വാളയാർ കേസ്; കുട്ടികളുടെ മരണം ആത്മഹത്യയാകാമെന്ന് സി.ബി.ഐ

കൊച്ചി: വാളയാർ കേസിൽ കുട്ടികളുടെ മരണം ആത്മഹത്യയാകാമെന്ന് സി.ബി.ഐ. പെൺകുട്ടികളെ തൂങ്ങിമരിച്ച നിലയിൽ കണ്ടെത്തിയ മുറിക്ക് വിസ്തീർണം കുറവായതിനാൽ കൊലപാതക സാധ്യതയില്ലെന്ന് സി.ബി.ഐ കുറ്റപത്രത്തിൽ പറയുന്നു.

മരണത്തിന് ഏറ്റവും സാധ്യതയുള്ള മാർഗം ആത്മഹത്യയാണെന്ന് സി.ബി.ഐ ചൂണ്ടിക്കാട്ടി. കഴിഞ്ഞ മാസം കൊച്ചി സി.ബി.ഐ കോടതിയില്‍ സമര്‍പ്പിച്ച കുറ്റപത്രത്തിലാണ് കുട്ടികളുടെ മരണം ആത്മഹത്യയാണെന്ന് സി.ബി.ഐ വ്യക്തമാക്കുന്നതെന്ന് ദി ഹിന്ദു റിപ്പോർട്ട് ചെയ്യുന്നു.

129 സെന്റിമീറ്റർ മാത്രം ഉയരമുള്ള ഒമ്പത് വയസുകാരിയായ രണ്ടാമത്തെ പെൺകുട്ടിക്ക് ഉത്തരത്തിൽ തൂങ്ങി ആത്മഹത്യ ചെയ്യാനാകുമെന്നും മെഡിക്കൽ ബോർഡ് ഫോറൻസിക് വിദഗ്ധനെ ഉദ്ധരിച്ച് സി.ബി.ഐ കുറ്റപത്രത്തിൽ വാദിച്ചു. അതിസങ്കീര്‍ണമായ കുടുംബസാഹചര്യവും കുട്ടികള്‍ നേരിട്ട ലൈംഗിക ചൂഷണവും ആത്മഹത്യയിലേക്ക് നയിച്ചിട്ടുണ്ടാകാമെന്ന നിഗമനത്തിലാണ് സി.ബി.ഐ.

കുട്ടികളുടെ മരണം ആത്മഹത്യയാണെന്ന വാദം വിചാരണകോടതി നേരത്തെ തള്ളിയിരുന്നു. 2017 ജ​നു​വ​രി ഏ​ഴി​നാ​ണ് വാ​ള​യാ​ർ അ​ട്ട​പ്പ​ള്ള​ത്തെ വീ​ട്ടി​ല്‍ 13 വ​യ​സ്സു​കാ​രി​യെ തൂ​ങ്ങി​മ​രി​ച്ച നി​ല​യി​ല്‍ ക​ണ്ടെ​ത്തി​യ​ത്. ര​ണ്ട് മാ​സ​ത്തി​നി​പ്പു​റം മാ​ര്‍ച്ച് നാ​ലി​ന് ഇ​തേ വീ​ട്ടി​ൽ അ​നു​ജ​ത്തി​യാ​യ ഒ​മ്പ​ത് വ​യ​സ്സു​കാ​രി​യെ​യും തൂ​ങ്ങി​മ​രി​ച്ച നി​ല​യി​ല്‍ ക​ണ്ടെ​ത്തി. വീ​ടി​ന്‍റെ ഉ​ത്ത​ര​ത്തി​ല്‍ ഒ​മ്പ​ത് വ​യ​സ്സു​കാ​രി​ക്ക് തൂ​ങ്ങാ​നാ​വി​ല്ലെ​ന്ന ക​ണ്ടെ​ത്ത​ലോ​ടെ​യാ​ണ് സം​ശ​യം ബ​ല​പ്പെ​ട്ട​ത്.

13കാ​രി​യു​ടെ മ​ര​ണ​ത്തി​ലെ ഏ​ക ദൃ​ക്സാ​ക്ഷി കൂ​ടി​യാ​യി​രു​ന്നു ഒ​മ്പ​ത് വ​യ​സ്സു​കാ​രി. മാ​ര്‍ച്ച് ആ​റി​ന് അ​ന്ന​ത്തെ എ.​എ​സ്.​പി ജി. ​പൂ​ങ്കു​ഴ​ലി​യു​ടെ നേ​തൃ​ത്വ​ത്തി​ല്‍ പ്ര​ത്യേ​ക സം​ഘം അ​ന്വേ​ഷ​ണ​മാ​രം​ഭി​ച്ചു. തൊ​ട്ട​ടു​ത്ത ദി​വ​സം പൊ​ലീ​സ് പു​റ​ത്തു​വി​ട്ട പോ​സ്റ്റു​മോ​ര്‍ട്ടം റി​പ്പോ​ര്‍ട്ടി​ലെ വി​വ​ര​ങ്ങ​ള്‍ ഞെ​ട്ടി​ക്കു​ന്ന​താ​യി​രു​ന്നു. മ​രി​ച്ച കു​ട്ടി​ക​ള്‍ പ്ര​കൃ​തി​വി​രു​ദ്ധ പീ​ഡ​ന​ത്തി​നി​ര​യാ​യ​ത് അ​തി​ൽ പ​റ​ഞ്ഞി​രു​ന്നു.