മെഡൽ ലക്ഷ്യമിട്ട് സമദ് മാസ്റ്റർ ഫിലിപ്പീൻസിലേക്ക്

അ​രീ​ക്കോ​ട്: പ്രാ​യ​ത്തെ വേ​ഗം​കൊ​ണ്ട് തോ​ൽ​പി​ക്കാ​ൻ മാ​സ്റ്റേ​ഴ്സ് ഒ​ളി​മ്പി​ക്സ് താ​രം സ​മ​ദ് മാ​സ്റ്റ​ർ. രാ​ജ്യ​ത്തി​നാ​യു​ള്ള അ​ടു​ത്ത മെ​ഡ​ൽ നേ​ട്ടം ല​ക്ഷ്യ​മി​ട്ട് അ​ദ്ദേ​ഹം ഫി​ലി​പ്പീ​ൻ​സി​ലേ​ക്ക്. ഈ ​മാ​സം ഏ​ഴ് മു​ത​ൽ 12 വ​രെ ടാ​ർ​ലാ​ക്കി​ൽ ന​ട​ക്കു​ന്ന 22ാമ​ത് ഏ​ഷ്യ​ൻ മാ​സ്റ്റേ​ഴ്സ് അ​ത്​​ല​റ്റി​ക് മീ​റ്റി​ൽ 80 വ​യ​സ്സ് വി​ഭാ​ഗ​ത്തി​ലാ​ണ് അ​ദ്ദേ​ഹം പ​ങ്കെ​ടു​ക്കു​ന്ന​ത്.

ഇ​ത്ത​വ​ണ​യും 100, 200, 400 മീ​റ്റ​റു​ക​ളി​ലാ​ണ് സ​മ​ദ് മാ​സ്റ്റ​ർ ഓ​ടു​ന്ന​ത്. മാ​ർ​ച്ചി​ൽ കൊ​ൽ​ക്ക​ത്ത​യി​ൽ ന​ട​ന്ന നാ​ഷ​ന​ൽ മീ​റ്റി​ൽ മി​ക​ച്ച പ്ര​ക​ട​നം കാ​ഴ്ച​വെ​ച്ചാ​ണ് അ​ദ്ദേ​ഹം ഫി​ലി​പ്പീ​ൻ​സി​ൽ ന​ട​ക്കു​ന്ന ഈ ​മ​ത്സ​ര​ത്തി​ലേ​ക്ക് യോ​ഗ്യ​ത നേ​ടി​യ​ത്.

മീ​റ്റി​ൽ പ​ങ്കെ​ടു​ക്കാ​നാ​യി 13 പേ​ര​ട​ങ്ങു​ന്ന കേ​ര​ള സം​ഘം ഈ ​മാ​സം ആ​റി​ന് രാ​ത്രി 12ന് ​കൊ​ച്ചി​യി​ൽ​നി​ന്നു​ള്ള മ​ലേ​ഷ്യ​ൻ എ​യ​ർ​ലൈ​ൻ​സി​ൽ ഫി​ലി​പ്പീ​ൻ​സി​ലേ​ക്ക് തി​രി​ക്കും. വ​ലി​യ പ്ര​തീ​ക്ഷ​യോ​ടെ​യാ​ണ് മ​ത്സ​ര​ത്തെ നോ​ക്കി​ക്കാ​ണു​ന്ന​തെ​ന്ന് സ​മ​ദ് മാ​സ്റ്റ​ർ ‘മാ​ധ്യ​മ’​ത്തോ​ട് പ​റ​ഞ്ഞു.

1996ൽ ​അ​രീ​ക്കോ​ട് ജി.​എം.​എ​ൽ​പി സ്കൂ​ളി​ൽ​നി​ന്ന് പ്ര​ധാ​നാ​ധ്യാ​പ​ക​നാ​യി വി​ര​മി​ച്ച​ശേ​ഷ​മാ​ണ് സ​മ​ദ് മാ​സ്റ്റ​ർ മാ​സ്റ്റേ​ഴ്സ് അ​ത്​​ല​റ്റി​ക്സി​ലേ​ക്ക് എ​ത്തു​ന്ന​ത്. തു​ട​ക്ക​ത്തി​ൽ​ത​ന്നെ വ​ലി​യ നേ​ട്ട​ങ്ങ​ൾ ദേ​ശീ​യ​ത​ല​ത്തി​ലും രാ​ജ്യാ​ന്ത​ര​ത​ല​ത്തി​ലും നേ​ടാ​ൻ അ​ദ്ദേ​ഹ​ത്തി​ന് സാ​ധി​ച്ചു. എ​ല്ലാ ദി​വ​സ​വു​മു​ള്ള ക​ഠി​ന പ​രി​ശ്ര​മ​മാ​ണ് ഇ​ദ്ദേ​ഹ​ത്തെ ഈ ​നേ​ട്ട​ത്തി​ലേ​ക്ക് എ​ത്തി​ച്ച​ത്.