മീശ നോവലിന്​ എതിരായ ഹരജിയിൽ സുപ്രീംകോടതി നാളെ വാദം കേൾക്കും

ന്യൂഡൽഹി: എസ്​.ഹരീഷി​​െൻറ മീശ നോവലിന് എതിരായ ഹർജിയിൽ സുപ്രീംകോടതി നാളെ വാദം കേൾക്കും. ഡൽഹി മലയാളിയായ രാധാകൃഷ്ണൻ വരേണക്കലാണ് നോവലിനെതിരെ  കോടതിയെ സമീപിച്ചത്. 

നോവൽ നിരോധിക്കണമെന്നാണോ ആവശ്യം എന്ന് ചീഫ് ജസ്റ്റിസ് ദീപക് മിശ്ര യുടെ ചോദ്യത്തിന് നാളെ വിശദമായി പറയാമെന്ന് ഹർജിക്കാര​​െൻറ അഭിഭാഷക ഉഷാ നന്ദിനി മറുപടി നൽകി. നോവൽ പ്രസിദ്ധീകരിക്കരുതെന്നും പ്രചരിപ്പിക്കരുതെന്നും ആവശ്യപ്പെടുന്ന ഹർജിയിൽ  സ്ത്രീകളെ നോവൽ ആക്ഷേപിച്ചിട്ടും സംസ്ഥാന സർക്കാർ ഒരു നടപടിയും സ്വീകരിച്ചില്ല എന്നും കുറ്റപ്പെടുത്തുന്നു.