ചിന്മയിയുടെ കൃഷിപാഠത്തിന്​ സംസ്ഥാന അംഗീകാരം

കു​ണ്ട​റ: കാ​ർ​ഷി​ക പാ​ര​മ്പ​ര്യ​ത്തി​ന്‍റെ ഇ​ളം മു​റ​ക്കാ​രി​യാ​യ ഒ​മ്പ​താം ക്ലാ​സു​കാ​രി ചി​ന്മ​യി​ക്ക്​ സം​സ്ഥാ​ന ക​ർ​ഷ​ക വി​ദ്യാ​ർ​ഥി പു​ര​സ്കാ​രം ല​ഭി​ച്ച​ത്​ കു​ടും​ബ​ത്തി​ന്‍റെ കൃ​ഷി പാ​ര​മ്പ​ര്യ​ത്തി​ന്‍റെ​യും അം​ഗീ​കാ​രം. കൊ​ല്ലം കു​ണ്ട​റ കാ​ഞ്ഞി​ര​കോ​ട് ശ​ങ്ക​ര​മം​ഗ​ലം കു​തി​ര​പ്പ​ന്തി​യി​ൽ വീ​ട്ടി​ൽ പ്ര​ദീ​പി​ന്‍റെ​യും പ്രി​യ​യു​ടെ​യും മ​ക​ളാ​ണ് ഈ ​കു​ട്ടി ക​ർ​ഷ​ക. കാ​ർ​ഷി​ക കു​ടും​ബ​ത്തി​ൽ ജ​നി​ച്ച പ്ര​ദീ​പ് കു​റ​ച്ചു നാ​ളെ​ത്തെ പ്ര​വാ​സ​ജീ​വി​ത​ത്തി​നു ശേ​ഷം നാ​ട്ടി​ലെ​ത്തി കാ​ള​യും ക​ല​പ്പ​യും ഉ​പ​യോ​ഗി​ച്ച് നി​ല​മു​ഴു​താ​ണ് കൃ​ഷി ആ​രം​ഭി​ച്ച​ത്. ചി​ന്മ​യി​യും അ​നു​ജ​ത്തി വ​ര​ദ​യും കുട്ടിക്കാലം മുതൽ കൃ​ഷി​യു​മാ​യി കു​ട്ടു​കൂ​ടി​യ​വ​രാ​ണ്.

ഒ​രു വ​ർ​ഷം മു​മ്പാ​ണ് പ്ര​ദീ​പി​ന് ചി​ല ശാ​രീ​രി​ക അ​വ​ശ​ത​ക​ൾ ഉ​ണ്ടാ​കു​ന്ന​ത്. ഈ ​കാ​ല​ത്ത് കൃ​ഷി ചെ​യ്തി​രു​ന്ന വി​ള​ക​ൾ പാ​ക​മാ​യി വ​രു​ന്ന​തേ ഉ​ണ്ടാ​യി​രു​ന്നു​ള​ളു. ഈ ​പ്ര​തി​സ​ന്ധി ഘ​ട്ട​ത്തി​ലാ​ണ് ഓ​രോ​ന്ന് അ​ച്ഛ​നോ​ട് ചോ​ദി​ച്ചും പ​റ​ഞ്ഞും ഒ​ന്ന​ര ഏ​ക്ക​റി​ലെ കൃ​ഷി ഏ​റ്റെ​ടു​ത്ത​ത്. ഇ​തോ​ടെ ചി​ന്മ​യി​യു​ടെ ജീ​വ​ന്‍റെ ഭാ​ഗ​മാ​യി കൃ​ഷി. 2000 മൂ​ട് വെ​ണ്ട ഉ​ൾ​പ്പെ​ടെ മി​ക്ക പ​ച്ച​ക്ക​റി​ക​ളും ന​ട്ട് വി​ള​വെ​ടു​ക്കു​ന്ന​ത് ചി​ന്മ​യി​യു​ടെ മേ​ൽ​നോ​ട്ട​ത്തി​ലാ​ണ്.

2022 ൽ ​കു​ണ്ട​റ പ​ഞ്ചാ​യ​ത്തി​ലെ മി​ക​ച്ച കു​ട്ടി ക​ർ​ഷ​ക​യാ​യി തെ​ര​ഞ്ഞെ​ടു​ത്തി​രു​ന്നു. സ്കൂ​ൾ ശാ​സ്ത്ര-​ഗ​ണി​ത​ശാ​സ്ത്ര മേ​ള​യി​ലും കൃ​ഷി​യു​മാ​യി ബ​ന്ധ​പ്പെ​ട്ട പ്രോ​ജ​ക്ടി​ന് സ​മ്മാ​നം ല​ഭി​ച്ചി​രു​ന്നു. സം​സ്ഥാ​ന പു​ര​സ്കാ​രം അ​ച്ഛ​ൻ പ്ര​ദീ​പി​നും ഒ​പ്പം നി​ന്ന മ​റ്റു​ള്ള​വ​ർ​ക്ക് സ​മ​ർ​പ്പി​ക്കു​ക​യാ​ണെ​ന്ന് ചി​ന്മ​യി പ​റ​ഞ്ഞു. കൃ​ഷി ഡെ​പ്യൂ​ട്ടി ഡ​യ​റ​ക്ട​ർ ഗീ​ത, അ​സി. കൃ​ഷി ഡ​യ​റ​ക്ട​ർ ബി.​ടി. രാ​ജി, കൃ​ഷി ഓ​ഫീ​സ​ർ ബി​നീ​ഷ, ക്ലാ​സ് ടീ​ച്ച​ർ ജി. ​ഗി​റ്റീ​ഷ്, അ​മ്മ പ്രി​യ, അ​നു​ജ​ത്തി വ​ര​ദ എ​ന്നി​വ​രു​ടെ സ​ഹാ​യം കൊ​ണ്ടാ​ണ് പു​ര​സ്കാ​രം നേ​ടാ​നാ​യ​ത്. പു​ര​സ്കാ​രം ഇ​വ​ർ​ക്കും കൂ​ട്ടു​കാ​ർ​ക്കും സ​മ​ർ​പ്പി​ക്കു​ന്ന​താ​യും ചി​ന്മ​യി പ​റ​ഞ്ഞു.