""ഹൃ​ദ​യ​വി​ശു​ദ്ധി​യു​ടെ അ​കംമോ​ടി​ക​ൾ''

ഇ​സ്​​ലാമിലെ മു​ഴു​വ​ന്‍ ആ​രാ​ധ​നാ​ക​ർമ​ങ്ങ​ളു​ടെ​യും ആ​ത്യ​ന്തി​ക ല​ക്ഷ്യം ആ​ത്മ സം​സ്ക​ര​ണ​മാ​ണ്. ആ​ത്മവി​ശു​ദ്ധി​യു​ടെ പ്ര​കാ​ശ​ത്തോ​ടെ​യു​ള്ള​ത​ല്ലാ​ത്ത ആ​രാ​ധ​നാ ക​ർമങ്ങ​ളൊ​ന്നും പ്ര​പ​ഞ്ച​നാ​ഥ​ന്‍റെ സ​വി​ധ​ത്തി​ല്‍ അം​ഗീ​ക​രി​ക്ക​പ്പെ​ടി​ല്ല. അ​ല്ലാ​ഹു അ​ല്ലാ​ത്ത​തി​നെ ഖ​ൽ​ബി​ൽ പ്ര​തി​ഷ്ഠി​ച്ചും ദു​നി​യാ​വി​നെ സ്നേ​ഹി​ച്ചും ദു​ഷി​ച്ച സ്വ​ഭാ​വ​ങ്ങ​ളും വി​ചാ​ര​ങ്ങ​ളും ഉ​ള്ളി​ൽ പേ​റി​യും ജീ​വി​ക്കു​ന്ന ഒ​രു​വ​ന്റെ ഹൃ​ദ​യ​ത്തി​ൽ എ​ങ്ങ​നെ​യാ​ണ് അ​ല്ലാ​ഹു പ്ര​വേ​ശി​ക്കു​ക. അ​വി​ടം എ​ങ്ങ​നെ അ​ല്ലാ​ഹു​വി​ന്റെ അ​ർ​ഷാ​യി​ (സാ​മ്രാ​ജ്യം) ത്തീ​രും.

മ​നു​ഷ്യ​ർ പൊ​തു​വി​ൽ അ​കം ശു​ദ്ധി​യാ​ക്കു​ന്ന​തി​നേ​ക്കാ​ൾ പു​റം ശു​ദ്ധി​യാ​ക്കാ​ൻ താ​ൽ​പ​ര്യമുള്ളവ​രാ​ണ്. മ​റ്റു​ള്ള​വ​രു​ടെ ശ്ര​ദ്ധ​യി​ൽ വ​രു​ന്ന​ ഭാ​ഗം മോ​ടി കാ​ണി​ച്ച് മേ​നി ന​ടി​ക്കാ​നു​ള്ള പ്ര​വ​ണ​ത അ​ധി​ക​മു​ണ്ട്. മ​റ്റു​ള്ള​വ​ർ​ക്ക് കാ​ണാ​ൻ ക​ഴി​യാ​ത്ത​തി​നാ​ൽ അ​കം ശു​ദ്ധി​യാ​ക്കു​ന്നതിൽ വി​മു​ഖ​രാ​കു​ക​യും ചെ​യ്യു​ന്നു. വാ​സ്ത​വ​ത്തി​ൽ ശു​ദ്ധീ​ക​ര​ണ​ത്തി​ന്റെ​യും അ​ല​ങ്കാ​ര​ത്തി​ന്റെ​യും യ​ഥാ​ർ​ഥ ല​ക്ഷ്യം അ​ല്ലാ​ഹു​വി​ന്റെ തൃ​പ്തി​യാ​ണെ​ങ്കി​ൽ അ​കം ശു​ദ്ധി​യാ​ക്കാ​നാ​യി​രി​ക്കും വി​ശ്വാ​സി ആ​ദ്യം പ​രി​ശ്ര​മി​ക്കു​ക. സൃ​ഷ്ടി​ക​ളു​ടെ തൃ​പ്തി ല​ക്ഷ്യ​മാ​കു​മ്പോ​ഴാ​ണ് പു​റം​മോ​ടി​യി​ൽ ശ്ര​ദ്ധ കേ​ന്ദ്രീ​ക​രി​ക്ക​പ്പെ​ടു​ന്ന​ത്. തി​രു​ന​ബിയു​ടെ ഒ​രു വ​ച​നം ശ്ര​ദ്ധേ​യ​മാ​ണ്. തീ​ർ​ച്ച​യാ​യും അ​ല്ലാ​ഹു ബാ​ഹ്യ​മാ​യ മോ​ടി​യി​ലേ​ക്കും ആ​കാ​ര​സൗ​ഷ്ഠ​വ​ത്തി​ലേ​ക്കും നോ​ക്കു​ന്നി​ല്ല. ഹൃ​ദ​യ​ത്തി​ലേ​ക്കും ക​ർമ​ങ്ങ​ളി​ലേ​ക്കും ആ​ണ് അ​ല്ലാ​ഹു നോ​ക്കു​ന്ന​ത്. അ​ക​വും പു​റ​വും ശു​ദ്ധി​യാ​യ ആ​ളു​ക​ളാ​ണ് അ​ല്ലാ​ഹു​വി​ങ്ക​ൽ ഏ​റ്റ​വും പ്രി​യ​പ്പെ​ട്ട​വ​ർ.

