സഹനജീവിതത്തിനൊടുവിൽ നൊമ്പരമായി വിഷ്ണുജ

പൂ​ക്കോ​ട്ടും​പാ​ടം (മ​ല​പ്പു​റം): ഒ​ന്ന​ര വ​ർ​ഷ​ത്തെ വി​വാ​ഹ​ജീ​വി​ത​ത്തി​ലു​ട​നീ​ളം നി​ര​ന്ത​ര പീ​ഡ​ന​മേ​ൽ​ക്കേ​ണ്ടി വ​ന്ന വി​ഷ്ണു​ജ ഒ​ടു​വി​ൽ നൊ​മ്പ​ര​ക്കാ​ഴ്ച​യാ​യ​തി​ന്റെ വേ​ദ​ന​യി​ലാ​ണ് നാ​ട്. മ​ക​ളു​ടെ വേ​ർ​പാ​ട​റി​ഞ്ഞ​ത് മു​ത​ൽ ക​ണ്ണീ​രോ​ടെ ക​ഴി​യു​ക​യാ​ണ് അ​മ്മ​യും അ​ച്ഛ​നും ബ​ന്ധു​ക്ക​ളും. ജോ​ലി​യി​ല്ലെ​ന്നും സൗ​ന്ദ​ര്യം കു​റ​വാ​ണെ​ന്നും പ​റ​ഞ്ഞു​ള്ള ഭ​ർ​ത്താ​വി​ന്റെ പീ​ഡ​നം സ​ഹി​ക്കാ​നാ​കാ​തെ ഭ​ര്‍തൃ​വീ​ട്ടി​ല്‍ മ​രി​ച്ച വി​ഷ്ണു​ജ പൂ​ക്കോ​ട്ടും​പാ​ടം മ​നി​യി​ൽ പാ​ലൊ​ളി വാ​സു​ദേ​വ​ന്റെ​യും പ​ത്മ​കു​മാ​രി​യു​ടെ​യും ഇ​ള​യ മ​ക​ളാ​ണ്. മ​ഞ്ചേ​രി എ​ള​ങ്കൂ​ർ സ്വ​ദേ​ശി പ്ര​ഭി​ൻ നേ​ര​ത്തെ​യും വി​വാ​ഹ​ലോ​ച​ന​യു​മാ​യി വ​ന്നി​രു​ന്നെ​ങ്കി​ലും വി​ഷ്ണു​ജ​ക്ക് ജോ​ലി​യി​ല്ലാ​ത്ത കാ​ര​ണം പ​റ​ഞ്ഞ് പി​ന്മാ​റി​യി​രു​ന്നു. പി​ന്നീ​ട് വീ​ണ്ടും വി​വാ​ഹാ​ലോ​ച​ന​യു​മാ​യി വ​രി​ക​യാ​യി​രു​ന്നു. ബി​രു​ദ​പ​ഠ​നം പൂ​ർ​ത്തി​യാ​ക്കി​യ വി​ഷ് ണു​ജ എ​ച്ച്.​ഡി.​സി കോ​ഴ്സ് ക​ഴി​ഞ്ഞ് പി.​എ​സ്.​സി പ​രി​ശീ​ല​ന​ത്തി​ലാ​യി​രു​ന്നു.

പ്ര​തീ​ക്ഷ​യോ​ടെ വി​വാ​ഹ​ജീ​വി​ത​ത്തി​ലേ​ക്ക് പ്ര​വേ​ശി​ച്ച മ​ക​ൾ​ക്ക് ഭ​ര്‍തൃ​വീ​ട്ടി​ല്‍ ഒ​രു പാ​ട് മോ​ശം അ​നു​ഭ​വ​ങ്ങ​ളു​ണ്ടാ​യെ​ങ്കി​ലും ജോ​ലി കി​ട്ടു​ന്ന​തോ​ടെ എ​ല്ലാം ശ​രി​യാ​വു​മെ​ന്ന് പ്ര​തീ​ക്ഷി​ച്ച് പി​ടി​ച്ചു​നി​ൽ​ക്കു​ക​യാ​യി​രു​ന്നെ​ന്ന് പി​താ​വ് വാ​സു​ദേ​വ​ൻ പ​റ​ഞ്ഞു. സ്ത്രീ​ധ​ന​മാ​യി ല​ഭി​ച്ച സ്വ​ർ​ണം പോ​രെ​ന്ന് പ​റ​ഞ്ഞ് ഭ​ർ​ത്താ​വ് പ്ര​ഭി​ൻ പ​ല ത​വ​ണ ഉ​പ​ദ്ര​വി​ച്ച​താ​യി മ​ക​ൾ പ​റ​ഞ്ഞി​രു​ന്നു. എ​ന്റെ ജോ​ലി ക​ണ്ട് കൂ​ടെ വ​രേ​ണ്ടെ​ന്നും സ്വ​ന്തം ജോ​ലി ക​ണ്ടു​പി​ടി​ച്ച് സ​മ്പാ​ദി​ക്ക​ണ​മെ​ന്നും ഭ​ർ​ത്താ​വ് പ​റ​ഞ്ഞി​രു​ന്നു. അ​തി​നാ​ൽ ത​ന്നെ ജോ​ലി​ക്കാ​യി അ​വ​ൾ ക​ഠി​ന​പ്ര​യ​ത്നം ന​ട​ത്തി.

