അ​ട​രാ​നാ​വാ​ത്ത പ്ര​വാ​സ​ത്തോ​ട്​ ഒ​ടു​വി​ൽ വി​ട​ചൊ​ല്ലി റ​സി​യ സ​ലിം

റി​യാ​ദ്: അ​ട​രു​വാ​ൻ വ​യ്യെ​ന്ന്​ ചിണുങ്ങിയ പ്ര​വാ​സ​ത്തെ ഒ​ടു​വി​ൽ ത​ന്നി​ൽ നി​ന്ന്​ ഒ​​ട്ടൊ​രു നൊ​മ്പ​ര​ത്തോ​ടെ ഉ​രി​ഞ്ഞു​മാ​റ്റി സാ​മൂ​ഹി​ക പ്ര​വ​ർ​ത്ത​ക റ​സി​യ സ​ലിം മ​ട​ങ്ങു​ന്നു. ആ​ല​പ്പു​ഴ കാ​യം​കു​ളം ക​ട്ട​ച്ചി​റ സ്വ​ദേ​ശി റ​സി​യ സ​ലിം റി​യാ​ദി​ലെ​ത്തു​ന്ന​ത് കാ​ൽ​നൂ​റ്റാ​ണ്ട് മു​മ്പാ​ണ്. ഇ​ന്ന​ത്തെ​പോ​ലെ സാ​മൂ​ഹി​ക സാം​സ്കാ​രി​ക രം​ഗം സ​ജീ​വ​മാ​യി​രു​ന്നി​ല്ല അ​ന്ന്. മ​ല​യാ​ളി കു​ടും​ബ​ങ്ങ​ളും താ​ര​ത​മ്യേ​ന കു​റ​വാ​യി​രു​ന്നു. കു​ടും​ബ വി​സ​യി​ലാ​യ​തി​നാ​ൽ ജോ​ലി​ക്കു​പോ​ക​ലും സാ​ധ്യ​മാ​യി​ല്ല. ഒ​റ്റ​യി​രി​പ്പി​​ന്‍റെ മ​ടു​പ്പി​ൽ​നി​ന്ന് നാ​ട്ടി​ലേ​ക്ക് തി​രി​കെ പോ​കാ​ൻ ആ​ലോ​ചി​ച്ചു തു​ട​ങ്ങി. ആ ​ചി​ന്ത​ക്ക്​ ആ​യു​സ്സ്​ കു​റ​വാ​യി​രു​ന്നു. പ​തി​യെ പ്ര​വാ​സ​ത്തി​​ന്‍റെ രു​ചി പി​ടി​ച്ചു തു​ട​ങ്ങി.

അ​തേ​സ​മ​യം ഒ​റ്റ​പ്പെ​ട​ലി​ൽ​നി​ന്ന് ഒ​ഴി​യാ​നു​ള്ള പോം​വ​ഴി​യെ​ന്നോ​ണം ചെ​റി​യ അ​വ​ധി​യി​ൽ നാ​ട്ടി​ൽ​പോ​യി ബ്യൂ​ട്ടീ​ഷ​ൻ കോ​ഴ്സ് പൂ​ർ​ത്തി​യാ​ക്കി മ​ട​ങ്ങി​യെ​ത്തി. നി​യ​മം ലം​ഘി​ച്ചാ​ണെ​ങ്കി​ലും കു​ടി​ൽ വ്യ​വ​സാ​യം പോ​ലൊ​രു ബ്യൂ​ട്ടി​പാ​ർ​ല​ർ ഉ​ണ്ടാ​ക്കി​യെ​ടു​ത്തു. വ​രു​ന്ന​വ​രു​ടെ സൗ​ന്ദ​ര്യ സ​ങ്ക​ൽ​പ​ങ്ങ​ൾ​ക്ക് നി​റം​പ​ക​രാ​നാ​യ​പ്പോ​ൾ പ​തി​യെ പ​ച്ച​പി​ടി​ച്ചു തു​ട​ങ്ങി. മ​ല​യാ​ളി​ക​ൾ​ക്ക് പു​റ​മെ വ്യ​ത്യ​സ്ത ദേ​ശ​ങ്ങ​ളി​ൽ​നി​ന്ന് ഉ​പ​ഭോ​ക്താ​ക്ക​ളെ കി​ട്ടി തു​ട​ങ്ങി. ഏ​കാ​ന്ത​ത​യി​ൽ​നി​ന്ന് തി​ര​ക്കു​ള്ള ദി​ന​ങ്ങ​ളി​ലേ​ക്കു​ള്ള യാ​ത്ര അ​തി​വേ​ഗ​മാ​യി​രു​ന്നു.