പൊ​തു​വേ സാ​ധാ​ര​ണ വി​ശ്വാ​സി​ക​ൾ സ്വ​ന്ത​ത്തെ​ക്കു​റി​ച്ച് വ​ലി​യ ആ​ത്മ​വി​ശ്വാ​സം ഉ​ള്ള​വ​രാ​ണ്. നി​ർ​ബ​ന്ധ അ​നു​ഷ്ഠാ​ന​ങ്ങ​ളി​ൽ വ്യാ​പൃ​ത​രാ​വു​ന്നു, അ​ല്ലാ​ഹു ഹ​റാ​മാ​ക്കി​യ കാ​ര്യ​ങ്ങ​ൾ വ​ർ​ജി​ക്കു​ന്നു, പ​തി​വാ​യി ന​മ​സ്ക​രി​ക്കു​ന്ന​തി​ലൂ​ടെ​യും ഖു​ർ​ആ​ൻ പാ​രാ​യ​ണം ചെ​യ്യു​ന്ന​തി​ലൂ​ടെ​യും ശു​ദ്ധി കൈ​വ​രി​ക്കുന്നു. എ​ന്നി​ട്ട് ഇ​നി എ​ന്തി​ന് തൗ​ബ ചെ​യ്യ​ണം എ​ന്നു ചി​ന്തി​ക്കു​ന്നു. പ​ല​രും പ​ശ്ചാ​ത്ത​പി​ക്കാ​ത​ിരി​ക്കു​ക​യും ചെ​യ്യു​ന്നു. വാ​സ്ത​വ​ത്തി​ൽ ഈ ​വി​ചാ​രം ഒ​രു​വ​നി​ൽ ഉ​ണ്ടെ​ങ്കി​ൽ അ​വ​ന്‍റെ ഹൃ​ദ​യ​ത്തി​ന് ജീ​വ​നി​ല്ല എ​ന്നാ​ണ് അ​ർ​ഥം.

നി​ങ്ങ​ൾ​ക്ക് ജീ​വ​ൻ ഉ​ണ്ടെ​ങ്കി​ൽ ചെ​റി​യൊ​രു സൂ​ചി​യു​ടെ കു​ത്തേ​റ്റാ​ൽത​ന്നെ വേ​ദ​ന അ​നു​ഭ​വ​പ്പെ​ടു​ം, പ്ര​തി​ക​രി​ക്കു​ം. ഇ​തു​പോ​ലെ ഹൃ​ദ​യ​ത്തി​ൽ ഈ​മാ​നി​ന്റെ ജീ​വ​നു​ള്ള​വ​രെ സം​ബ​ന്ധി​ച്ച് ഓ​രോ ചെ​റി​യ പാ​പ​വും അ​വ​രി​ൽ വ​ലി​യ വേ​ദ​ന ഉ​ണ്ടാ​ക്കു​ക​യും തൗ​ബ ചെ​യ്ത് മാ​പ്പി​ര​ക്കു​ക​യും ചെ​യ്യും. ഹൃ​ദ​യ​ത്തി​ൽ ഈ​മാ​നി​ന്റെ ജീ​വ​നു​ള്ള​വ​ർ ഹൃ​ദ​യ മാ​ലി​ന്യ​ത്തെ നീ​ക്കി ശു​ദ്ധി കൈ​വ​രി​ക്കാ​ൻ പ​രി​ശ്ര​മി​ക്കേ​ണ്ട​തു​ണ്ട്. ഹൃ​ദ​യം ശു​ദ്ധി​യാ​യാ​ൽ ജീ​വി​ത​മാ​സ​ക​ലം ശു​ദ്ധി​യാ​യി. തി​രു​ന​ബി പ​ഠി​പ്പി​ച്ചു: "തീ​ർ​ച്ച​യാ​യും മ​നു​ഷ്യശ​രീ​ര​ത്തി​ൽ ഒ​രു മാം​സ​പി​ണ്ഡം ഉ​ണ്ട്. അതു ന​ന്നാ​യാ​ൽ മ​നു​ഷ്യ​ൻ ആ​സ​ക​ലം ന​ന്നാ​യി. അ​തു ചീ​ത്തയായാ​ൽ മ​നു​ഷ്യ​ൻ ചീ​ത്ത​യാ​യി, അ​റി​യു​ക അ​താ​ണ് ഹൃ​ദ​യം.