തേൻ ശേഖരിക്കുന്നതിനിടെ മരത്തിൽനിന്ന് വീണു മരിച്ചു

നിലമ്പൂർ: തേൻ ശേഖരിക്കുന്നതിനിടെ ആദിവാസി യുവാവ് മരത്തിൽ നിന്ന് വീണു മരിച്ചു. ചാലിയാർ പഞ്ചായത്തിലെ പ്ലാക്കൽ ചോല നഗറിലെ ഓമനയുടെ ഭർത്താവ് വേണുവാണ് (41) മരിച്ചത്.

ചൊവ്വാഴ്ച രാത്രി 10.30ഓടെ പന്തീരായിരം വനത്തിൽ വെച്ചാണ് സംഭവം. മരത്തിൽനിന്നും തേൻ എടുത്ത് ഇറങ്ങുന്നതിനിടെ വീഴുകയായിരുന്നു. മൃതദ്ദേഹം നിലമ്പൂർ ജില്ല ആശുപത്രി മോർച്ചറിയിൽ. ചുങ്കത്തറ സ്വദേശിയായ വേണു ഇപ്പോൾ പ്ലാക്കൽ ചോല നഗറിലാണ് താമസം.