പപ്പടത്തല്ലിൽ ഓഡിറ്റോറിയത്തിന് നഷ്ടം ഒന്നര ലക്ഷം രൂപ!

ഹ​രി​പ്പാ​ട്: വി​വാ​ഹ​സ​ദ്യ​ക്കി​ട​യി​ൽ പ​പ്പ​ട​ത്തെ ചൊ​ല്ലി​യു​ണ്ടാ​യ കൂ​ട്ട​ത്ത​ല്ലിൽ ഓ​ഡി​റ്റോ​റി​യം ഉ​ട​മ​ക്ക് നഷ്ടമായത് ഒന്നര ലക്ഷം രൂപ. ട്രോ​ളു​ക​ളും ക​മ​ൻ​റു​ക​ളും​കൊ​ണ്ട് വൈറലായ പപ്പടത്തല്ല് ​സോഷ്യൽ മീഡിയയിൽ ആ​ഘോ​ഷ​മാ​ക്കുന്നതിനിടെയാണ് നഷളടകടകണക്ക് പുറത്തുവന്നത്.

ത​ല്ലു​കി​ട്ടി​യ​തിന് പുറമെയാണ് ഒ​ന്ന​ര ല​ക്ഷം രൂ​പ​യു​ടെ ന​ഷ്ടം ഉ​ണ്ടാ​യതെന്ന് ഉ​ട​മ പ​റ​ഞ്ഞു. ഹ​രി​പ്പാ​ട് മു​ട്ട​ത്തെ സ്വ​കാ​ര്യ ഓ​ഡി​റ്റോ​റി​യ​ത്തി​ൽ ഞാ​യ​റാ​ഴ്ച ന​ട​ന്ന വി​വാ​ഹ​ത്തി​നി​ടെ​യാ​ണ് സം​ഭ​വം. വി​വാ​ഹ​ത്തി​നു​ശേ​ഷം ഭ​ക്ഷ​ണം വി​ള​മ്പു​ന്ന​തി​നി​ടെ വ​ര​ന്‍റെ സു​ഹൃ​ത്തു​ക്ക​ൾ പ​പ്പ​ടം ര​ണ്ടാ​മ​ത് ആ​വ​ശ്യ​പ്പെ​ട്ടു. ഈ ​സ​മ​യ​ത്ത് ഉ​ണ്ടാ​യ ത​ർ​ക്ക​മാ​ണ് കൂ​ട്ട​ത്ത​ല്ലി​ൽ ക​ലാ​ശി​ച്ച​ത്. ഓ​ഡി​റ്റോ​റി​യ​ത്തി​ലെ ക​സേ​ര​ക​ളും മേ​ശ​ക​ളും ഉ​പ​യോ​ഗി​ച്ചാ​ണ് ഇ​രു​കൂ​ട്ട​രും ഏ​റ്റു​മു​ട്ടി​യ​ത്.

സാ​ധ​ന​സാ​മ​ഗ്രി​ക​ൾ ന​ശി​പ്പി​ച്ച വ​ക​യി​ൽ ഒ​ന്ന​ര ല​ക്ഷം രൂ​പ​യു​ടെ നാ​ശ​ന​ഷ്ടം ഉ​ണ്ടാ​യ​താ​യാ​ണ് ഉ​ട​മ മു​ര​ളീ​ധ​ര​ൻ ക​രീ​ല​ക്കു​ള​ങ്ങ​ര പൊ​ലീ​സി​ൽ മൊ​ഴി ന​ൽ​കി​യ​ത്. സം​ഭ​വ​ത്തി​ൽ മ​റ്റു ര​ണ്ടു​പേ​ർ​ക്ക് കൂ​ടി പ​രി​ക്കേ​റ്റി​രു​ന്നു. ക​ണ്ടാ​ല​റി​യാ​വു​ന്ന 15 പേ​ർ​ക്കെ​തി​രെ പൊ​ലീ​സ് കേ​സെ​ടു​ത്തി​ട്ടു​ണ്ട്. കൂ​ടാ​തെ ഓ​ഡി​റ്റോ​റി​യ​ത്തി​ൽ സി.​സി ടി.​വി ദൃ​ശ്യ​ങ്ങ​ളും പ​രി​ശോ​ധി​ക്കു​മെ​ന്ന് പൊ​ലീ​സ് പ​റ​ഞ്ഞു.