പിലിക്കോട്ട് തേങ്ങയിടാൻ മയ്യിച്ചയിൽനിന്ന് കണ്ണനെത്തണം

ചെ​റു​വ​ത്തൂ​ർ: മ​യ്യിച്ച സ്വ​ദേ​ശി​യാ​യ ക​ണ്ണ​ൻ ക​ഴി​ഞ്ഞ 20 വ​ർ​ഷ​ത്തോ​ള​മാ​യി പി​ലി​ക്കോ​ട്ടു​കാ​രു​ടെ തേ​ങ്ങ പ​റി​ക്കാ​ര​നാ​ണ്. 50 വ​ർ​ഷ​മാ​യി തേ​ങ്ങ പ​റി​ക്ക​ൽ ജീ​വി​ത​മാ​ർ​ഗ​മാ​യി സ്വീ​ക​രി​ച്ച ക​ണ്ണേ​ട്ട​ൻ എ​ല്ലാ​വ​ർ​ക്കും സ്വ​ന്ത​ക്കാ​ര​നാ​ണ്. ഇ​രു​പ​താ​മ​ത്തെ വ​യ​സ്സി​ൽ തെ​ങ്ങ് ക​യ​റ്റ​വും ചെ​ത്തും തൊ​ഴി​ലാ​യി സ്വീ​ക​രി​ച്ച ക​ണ്ണ​ൻ പ്ര​ധാ​ന​മാ​യി നീ​ലേ​ശ്വ​രം കേ​ന്ദ്രീ​ക​രി​ച്ചാ​ണ് തൊ​ഴി​ൽ ചെ​യ്തി​രു​ന്ന​ത്. രാ​ജീ​വ് ഗാ​ന്ധി​യു​ടെ മ​ര​ണ സ​മ​യ​ത്ത് മ​യ്യിച്ച​യി​ൽ ടി.​വി ഇ​ല്ലാ​ത്ത കാ​ല​ത്ത് അ​ന്ന് 1000 രൂ​പ ന​ൽ​കി ടി.​വി കൊ​ണ്ടു​വ​ന്ന​തും ക​ണ്ണ​ന്റെ ഓ​ർ​മ​ക​ളി​ൽ ഇ​ന്നു​മു​ണ്ട്.

2003 മു​ത​ലാ​ണ് ക​ണ്ണ​ൻ പി​ലി​ക്കോ​ട്ടേ​ക്ക് ജോ​ലി​ക്കെ​ത്തു​ന്ന​ത്. അ​ന്ന് മ​യ്യിച്ച​യി​ൽ ഒ​രു ദി​വ​സം 100 ആ​യി​രു​ന്നു കൂ​ലി. പീ​ന്നീ​ട് പി​ലി​ക്കോ​ട്ടേ​ക്ക് എ​ത്തി​യ​പ്പോ​ൾ 200 രൂ​പ​യോ​ള​മാ​യി. പി​ന്നെ പി​ലി​ക്കോ​ട് വി​ട്ടി​ല്ല. പു​തുത​ല​മു​റ ഈ ​രം​ഗ​ത്തേ​ക്ക് വ​രാ​ത്ത​ത് ഏ​റെ പ്ര​തി​സ​ന്ധി സൃ​ഷ്ടി​ക്കു​ന്നു​ണ്ടെ​ന്ന് ഇ​ദ്ദേ​ഹം പ​റ​യുന്നു. ആ​ളെ കി​ട്ടാ​ത്ത​തുമൂ​ലം ഒ​രു വ​ർ​ഷ​ത്തി​ൽ ആ​റ് പ്രാ​വ​ശ്യം തേ​ങ്ങ പ​റി​ക്കു​ന്ന​ത് ഇ​പ്പോ ര​ണ്ടോ മൂ​ന്നോ ത​വ​ണ​യാ​യി ചു​രു​ങ്ങി.

ദി​വ​സം 1000 രൂ​പ സ​മ്പാ​ദി​ക്കാ​ൻ പ​റ്റു​ന്ന തൊ​ഴി​ൽ തേ​ങ്ങ പ​റി​ക്ക​ലാ​ണെ​ന്ന് ക​ണ്ണ​ൻ അ​ഭി​മാ​ന​ത്തോ​ടെ പ​റ​യും. 100 വ​യ​സ്സു​ള്ള കി​ട​പ്പി​ലാ​യ അ​മ്മ​ക്ക് വേ​ണ്ടു​ന്ന എ​ല്ലാ കാ​ര്യ​ങ്ങ​ളും ചെ​യ്ത​തി​നുശേ​ഷ​മാ​ണ് രാ​വി​ലെ തൊ​ഴി​ലി​നാ​യി ഇ​റ​ങ്ങു​ന്ന​ത്. പി​ലി​ക്കോ​ട്ട് എ​ന്ത് വി​ശേ​ഷം ഉ​ണ്ടാ​യാ​ലും ക​ണ്ണ​ൻ സ്ഥി​രസാ​ന്നി​ധ്യ​മാ​ണ്. അ​റു​പ​ത്തി​മൂ​ന്നാം വ​യ​സ്സി​ലും ഏ​റെ ആ​സ്വ​ദി​ച്ചാ​ണ് ക​ണ്ണ​ൻ ത​ന്റെ തൊ​ഴി​ലി​ൽ വ്യാ​പൃ​ത​നാ​കു​ന്ന​ത്.