പ്രതികൾക്ക് പരമാവധി ശിക്ഷ കിട്ടണമെന്ന് ഉദയകുമാറിന്‍റെ അമ്മ

തിരുവനന്തപുരം: മകൻ ഉദയകുമാറിനെ ഉ​രു​ട്ടി​ക്കൊ​ലപ്പെടുത്തിയ കേസിൽ നീതി ലഭിക്കുമെന്ന് പ്രതീക്ഷിക്കുന്നതായി അമ്മ പ്രഭാവതി. നിയമം പറയുന്ന പരമാവധി ശിക്ഷ പ്രതികൾക്ക് കിട്ടണം. ഇനി ഒരാൾക്കും ഈ ഗതി വരരുത്. കോടതി പ്രതികളെ കുറ്റക്കാരായി കണ്ടെത്തിയതിൽ ഒരുപാട് സന്തോഷം. എന്നെ കൊല്ലാൻ വരെ ശ്രമമുണ്ടായി. നിയമപോരാട്ടത്തിൽ കൂടെ നിന്നവർക്ക് നന്ദിയുണ്ടെന്നും പ്രഭാവതി മാധ്യമങ്ങളോട് പറഞ്ഞു.