‘പുസ്തക കച്ചവട’ത്തിൽ ഉലഞ്ഞ്​ യൂനിയൻ ബാങ്ക്​

തൃ​ശൂ​ർ: കേ​ന്ദ്ര സ​ർ​ക്കാ​റി​ന്‍റെ മു​ൻ സാ​മ്പ​ത്തി​ക കാ​ര്യ ഉ​പ​ദേ​ഷ്ടാ​വ്​ ഒ​രു പു​സ്ത​ക​മെ​ഴു​തു​ക, രാ​ജ്യ​ത്തെ ഒ​രു പൊ​തു​മേ​ഖ​ല ബാ​ങ്ക്​ അ​തി​ന്‍റെ ല​ക്ഷം കോ​പ്പി 7.25 കോ​ടി രൂ​പ ചെ​ല​വ​ഴി​ച്ച്​ വാ​ങ്ങു​ക; ‘പു​സ്ത​ക ക​ച്ച​വ​ട’ വി​വാ​ദ​ത്തി​ൽ ആ​ടി​യു​ല​യു​ക​യാ​ണ്​ യൂ​നി​യ​ൻ ബാ​ങ്ക്​ ഓ​ഫ്​ ഇ​ന്ത്യ. ഒ​രു ജ​ന​റ​ൽ മാ​നേ​ജ​ർ സ​സ്​​പെ​ൻ​ഷ​നി​ലാ​യി. ബാ​ങ്കി​ന്‍റെ എം.​ഡി-​സി.​ഇ.​ഒ​യു​ടെ കാ​ലാ​വ​ധി നീ​ട്ട​ൽ പ​രു​ങ്ങ​ലി​ലാ​യി. പു​സ്ത​ക​മെ​ഴു​തി ബാ​ങ്കു​ക​ളെ​ക്കൊ​ണ്ട്​ വാ​ങ്ങി​പ്പി​ച്ച ര​ച​യി​താ​വി​നാ​വ​ട്ടെ, അ​ന്താ​രാ​ഷ്ട്ര നാ​ണ​യ നി​ധി (ഐ.​എം.​എ​ഫ്)​യി​ലെ പ​ദ​വി​യും പോ​യി. ബാ​ങ്കി​ങ്​ വൃ​ത്ത​ങ്ങ​ളി​ൽ ആ​ശ്ച​ര്യ​മു​ള്ള ക​ഥ​യാ​വു​ക​യാ​ണ്​ ഈ ​പു​സ്ത​ക വി​വാ​ദം.

2018-21 കാ​ല​ത്ത്​ കേ​ന്ദ്ര സ​ർ​ക്കാ​റി​ന്‍റെ മു​ഖ്യ സാ​മ്പ​ത്തി​ക ഉ​പ​ദേ​ഷ്ടാ​വാ​യി​രു​ന്ന ഡോ. ​കൃ​ഷ്ണ​മൂ​ർ​ത്തി വെ​ങ്ക​ട സു​ബ്ര​ഹ്മ​ണ്യ​ൻ ക​ഴി​ഞ്ഞ വ​ർ​ഷ​മാ​ണ്​ ‘ഇ​ന്ത്യ@100: എ​ൻ​വി​ഷ​നി​ങ്​ ടു​മോ​റോ​സ്​ ഇ​ക്ക​ണോ​മി​ക്​ പ​വ​ർ​ഹൗ​സ്​’ എ​ന്ന പു​സ്ത​കം എ​ഴു​തി പു​റ​ത്തി​റ​ക്കി​യ​ത്. 2047ഓ​ടെ ഇ​ന്ത്യ ലോ​ക​ത്തെ വ​ൻ സാ​മ്പ​ത്തി​ക ശ​ക്തി​യാ​കാ​ൻ പോ​കു​ന്ന​ത്​ എ​ങ്ങ​നെ​യെ​ന്ന് വി​വ​രി​ക്കു​ന്ന പു​സ്ത​ക​മാ​ണ്. 2022 മു​ത​ൽ ഡോ. ​കെ.​വി. സു​ബ്ര​ഹ്മ​ണ്യ​ൻ ഐ.​എം.​എ​ഫി​ൽ ഇ​ന്ത്യ​യു​​ടെ എ​ക്സി​ക്യു​ട്ടി​വ്​ ഡ​യ​റ​ക്ട​റാ​ണ്.

