ഉപതെരഞ്ഞെടുപ്പ്; സ​ന്ദൂ​റി​ൽ അ​ന്ന​പൂ​ർ​ണ കോ​ൺ​ഗ്ര​സ് സ്ഥാ​നാ​ർ​ഥി

ബം​ഗ​ളൂ​രു: നി​യ​മ​സ​ഭ ഉ​പ​തെ​ര​ഞ്ഞെ​ടു​പ്പി​ൽ സ​ന്ദൂ​റി​ൽ ബെ​ള്ളാ​രി എം.​പി ഇ. ​തു​ക്കാ​റാ​മി​ന്റെ ഭാ​ര്യ അ​ന്ന​പൂ​ർ​ണ കോ​ൺ​ഗ്ര​സ് സ്ഥാ​നാ​ർ​ഥി​യാ​വു​മെ​ന്നും ച​ന്ന​പ​ട്ട​ണ, ഷി​ഗ്ഗോ​ൺ സീ​റ്റു​ക​ളി​ലെ സ്ഥാ​നാ​ർ​ഥി​ക​ളെ പി​ന്നീ​ട് പ്ര​ഖ്യാ​പി​ക്കു​മെ​ന്നും മു​ഖ്യ​മ​ന്ത്രി സി​ദ്ധ​രാ​മ​യ്യ പ​റ​ഞ്ഞു. മൈ​സൂ​രു​വി​ൽ മാ​ധ്യ​മ​പ്ര​വ​ർ​ത്ത​ക​രോ​ട് സം​സാ​രി​ക്കു​ക​യാ​യി​രു​ന്നു മു​ഖ്യ​മ​ന്ത്രി. ന​വം​ബ​ർ 13ന് ​ന​ട​ക്കു​ന്ന ഉ​പ​തെ​ര​ഞ്ഞെ​ടു​പ്പി​നാ​യി കോ​ൺ​ഗ്ര​സ് പൂ​ർ​ണ സ​ജ്ജ​മാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ഉ​പ​മു​ഖ്യ​മ​ന്ത്രി​യും കെ.​പി.​സി.​സി അ​ധ്യ​ക്ഷ​നു​മാ​യ ഡി.​കെ. ശി​വ​കു​മാ​റി​ന്റെ സ​ഹോ​ദ​ര​ൻ ഡി.​കെ. സു​രേ​ഷി​നെ ച​ന്ന​പ​ട്ട​ണ​യി​ൽ സ്ഥാ​നാ​ർ​ഥി​യാ​ക്കു​മോ എ​ന്ന ചോ​ദ്യ​ത്തി​ന്, അ​ദ്ദേ​ഹ​ത്തി​ന്റെ പേ​ര് ലി​സ്റ്റി​ലു​ണ്ടെ​ന്നും എ​ന്താ​ണ് സം​ഭ​വി​ക്കു​ക​യെ​ന്ന് നോ​ക്കാ​മെ​ന്നു​മാ​യി​രു​ന്നു സി​ദ്ധ​രാ​മ​യ്യ​യു​ടെ മ​റു​പ​ടി. നാ​മ​നി​ർ​ദേ​ശ പ​​ത്രി​ക സ​മ​ർ​പ്പി​ക്കാ​നു​ള്ള അ​വ​സാ​ന തീ​യ​തി വെ​ള്ളി​യാ​ഴ്ച​യാ​ണെ​ന്നി​രി​ക്കെ ച​ന്ന​പ​ട്ട​ണ സീ​റ്റി​ൽ കോ​ൺ​ഗ്ര​സും ജെ.​ഡി-​എ​സും സ​സ്​​പെ​ൻ​സ് തു​ട​രു​ക​യാ​ണ്. കോ​ൺ​ഗ്ര​സി​ലെ ഇ. ​തു​കാ​റാം, ബി.​ജെ.​പി​യി​ലെ ബ​സ​വ​രാ​ജ് ബൊ​മ്മൈ, ജെ.​ഡി-​എ​സി​ലെ എ​ച്ച്.​ഡി. കു​മാ​ര​സ്വാ​മി എ​ന്നി​വ​ർ ലോ​ക്സ​ഭ​യി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ട​തി​നെ തു​ട​ർ​ന്നാ​ണ് ഇ​വ​ർ പ്ര​തി​നി​ധാ​നം ചെ​യ്തി​രു​ന്ന നി​യ​മ​സ​ഭ മ​ണ്ഡ​ല​ങ്ങ​ളാ​യ ബെ​ള്ളാ​രി​യി​ലെ സ​ന്ദൂ​ർ, ഹാ​വേ​രി​യി​ലെ ഷി​​ഗ്ഗോ​ൺ, രാ​മ​ന​ഗ​ര​യി​ലെ ച​ന്ന​പ​ട്ട​ണ എ​ന്നി​വി​ട​ങ്ങ​ളി​ൽ ഉ​പ​തെ​ര​ഞ്ഞെ​ടു​പ്പി​ന് ക​ള​മൊ​രു​ങ്ങി​യ​ത്.