പി​ന്നീ​ട് ദേ​ശ​ഭാ​ഷ​യു​ടെ അ​തി​ർ​വ​ര​മ്പു​ക​ളി​ല്ലാ​ത്ത സൗ​ഹൃ​ദ ഉ​രു​ക്ക് ച​ങ്ങ​ല തീ​ർ​ത്തു. ജീ​വി​ത​ത്തി​​ന്‍റെ സിം​ഹ​ഭാ​ഗം ചെ​ല​വി​ട്ട റി​യാ​ദ് ന​ഗ​ര​ത്തെ ഹൃ​ദ​യ​ത്തി​ൽ ചേ​ർ​ത്താ​ണ് മ​ട​ക്ക​യാ​ത്ര. മ​രു​ഭൂ​മി​യി​ലെ മ​രു​പ്പ​ച്ച എ​ന്ന​ത് വി​ശാ​ല അ​ർ​ഥ​ത്തി​ലു​ള്ള പ്ര​യോ​ഗ​മാ​ണെ​ന്ന് പ്ര​വാ​സം ബോ​ധ്യ​പ്പെ​ടു​ത്തി​യി​ട്ടു​ണ്ട്. റി​യാ​ദി​ലെ​ത്തു​മ്പോ​ൾ ഭ​ർ​ത്താ​വ് മ​ഞ്ഞ​പ്പി​ത്തം പി​ടി​പെ​ട്ട് പ്ര​യാ​സ​ത്തി​ലാ​യി​രു​ന്നു. അ​ന്നൊ​രു സു​ഹൃ​ത്ത് അ​ദ്ദേ​ഹ​ത്തി​​ന്‍റെ സ​ഹോ​ദ​രി​യു​ടെ വീ​ട്ടി​ലെ ഒ​ഴി​വു​ള്ള മു​റി​യി​ൽ താ​മ​സം ഒ​രു​ക്കി. ആ​റു​മാ​സ​മാ​ണ് നേ​രി​ട്ട് ബ​ന്ധ​മി​ല്ലാ​ത്ത മ​ല​ബാ​റു​കാ​രാ​യ കു​ടും​ബ​ത്തോ​ടൊ​പ്പം താ​മ​സി​ച്ച​ത്. ആ ​കു​ടും​ബം ത​ന്ന ക​രു​ത​ലും അ​വ​രൊ​ഴു​ക്കി​യ സ്നേ​ഹ​വും പ്ര​വാ​സ​ത്തി​ൽ അ​വി​സ്മ​ര​ണീ​യ​മാ​ണ്.

ഈ ​ന​ഗ​രം വി​ടു​മ്പോ​ൾ ന​ഷ്‌​ട​പ്പെ​ടു​ന്ന​തും ഏ​റെ​യാ​ണ്. അ​തി​ൽ പ്ര​ധാ​ന​മാ​ണ് അ​തി​രു​ക​ളി​ല്ലാ​ത്ത സൗ​ഹൃ​ദം, രു​ചി​ക​ൾ, സം​സ്കാ​രം, പു​ണ്യ​ന​ഗ​ര​ങ്ങ​ൾ, റി​യാ​ദി​ലെ ക​ടു​ത്ത ചൂ​ടും അ​ത് ക​ഴി​ഞ്ഞെ​ത്തു​ന്ന കൊ​ടും​ത​ണു​പ്പും പി​ന്നെ പു​തി​യ റി​യാ​ദി​ലെ ക​ലാ​ന​ഗ​ര​ങ്ങ​ളും തു​ട​ങ്ങി ഇ​നി ന​ഷ്​​ട​പ്പെ​ടാ​ൻ പോ​കു​ന്ന​വ​യു​ടെ ക​ണ​ക്ക് ഏ​റെ​യാ​ണ്. പാ​ടാ​നും പ​റ​യാ​നും എ​ഴു​താ​നും മ​ത്സ​രി​ക്കാ​നും വേ​ദി​യു​ണ്ടാ​യ​ത് ഈ ​പ്ര​വാ​സ​ത്തി​ലാ​ണ്. പാ​ച​ക മ​ത്സ​ര​ങ്ങ​ളി​ലും ക​ലാ​വേ​ദി​ക​ളി​ലും അം​ഗീ​കാ​ര​ങ്ങ​ൾ ല​ഭി​ച്ചി​ട്ടു​ണ്ട്.