7.25 കോ​ടി രൂ​പ ചെ​ല​വ​ഴി​ച്ച് പു​സ്ത​ക​ത്തി​ന്‍റെ ര​ണ്ട്​ ​ല​ക്ഷ​ത്തോ​ളം കോ​പ്പി​യാ​ണ് ബാ​ങ്ക്​ വാ​ങ്ങി​യ​ത്. വി​ല​യി​ൽ പ​കു​തി കൊ​ടു​ക്കു​ക​യും ചെ​യ്തു. ബാ​ങ്കി​ന്‍റെ ഇ​ട​പാ​ടു​കാ​ർ, സ്കൂ​ളു​ക​ൾ, കോ​ള​​ജു​ക​ൾ, ലൈ​ബ്ര​റി​ക​ൾ എ​ന്നി​വ​ക്ക്​ വി​ത​ര​ണം ചെ​യ്യാ​ൻ എ​ന്നു​പ​റ​ഞ്ഞാ​ണ്​ ഇ​ത്ര​യും പു​സ്ത​കം വാ​ങ്ങി​യ​ത്. ‘ഇ​ന്ത്യ​യു​ടെ സാ​മ്പ​ത്തി​ക വ​ള​ർ​ച്ച സം​ബ​ന്ധി​ച്ച് മി​ക​ച്ച വി​വ​ര​ങ്ങ​ളു​ള്ള അ​മൂ​ല്യ പു​സ്ത​കം’ എ​ന്നാ​ണ്​ ബാ​ങ്ക്​ ഇ​തി​നെ വി​ശേ​ഷി​പ്പി​ച്ച​ത്. രാ​ജ്യ​ത്തെ 18 സോ​ണ​ൽ ഓ​ഫി​സു​ക​ളി​ൽ പു​സ്ത​കം വി​ത​ര​ണ​ത്തി​ന് എ​ത്തി​ക്കു​ക​യും ചെ​യ്തു. ഇ​തി​നൊ​ന്നും ബാ​ങ്ക്​ ഡ​യ​റ​ക്ട​ർ​ ബോ​ർ​ഡി​ന്‍റെ അ​നു​മ​തി തേ​ടി​യി​രു​ന്നി​ല്ല.

യൂ​നി​യ​ൻ ബാ​ങ്കി​ലെ ജീ​വ​ന​ക്കാ​രു​ടെ സം​ഘ​ട​ന​ക​ളാ​ണ്​ പു​സ്ത​ക ഇ​ട​പാ​ട്​ പു​റ​ത്തു​​കൊ​ണ്ടു​വ​ന്ന​ത്. ആ​ൾ ഇ​ന്ത്യ യൂ​നി​യ​ൻ ബാ​ങ്ക്​ എം​പ്ലോ​യി​സ്​ ഫെ​ഡ​റേ​ഷ​ൻ പ​ര​സ്യ​മാ​യി ചോ​ദ്യം ചെ​യ്തു. ഈ ​ഇ​ട​പാ​ടി​ൽ ബാ​ങ്ക്​ എം.​ഡി​യും സി.​ഇ.​ഒ​യു​മാ​യ എ. ​മ​ണി​മേ​ഖ​ല​യു​ടെ പ​ങ്കു​ൾ​പ്പെ​ടെ അ​ന്വേ​ഷി​ക്ക​ണ​മെ​ന്നും അ​വ​ർ രാ​ജി​വെ​ക്കു​ക​യോ പു​റ​ത്താ​ക്കു​ക​യോ വേ​ണ​മെ​ന്നും ഫെ​ഡ​റേ​ഷ​ൻ കേ​ന്ദ്ര ധ​ന​മ​ന്ത്രി നി​ർ​മ​ല സീ​താ​രാ​മ​ന്​ ന​ൽ​കി​യ ക​ത്തി​ൽ ആ​വ​ശ്യ​പ്പെ​ട്ടു.