ഒ​ക്ടോ​ബ​ർ 30 ആ​ണ് നാ​മ​നി​ർ​ദേ​ശ പ​ത്രി​ക പി​ൻ​വ​ലി​ക്കാ​നു​ള്ള അ​വ​സാ​ന തീ​യ​തി. ഷി​ഗ്ഗോ​ൺ, സ​ന്ദൂ​ർ സീ​റ്റു​ക​ളി​ൽ ബി.​ജെ.​പി സ്ഥാ​നാ​ർ​ഥി​ക​ളെ പ്ര​ഖ്യാ​പി​ച്ചി​രു​ന്നു.

ലോ​ക്സ​ഭ തെ​ര​ഞ്ഞെ​ടു​പ്പി​ൽ ബം​ഗ​ളൂ​രു റൂ​റ​ലി​ൽ ഡി.​കെ. സു​രേ​ഷി​നേ​റ്റ അ​പ്ര​തീ​ക്ഷി​ത തോ​ൽ​വി​ക്ക് ജെ.​ഡി-​എ​സി​ന് ക​ണ​ക്കു​തീ​ർ​ക്കാ​നാ​ണ് ഡി.​കെ. ശി​വ​കു​മാ​റി​​ന്റെ ശ്ര​മം. എ​ന്തു​വി​ല കൊ​ടു​ത്തും ച​ന്ന​പ​ട്ട​ണ ജ​യി​ക്കാ​ൻ ലോ​ക്സ​ഭ തെ​ര​ഞ്ഞെ​ടു​പ്പ് ഫ​ല​ത്തി​ന് പി​ന്നാ​ലെ ശി​വ​കു​മാ​ർ ക​രു​നീ​ക്കി​ത്തു​ട​ങ്ങി​യി​രു​ന്നു. ക​ഴി​ഞ്ഞ ദി​വ​സം ബി.​ജെ.​പി എം.​എ​ൽ.​സി സ്ഥാ​നം രാ​ജി​വെ​ച്ച സി.​പി. യോ​ഗേ​ശ്വ​റി​നെ കോ​ൺ​ഗ്ര​സ് ടി​ക്ക​റ്റി​ൽ ശി​വ​കു​മാ​ർ രം​ഗ​ത്തി​റ​ക്കി​യേ​ക്കു​മെ​ന്ന അ​ഭ്യൂ​ഹ​വു​മു​ണ്ട്.

