ഉ​ത്ര കേസ്:​ വധശിക്ഷയെന്നത് കോടതിയുടെ വിവേചനാധികാരം -വനിത കമീഷൻ

തലശ്ശേരി: ഉത്ര കേസിൽ പ്രതിക്ക് ഇരട്ട ജീവപര്യന്തം നൽകി കൊണ്ടുള്ള കോടതി വിധി സ്വാഗതാർഹമാണെന്ന് വനിത കമീഷൻ അധ്യക്ഷ പി. സതീദേവി. കുറ്റകൃത്യത്തിന് വധശിക്ഷ നൽകണോ വേണ്ടയോ എന്നത് കോടതിയുടെ വിവേചനാധികാര പരിധിയിൽപെടുന്നതാണെന്നും അവർ പറഞ്ഞു. കേരളീയ സമൂഹത്തിൽ ഇതുവരെ കേട്ടു കേൾവിയില്ലാത്ത തരത്തിലുള്ള കുറ്റകൃത്യമാണ് പ്രതി നടത്തിയത്. നല്ല രീതിയിലുള്ള അന്വേഷണമാണ് കേസിൽ നടന്നത്. നീതി നിർവഹണത്തിന്റെ കാര്യക്ഷമത വ്യക്തമാക്കുന്ന വിധിയാണിഴതന്നും അവർ കൂട്ടിച്ചേർത്തു.