ർ എ.​സി, ഏ​ഴ് സ്ലീ​പ്പ​ർ ക്ലാ​സ്, ര​ണ്ട് ജ​ന​റ​ൽ സെ​ക്ക​ൻ​ഡ് ക്ലാ​സ്, ഒ​രു ല​ഗേ​ജ്-​കം-​ബ്രേ​ക്ക് വാ​ൻ, ഒ​രു ജ​ന​റേ​റ്റ​ർ കാ​ർ കോ​ച്ചു​ക​ൾ എ​ന്നി​വ.

ര​ണ്ട് ത്രി-​ട​യ​ർ എ.​സി ഇ​ക്ക​ണോ​മി, ര​ണ്ട് ജ​ന​റ​ൽ സെ​ക്ക​ൻ​ഡ് ക്ലാ​സ്, ഒ​രു സ്ലീ​പ്പ​ർ ക്ലാ​സ് കോ​ച്ചു​ക​ൾ എ​ന്നി​വ​യാ​ണ് കൂ​ട്ടി​യ​ത്. ഇ​തോ​ടെ ആ​കെ കോ​ച്ചു​ക​ളു​ടെ എ​ണ്ണം 19 ആ​യി ഉ​യ​രും.

പ​ക​ൽ മ​ഴ തു​ട​രു​ന്ന സ​മ​യ​ത്ത് കാ​ർ​വാ​റി​നും ബം​ഗ​ളൂ​രു​വി​നും ഇ​ട​യി​ൽ രാ​ത്രി സ​ർ​വി​സ് കൂ​ടി വേ​ണ​മെ​ന്ന് ഉ​ഡു​പ്പി-​ചി​ക്ക​മ​ഗ​ളൂ​രു എം.​പി കോ​ട്ട ശ്രീ​നി​വാ​സ് പൂ​ജാ​രി​യും കും​ത എം.​എ​ൽ.​എ ദി​ന​ക​ർ ഷെ​ട്ടി​യും ആ​വ​ശ്യ​പ്പെ​ട്ട​തി​ന്റെ പ​ശ്ചാ​ത്ത​ല​ത്തി​ലാ​ണ് ഈ ​തീ​രു​മാ​നം.

ക​ഴി​ഞ്ഞ മാ​സം 31 മു​ത​ൽ 154 ദി​വ​സ​ത്തേ​ക്ക് ഗോ​മ​തേ​ശ്വ​ര എ​ക്സ്പ്ര​സ്, യ​ശ്വ​ന്ത്പൂ​ർ-​കാ​ർ​വാ​ർ ട്രൈ-​വീ​ക്ക്‍ലി എ​ക്സ്പ്ര​സ് സ​ർ​വി​സു​ക​ൾ റ​ദ്ദാ​ക്കി​യി​രു​ന്നു. കോ​ച്ച് വ​ർ​ധി​പ്പി​ക്കു​ന്ന​തി​ലൂ​ടെ 400 സീ​റ്റു​ക​ൾ അ​ധി​ക​മാ​കും. വൈ​കീ​ട്ട് 6.50 ന് ​ബം​ഗ​ളൂ​രു​വി​ൽ നി​ന്ന് പു​റ​പ്പെ​ട്ട് രാ​വി​ലെ 8.25 ന് ​കാ​ർ​വാ​റി​ൽ എ​ത്തു​ക​യും വൈ​കീ​ട്ട് ആ​റി​ന് കാ​ർ​വാ​റി​ൽ നി​ന്ന് പു​റ​പ്പെ​ട്ട് രാ​വി​ലെ ഏ​ഴി​ന് ബം​ഗ​ളൂ​രു​വി​ൽ എ​ത്തു​ക​യും ചെ​യ്യു​ന്ന​താ​ണ് പ​ഞ്ച​ഗം​ഗ എ​ക്സ്പ്ര​സ് സ​ർ​വി​സ്.

നി​ല​വി​ൽ ട്രെ​യി​നു​ക​ൾ ക​ട​ന്നു​പോ​കു​ന്ന ചു​രം സെ​ക്ഷ​നി​ലെ സി​രി​ബാ​ഗി​ലു സ്റ്റേ​ഷ​നി​ൽ 15 ൽ ​കൂ​ടു​ത​ൽ കോ​ച്ചു​ക​ളു​ള്ള ട്രെ​യി​നു​ക​ൾ ഉ​ൾ​ക്കൊ​ള്ളാ​ൻ ക​ഴി​യാ​ത്ത​തി​നാ​ൽ, കോ​ച്ച് വ​ർ​ധ​ന​വി​ന് ശേ​ഷം 16595/596 ട്രെ​യി​നു​ക​ളു​ടെ ക്രോ​സി​ങ് സു​ബ്ര​ഹ്മ​ണ്യ റോ​ഡ് സ്റ്റേ​ഷ​നി​ൽ ന​ട​ക്കും. ക്രോ​സി​ങ് മാ​റ്റി​യ​ത് കെ.​എ​സ്.​ആ​ർ ബം​ഗ​ളൂ​രു-​ക​ണ്ണൂ​ർ (16511) രാ​ത്രി​കാ​ല എ​ക്സ്പ്ര​സി​ന്റെ ഓ​ട്ട​ത്തെ ബാ​ധി​ക്ക​രു​തെ​ന്ന് ദ​ക്ഷി​ണ ക​ന്ന​ട​യി​ലെ യാ​ത്ര​ക്കാ​ർ ആ​വ​ശ്യ​പ്പെ​ട്ടു.