ലക്ഷദ്വീപിൽ മലയാളം മീഡിയം നിർത്താനുള്ള തീരുമാനം പുനഃപരിശോധിക്കണം -എം.എസ്.എസ്​

കോഴിക്കോട്​: പതിറ്റാണ്ടുകളായി കേരളവുമായി ബന്ധപ്പെട്ട് ജീവിക്കുന്ന ദ്വീപ് നിവാസികൾക്ക് മലയാളഭാഷ പഠിക്കാനുള്ള അവസരം നിഷേധിക്കുന്ന നടപടികളിൽനിന്ന് ലക്ഷദ്വീപ് വിദ്യാഭ്യാസ ഡയറക്ടറേറ്റ് പിന്മാറണമെന്ന്​ മുസ്​ലിം സർവിസ്​ സൊസൈറ്റി (എം.എസ്.എസ്) ​പ്രസിഡന്‍റ്​ പി. ഉണ്ണീനും ജന. ​സെക്രട്ടറി എൻജിനീയർ പി. മമ്മത്​കോയയും പ്രസ്താവനയിൽ ആവശ്യപ്പെട്ടു. ദ്വീപുകാർക്ക് മലയാള ഭാഷയും കേരളീയ സംസ്കാരവും പഠിക്കാനുള്ള അവസരം നിഷേധിക്കരുതെന്നും ഇരുവരും പറഞ്ഞു.