റാ​ബി​യ​യു​ടെ സ്വ​പ്ന​ങ്ങ​ൾ​ക്ക് ഇ​നി ഇം​ഗ്ലീ​ഷ്​ ചി​റ​കു​ക​ൾ

ക​ക്ക​ട്ടി​ൽ: സാ​ക്ഷ​ര​ത പ്ര​വ​ർ​ത്ത​ന​ങ്ങ​ളി​ലൂ​ടെ ലോ​ക​ശ്ര​ദ്ധ പി​ടി​ച്ചു​പ​റ്റി​യ കെ.​വി. റാ​ബി​യ​യു​ടെ ‘സ്വ​പ്ന​ങ്ങ​ൾ​ക്ക് ചി​റ​കു​ക​ളു​ണ്ട്’ എ​ന്ന ആ​ത്മ​ക​ഥ​യു​ടെ ‘ഡ്രീം​സ്‌ ഹാ​വ് വി​ങ്​​സ്​’ എ​ന്ന പേ​രി​ലു​ള്ള ഇം​ഗ്ലീ​ഷ്​ മൊ​ഴി​മാ​റ്റം പൂ​ർ​ത്തി​യാ​കു​ന്നു. 
 

ക​ഴു​ത്തി​നു താ​ഴെ ത​ള​ർ​ന്നി​ട്ടും മാ​റാ​രോ​ഗ​ങ്ങ​ളു​ടെ പി​ടി​യി​ല​മ​ർ​ന്നി​ട്ടും ഉ​റ​ച്ച ദൈ​വ​വി​ശ്വാ​സ​ത്തി​​െൻറ ആ​ത്മ​ബ​ല​വു​മാ​യാ​ണ്​ റാ​ബി​യ ഉ​യ​ര​ങ്ങ​ൾ കീ​ഴ​ട​ക്കു​ന്ന​ത്. മ​ന​ക്ക​രു​ത്തി​ൽ അ​വ​രു​ടെ സ്വ​പ്​​ന​ങ്ങ​ൾ ചി​റ​കു​മു​ള​ക്കു​ക​യാ​യി​രു​ന്നു. സാ​മൂ​ഹി​ക സേ​വ​ന​ത്തി​ല​ട​ക്കം മു​ഴു​കി അ​ന്താ​രാ​ഷ്​​ട്ര ത​ല​ത്തി​ൽ​പോ​ലും അം​ഗീ​കാ​ര​ങ്ങ​ൾ നേ​ടി​യ ജീ​വി​താ​നു​ഭ​വ​ങ്ങ​ൾ ഈ ​പു​സ്ത​ക​ത്തി​ൽ റാ​ബി​യ വി​വ​രി​ക്കു​ന്നു​ണ്ട്.

ഇം​ഗ്ലീ​ഷ്​ ഭാ​ഷ​യി​ലേ​ക്ക് മൊ​ഴി​മാ​റ്റം ന​ൽ​ക​പ്പെ​ടു​ന്ന​തി​ലൂ​ടെ ലോ​ക വാ​യ​ന​ക്കാ​രി​ലേ​ക്ക് പു​സ്ത​ക​മെ​ത്തു​ക​യാ​ണ്. 25 അ​ധ്യാ​യ​ങ്ങ​ളി​ലാ​യാ​ണ് ഇം​ഗ്ലീ​ഷ് പ​തി​പ്പ്. പ്ര​തി​സ​ന്ധി​ക​ളി​ൽ ത​ള​രാ​തെ മ​നോ​ധൈ​ര്യ​ത്തോ​ടെ മു​ന്നോ​ട്ടു​പോ​കാ​ൻ വാ​യ​ന​ക്കാ​രെ പ്ര​ചോ​ദി​പ്പി​ക്കു​ന്ന അ​നു​ഭ​വ​ക്കു​റി​പ്പു​ക​ളാ​ണ് ഈ ​ആ​ത്മ​ക​ഥ​യി​ൽ. അ​ക്ബ​ർ ക​ക്ക​ട്ടി​ലി​​െൻറ ക​ഥ​ക​ൾ ഇം​ഗ്ലീ​ഷി​ലേ​ക്ക് മൊ​ഴി​മാ​റ്റം ന​ട​ത്തി​യ ഇം​ഗ്ലീ​ഷ് സാ​ഹി​ത്യ​കാ​ര​ൻ പി.​എ. നൗ​ഷാ​ദും ഡോ. ​അ​രു​ൺ​ലാ​ൽ മൊ​കേ​രി​യു​മാ​ണ് മൊ​ഴി​മാ​റ്റ​ത്തി​നു​ പി​ന്നി​ൽ.