അതിജീവനത്തിന്റെ പാഠവുമായി മേപ്പാടി സ്‌കൂള്‍ തുറന്നു

മേ​പ്പാ​ടി (വ​യ​നാ​ട്): ഉ​രു​ൾ ദു​ര​ന്ത​ത്തി​ന്റെ സ​ങ്ക​ട​ങ്ങ​ള്‍ നി​റ​ഞ്ഞ ക്ലാ​സ് മു​റി​ക​ളി​ല്‍ അ​തി​ജീ​വ​ന​ത്തി​ന്റെ പു​തി​യ പാ​ഠ​ങ്ങ​ള്‍ക്ക് തു​ട​ക്ക​മാ​യി. ദു​രി​ത​ബാ​ധി​ത​ര്‍ക്കും ഉ​റ്റ​വ​ര്‍ക്കു​മാ​യി ആ​ഴ്ച​ക​ളാ​യി തു​റ​ന്നി​ട്ട മേ​പ്പാ​ടി ഗ​വ. ഹ​യ​ർ സെ​ക്ക​ന്‍ഡ​റി സ്‌​കൂ​ളി​ലാ​ണ് ചൊ​വ്വാ​ഴ്ച അ​ധ്യ​യ​നം പു​ന​രാ​രം​ഭി​ച്ച​ത്. മേ​പ്പാ​ടി ജി.​എ​ല്‍.​പി, യു.​പി, ഹൈ​സ്‌​കൂ​ള്‍ ഹ​യ​ർ സെ​ക്ക​ന്‍ഡ​റി ക്ലാ​സ് മു​റി​ക​ളാ​ണ് മു​ണ്ട​ക്കൈ, ചൂ​ര​ല്‍മ​ല ഉ​രു​ൾ ദു​ര​ന്ത​ത്തി​ന്റെ പ്ര​ധാ​ന ദു​രി​താ​ശ്വാ​സ ക്യാ​മ്പു​ക​ളാ​യി​രു​ന്ന​ത്. ദു​ര​ന്ത​മേ​ഖ​ല​യി​ല്‍ നി​ന്നും നി​ര​വ​ധി കു​ടും​ബ​ങ്ങ​ളാ​ണ് ഈ ​ക്യാ​മ്പി​ല്‍ ക​ഴി​ഞ്ഞ​ത്. ഉ​റ്റ​വ​രെ​യും അ​യ​ല്‍വാ​സി​ക​ളെ​യു​മെ​ല്ലാം ദു​ര​ന്ത​ത്തി​ല്‍ ന​ഷ്ട​മാ​യ​വ​ര്‍ക്കു​ള്ള ത​ണ​ലാ​യി മാ​റു​ക​യാ​യി​രു​ന്നു ഈ ​പാ​ഠ​ശാ​ല. ക​ഴി​ഞ്ഞ ദി​വ​​സ​ത്തോ​ടെ, ഇ​വി​ടെ​യു​ണ്ടാ​യി​രു​ന്ന മു​ഴു​വ​നാ​ളു​ക​ളും താ​ത്കാ​ലി​ക താ​മ​സ​സ്ഥ​ല​​ങ്ങ​ളി​​ലേ​ക്ക് മാ​റി​യി​രു​ന്നു.

637 കു​ട്ടി​ക​ളു​ള്ള മേ​പ്പാ​ടി ഹ​യ​ർ സെ​ക്ക​ന്‍ഡ​റി സ്‌​കൂ​ള്‍ പ​ഠ​ന​ത്തി​നാ​യി വീ​ണ്ടും തു​റ​ന്ന​പ്പോ​ൾ കൂ​ടെ​യു​ണ്ടാ​യി​രു​ന്ന മൂ​ന്ന് കു​ട്ടി​ക​ള്‍ അ​വ​രോ​ടൊ​പ്പ​മി​ല്ല. പ്ല​സ് വ​ണ്‍ വി​ഭാ​ഗ​ത്തി​ലെ ര​ണ്ടു കൂ​ട്ടൂ​കാ​രും പ്ല​സ്ടു വി​ൽ​നി​ന്നു​ള്ള ഒ​രു കൂ​ട്ടു​കാ​രി​യു​മാ​ണ് നാ​ടി​നെ ന​ടു​ക്കി​യ ഉ​രു​ള്‍ ദു​ര​ന്ത​ത്തി​ന്റെ നൊ​മ്പ​ര​മാ​യി മാ​റി​യ​ത്. അ​വ​ർ​ക്കും ദു​ര​ന്ത​ത്തി​ല്‍ മാ​ഞ്ഞു​പോ​യ മ​റ്റെ​ല്ലാ​വ​ര്‍ക്കു​മാ​യി സ്‌​കൂ​ള്‍ അ​സം​ബ്ലി​യി​ല്‍ അ​നു​ശോ​ച​നം രേ​ഖ​പ്പെ​ടു​ത്തി. അ​തു​വ​രെ​യും അ​ധ്യ​യ​ന​ത്തി​ന്റെ മാ​ത്രം പാ​ഠ​ശാ​ല​യാ​യി​രു​ന്ന വി​ദ്യാ​ല​യം പ​ര​സ്പ​രം കൈ​കോ​ര്‍ത്ത് ഇ​നി​യും മു​ന്നേ​റാ​നു​ള്ള ജീ​വി​ത പാ​ഠ​ത്തി​ന്റെ​യും ഗു​രു​കു​ല​മാ​വു​ക​യാ​യി​രു​ന്നു.

പൊ​ലീ​സ് വി​ഭാ​ഗ​ത്തി​ന്റെ പ്ര​ത്യേ​ക കൗ​ണ്‍സ​ലി​ങ്ങും വി​ദ്യാ​ല​യ​ത്തി​ല്‍ ന​ട​ന്നു. ഉ​ച്ച​തി​രി​ഞ്ഞ് വി​ദ്യാ​ഭ്യാ​സ അ​ധി​കൃ​ത​രും അ​ധ്യാ​പ​ക​രും യോ​ഗം ചേ​ര്‍ന്ന് സ്‌​കൂ​ള്‍ പ്ര​വ​ര്‍ത്ത​ന​ങ്ങ​ള്‍ അ​വ​ലോ​ക​നം ചെ​യ്തു. മു​ണ്ട​ക്കൈ, വെ​ള്ളാ​ര്‍മ​ല ക്ലാ​സ് മു​റി​ക​ള്‍ മേ​പ്പാ​ടി​യി​ല്‍ തു​ട​ങ്ങു​ന്ന​തി​ന് മു​ന്നോ​ടി​യാ​യു​ള്ള ഒ​രു​ക്ക​വും വി​ല​യി​രു​ത്തി. ദു​ര​ന്ത​ത്തി​ൽ ത​ക​ർ​ന്ന മു​ണ്ട​ക്കൈ, വെ​ള്ളാ​ര്‍മ​ല സ്‌​കൂ​ളു​ക​ളി​ലെ വി​ദ്യാ​ർ​ഥി​ക​ൾ​ക്കാ​യി മേ​പ്പാ​ടി​യി​ൽ സെ​പ്റ്റം​ബ​ര്‍ ര​ണ്ടി​ന് താ​ത്കാ​ലി​ക ക്ലാ​സു​ക​ൾ തു​റ​ക്കും.