സൗ​ന്ദ​ര്യം പോ​രെ​ന്നും, ത​ടി കു​റ​വാ​ണെ​ന്നും പ​റ​ഞ്ഞ് മാ​ന​സി​ക​മാ​യി പീ​ഡി​പ്പി​ച്ചു. ബൈ​ക്കി​ൽ കൂ​ടെ കൊ​ണ്ടു​പോ​കാ​റി​ല്ലാ​യി​രു​ന്നു. ശാ​രീ​രി​ക​പീ​ഡ​ന​വും ഏ​റ്റി​ട്ടു​ണ്ട്. വി​വാ​ഹം ക​ഴി​ഞ്ഞ് ഒ​ന്ന​ര വ​ർ​ഷ​മാ​യെ​ങ്കി​ലും വി​ഷ്ണു​ജ സ്വ​ന്തം വീ​ട്ടി​ൽ വ​ന്ന് താ​മ​സി​ച്ചി​ട്ടി​ല്ല. പ്ര​ശ്ന​ങ്ങ​ളു​ണ്ടാ​വു​മ്പോ​ൾ വീ​ട്ടു​കാ​ർ ഇ​ട​പെ​ടേ​ണ്ട, എ​ല്ലാം ശ​രി​യാ​വു​മെ​ന്ന് പ​റ​ഞ്ഞ് മ​ക​ൾ ആ​ശ്വ​സി​പ്പി​ക്കാ​റാ​യി​രു​ന്നു പ​തി​വ്. ത​ന്റെ മൂ​ന്ന് പെ​ൺ​മ​ക്ക​ളി​ൽ ഏ​ത് പ്ര​ശ്ന​ത്തി​ലും ഇ​ട​പെ​ട്ട് പ​രി​ഹ​രി​ക്കാ​ൻ മി​ടു​ക്കി​യാ​യി​രു​ന്നു വി​ഷ്ണു​ജ​യെ​ന്ന് വാ​സു​ദേ​വ​ൻ പ​റ​ഞ്ഞു.

ഭ​ർ​തൃ​മാ​താ​വും മ​റ്റ് ബ​ന്ധു​ക്ക​ളും പ്ര​ഭി​ന് അ​നു​കൂ​ല നി​ല​പാ​ടാ​ണ് സ്വീ​ക​രി​ച്ചി​രു​ന്ന​ത്. മ​ര​ണ​വി​വ​രം എ​ന്റെ മ​ക​ളെ​യാ​ണ് ആ​ദ്യം അ​റി​യി​ച്ച​ത്. ഞാ​ൻ ഭ​ര്‍തൃ​വീ​ട്ടി​ലെ​ത്തി​യ​പ്പോ​ൾ അ​ക​ത്ത് ജ​ന​ലി​ൽ ചാ​രി കി​ട​ക്കു​ന്ന നി​ല​യി​ലാ​ണ് വി​ഷ്ണു​ജ​യെ ക​ണ്ട​ത്. ഇ​തി​ൽ ദു​രൂ​ഹ​ത​യു​ണ്ട്. പ്ര​ഭി​ന് മ​റ്റ് സ്ത്രീ​ക​ളു​മാ​യി വ​ഴി​വി​ട്ട ബ​ന്ധ​മു​ള്ള വി​വ​ര​വും പു​റ​ത്തു​വ​രു​ന്നു​ണ്ട്.

പൊ​ലീ​സി​ൽ വി​ശ്വാ​സ​മു​ണ്ടെ​ന്നും അ​ർ​ഹ​മാ​യ ശി​ക്ഷ ല​ഭി​ക്കു​മെ​ന്ന് പ്ര​തീ​ക്ഷി​ക്കു​ന്ന​താ​യും വാ​സു​ദേ​വ​ൻ പ​റ​ഞ്ഞു. പ്ര​ഭി​നെ മാ​തൃ​കാ​പ​ര​മാ​യി ശി​ക്ഷി​ക്ക​ണം. ഇ​നി​യൊ​രു ര​ക്ഷി​താ​വി​നും ഇ​ത്ത​രം അ​നു​ഭ​വം ഉ​ണ്ടാ​കാ​ൻ പാ​ടി​ല്ലെ​ന്നും അ​ദ്ദേ​ഹം പ​റ​ഞ്ഞു. അ​ന്വേ​ഷ​ണം ശ​രി​യാ​യ രീ​തി​യാ​ൽ ന​ട​ക്കാ​ൻ ‘ജ​സ്റ്റി​സ് ഫോ​ർ വി​ഷ് ണു​ജ’ എ​ന്ന വാ​ട്സ് ആ​പ്പ് ഗ്രൂ​പ്പു​ണ്ടാ​ക്കി​യി​ട്ടു​ണ്ട് നാ​ട്ടു​കാ​ർ. ദൃ​ശ്യ, ദി​വ്യ എ​ന്നി​വ​രാ​ണ് വാ​സു​ദേ​വ​െൻറ മ​റ്റ് മ​ക്ക​ൾ.