റി​യാ​ദ് ഇ​ന്ത്യ​ൻ മീ​ഡി​യ ഫോ​റ​ത്തി​ന് കീ​ഴി​ൽ സം​ഘ​ടി​പ്പി​ച്ച ജേ​ണ​ലി​സം ട്രെ​യി​നി​ങ് പ്രോ​ഗ്രാ​മി​ൽ ചേ​ർ​ന്ന് മാ​ധ്യ​മ​പ്ര​വ​ർ​ത്ത​ന​ത്തി​ലെ പ്രാ​ഥ​മി​ക യോ​ഗ്യ​ത നേ​ടി. റി​യാ​ദ് മ​ല​യാ​ളം ടോ​സ്​​റ്റ്​ മാ​സ്​​റ്റേ​ഴ്​​സ്​ ക്ല​ബ്ബി​ൽ തു​ട​ക്ക​ത്തി​ൽ​ത​ന്നെ അം​ഗ​മാ​യി​രു​ന്നു. തു​ട​ർ​ന്ന് ഫാ​മി​ലി ടോ​സ്​​റ്റ്​ മാ​സ്​​റ്റ​ർ ക്ല​ബ്ബി​​ന്‍റെ സെ​ക്ര​ട്ട​റി പ​ദ​വി​യും വ​ഹി​ച്ചു. കാ​യം​കു​ളം പ്ര​വാ​സി അ​സോ​സി​യേ​ഷ​ൻ, യ​വ​നി​ക സാം​സ്കാ​രി​ക വേ​ദി എ​ന്നീ സം​ഘ​ട​ന​യി​ലും സ​ജീ​വ സാ​ന്നി​ധ്യ​മാ​യി​രു​ന്നു റ​സി​യ സ​ലിം.

ഉ​പ്പ​യു​ടെ മ​ര​ണ​ശേ​ഷം ഉ​മ്മ ത​നി​ച്ചാ​യ​തോ​ടെ​യാ​ണ് മ​ട​ക്ക​യാ​ത്ര​ക്ക്‌ മ​ന​സ്സൊ​രു​ങ്ങി​യ​ത്. മ​ണ​ൽ നെ​രി​പ്പോ​ടി​ൽ ഊ​തി​ക്കാ​ച്ചി​യെ​ടു​ത്ത ജീ​വി​താ​നു​ഭ​വ​ങ്ങ​ളു​മാ​യി ജ​ന്മ​നാ​ട്ടി​ൽ പൊ​തു​രം​ഗ​ത്തും ബി​സി​ന​സ് രം​ഗ​ത്തും തു​ട​രു​ക​യാ​ണ് ല​ക്ഷ്യം. സം​രം​ഭ​ക​യു​ടെ പു​തി​യ കു​പ്പാ​യ​മ​ണി​ഞ്ഞാ​ണ് തു​ട​ക്കം കു​റി​ക്കു​ക. ‘ക​മേ​ലി​യ ബോ​ട്ടിക്​’ എ​ന്ന പേ​രി​ൽ ആ​രം​ഭി​ച്ച ഡി​സൈ​നി​ങ്​ വ​സ്ത്ര​ങ്ങ​ളു​ടെ ഓ​ൺ​ലൈ​ൻ ഓ​ഫ്‌​ലൈ​ൻ സ്​​റ്റോ​റു​ക​ളു​ടെ ചു​ക്കാ​ൻ​പി​ടി​ക്കു​ക​യാ​ണ് ഭാ​വി പ​രി​പാ​ടി​യെ​ന്ന് റ​സി​യ സ​ലിം പ​റ​ഞ്ഞു.

റി​യാ​ദ് അ​ൽ​റാ​ജി​ഹി സെ​യി​ൽ​സ് വി​ഭാ​ഗ​ത്തി​ൽ ജോ​ലി​ചെ​യ്യു​ന്ന സ​ലിം പ​ള്ളി​യി​ലാ​ണ് ഭ​ർ​ത്താ​വ്. മൂ​ത്ത​മ​ക​ൾ ഫാ​ത്തി​മ സ​ലിം ഡോ​ക്ട​റാ​ണ്. ഭ​ർ​ത്താ​വി​നൊ​പ്പം വ​യ​നാ​ട് ബ​ത്തേ​രി​യി​ലാ​ണ്. മ​ക​ൻ അ​മാ​ൻ സ​ലിം ബി.​ബി.​എ ക​ഴി​ഞ്ഞ് തു​ട​ർ​പ​ഠ​ന​ത്തി​നു​ള്ള ഒ​രു​ക്ക​ത്തി​ലും. ദേ​ഹം മാ​ത്ര​മാ​ണ് നാ​ട്ടി​ലേ​ക്ക് പ​റി​ച്ചു ന​ടു​ന്ന​തെ​ന്നും മ​ന​സ്സ്​ മു​ഴു​വ​ൻ ഈ ​റി​യാ​ദ് ന​ഗ​ര​ത്തി​ലാ​ണെ​ന്നും റ​സി​യ പ​റ​യു​ന്നു.