സി.​പി. യോ​ഗേ​ശ്വ​ർ കോ​ൺ​ഗ്ര​സി​ൽ ചേ​ർ​ന്ന് മ​ത്സ​രി​ക്കു​മെ​ന്ന അ​ഭ്യൂ​ഹം സം​ബ​ന്ധി​ച്ച് മു​ഖ്യ​മ​ന്ത്രി സി​ദ്ധ​രാ​മ​യ്യ​യോ​ട് ചോ​ദി​ച്ച​പ്പോ​ൾ, താ​ൻ അ​ദ്ദേ​ഹ​വു​മാ​യി സം​സാ​രി​ച്ചി​ട്ടി​ല്ലെ​ന്നും ച​ന്ന​പ​ട്ട​ണ മേ​ഖ​ല​യി​ൽ​നി​ന്നു​ള്ള നേ​താ​വു​കൂ​ടി​യാ​യ കെ.​പി.​സി.​സി പ്ര​സി​ഡ​ന്റ് ഡി.​കെ. ശി​വ​കു​മാ​ർ ഇ​ക്കാ​ര്യ​ത്തി​ൽ എ​ന്തു തീ​രു​മാ​ന​മാ​ണെ​ടു​ക്കു​ക​യെ​ന്ന് കാ​ണാ​മെ​ന്നും അ​ദ്ദേ​ഹം പ്ര​തി​ക​രി​ച്ചു. ഉ​ചി​ത​മാ​യ സ്ഥാ​നാ​ർ​ഥി​ക്ക് ടി​ക്ക​റ്റ് ന​ൽ​ക​ണം. അ​ദ്ദേ​ഹം ച​ർ​ച്ച ചെ​യ്ത് തീ​രു​മാ​ന​മെ​ടു​ക്കും.

കോ​ൺ​ഗ്ര​സി​​ന്റെ ആ​ദ​ർ​ശ​ത്തി​ലേ​ക്ക് വ​രു​ന്ന​വ​രെ കോ​ൺ​ഗ്ര​സ് സ്വീ​ക​രി​ക്കും -സി​ദ്ധ​രാ​മ​യ്യ വ്യ​ക്ത​മാ​ക്കി. രാ​ജി​വെ​ച്ച ശേ​ഷം കോ​ൺ​ഗ്ര​സി​ൽ ചേ​രു​ന്ന കാ​ര്യം സം​ബ​ന്ധി​ച്ച് യോ​ഗേ​ശ്വ​ർ ഒ​ന്നും ത​ള്ളി​പ്പ​റ​ഞ്ഞി​രു​ന്നി​ല്ല. ത​ന്റെ കാ​ര്യ​ത്തി​ൽ നാ​ളെ എ​ന്തു സം​ഭ​വി​ക്കു​മെ​ന്ന് പ​റ​യാ​നാ​കി​ല്ലെ​ന്നും യോ​ഗേ​ശ്വ​ർ പ​റ​ഞ്ഞി​രു​ന്നു. അ​തേ​സ​മ​യം, ച​ന്ന​പ​ട്ട​ണ​യി​ൽ മ​ത്സ​രി​ക്കാ​ൻ ത​നി​ക്കു​മേ​ൽ പ്ര​വ​ർ​ത്ത​ക​രു​ടെ​യും നേ​താ​ക്ക​ളു​ടെ​യും സ​മ്മ​ർ​ദ​മു​ണ്ടെ​ന്ന പ്ര​സ്താ​വ​ന​യു​മാ​യി ഡി.​കെ. സു​രേ​ഷും രം​ഗ​ത്തു​വ​ന്നി​രു​ന്നു.

എ​ച്ച്.​ഡി. കു​മാ​ര​സ്വാ​മി​യു​ടെ മ​ക​ൻ നി​ഖി​ൽ കു​മാ​ര​സ്വാ​മി​യെ ച​ന്ന​പ​ട്ട​ണ​യി​ൽ സ്ഥാ​നാ​ർ​ഥി​യാ​ക്കാ​നാ​ണ് ജെ.​ഡി-​എ​സ് നീ​ക്കം. ചൊ​വ്വാ​ഴ്ച ച​ന്ന​പ​ട്ട​ണ​യി​ലെ നേ​താ​ക്ക​ളു​ടെ​യും പ്ര​വ​ർ​ത്ത​ക​രു​ടെ​യും ക​ൺ​വെ​ൻ​ഷ​ൻ ബം​ഗ​ളൂ​രു​വി​ലെ പാ​ർ​ട്ടി ആ​സ്ഥാ​ന​ത്ത് വി​ളി​ച്ചു​ചേ​ർ​ത്തി​രു​ന്നു. യോ​ഗ​ത്തി​ൽ പാ​ർ​ട്ടി അ​ധ്യ​ക്ഷ​ൻ എ​ച്ച്.​ഡി. ദേ​വ​ഗൗ​ഡ അ​ധ്യ​ക്ഷ​ത വ​ഹി​ച്ചു.