ഇലഞ്ഞിച്ചോട്ടിൽ താളവിസ്മയം

തൃ​ശൂ​ർ: രൗ​​ദ്ര​താ​ള​ങ്ങ​ളു​ടെ ച​ടു​ല​ത​യി​ൽ ഇ​ല​ഞ്ഞി​ച്ചു​വ​ട്​ ഒ​രി​ക്ക​ൽ​കൂ​ടി ത്ര​സി​ച്ചു​നി​ന്നു. വി​ര​ൽ​ത്തു​മ്പു​ക​ളി​ൽ സ​ന്നി​വേ​ശി​ച്ച ആ​വേ​ശം ഏ​ക​താ​ള​ത്തി​ൽ മു​റു​കി​യ​ട​ഞ്ഞു. ര​ണ്ടു​വ​ർ​ഷ​മാ​യി മാ​റി​നി​ന്ന പൂ​രാ​വേ​ശ​ത്തെ ഇ​ല​ഞ്ഞി​മ​രം മാ​റോ​ടു​ചേ​ർ​ത്തു. ര​ണ്ട്​ മ​ണി​ക്കൂ​റി​ന്‍റെ മേ​ള​ത്തെ ഒ​ന്ന​ര മ​ണി​ക്കൂ​റി​ലൊ​തു​ക്കി ആ​വേ​ശ​ത്തെ ഇ​ര​ട്ടി​യാ​ക്കി മേ​ള​പ്ര​മാ​ണി പെ​രു​വ​നം കു​ട്ട​ൻ മാ​രാ​ർ 24ാം പ്ര​മാ​ണ്യം അ​വി​സ്മ​ര​ണീ​യ​മാ​ക്കി.

പൂ​ര​ച​രി​ത്ര​ത്തി​ൽ ഇ​ന്നു​വ​രെ ഇ​ത്ര​യും ജ​ന​ക്കൂ​ട്ട​ത്തെ ദ​ർ​ശി​ച്ചി​ട്ടി​ല്ല; ഇ​തു​പോ​ല​ത്തെ മേ​ള​വും. പാ​റ​മേ​ക്കാ​വി​ൽ​നി​ന്ന്​ പ​തി​വു​പോ​ലെ ചെ​മ്പ​ട​മേ​ളം തു​ട​ങ്ങു​മ്പോ​ൾ കി​ഴ​ക്കേ ഗോ​പു​ര​ന​ട​യി​ൽ മ​ഴ​ക്കാ​ർ മു​ട്ടി​നി​ന്നി​രു​ന്നു. പാ​ണ്ടി​യാ​യി വേ​ഷ​പ്പ​ക​ർ​ച്ച ചെ​യ്യു​ന്ന​തി​നു​മു​മ്പ്​ കൊ​മ്പും കു​ഴ​ലും ചെ​ണ്ട​യും ഒ​ന്നി​ച്ച​ 'കൊ​ലു​മ്പ​ലി'​ന്‍റെ അ​രി​കു​പ​റ്റി പാ​റ​മേ​ക്കാ​വി​ൽ​നി​ന്ന്​ മേ​ളം പു​റ​പ്പെ​ടു​മ്പോ​ഴേ​ക്കും പൂ​ര​പ്പ​റ​മ്പ്​ ജ​ന​സാ​ഗ​ര​മാ​യി​രു​ന്നു. ജ​ന​ത്തെ വ​ക​ഞ്ഞു​മാ​റ്റി മേ​ളം ഇ​ല​ഞ്ഞി​ച്ചോ​ട്ടി​ലെ​ത്തു​മ്പോ​ൾ സ​മ​യം 2.50.

മേ​ള​നി​ര​യി​ൽ പെ​രു​വ​നം സ​തീ​ശ​നും തി​രു​വ​ല്ല രാ​ധാ​കൃ​ഷ്ണ​നും പെ​രു​വ​നം കു​ട്ട​ൻ മാ​രാ​ർ​ക്ക്​ ഇ​രു​വ​ശ​വു​മാ​യി നി​ന്നു. ഇ​ട​ത്​ ഭാ​ഗ​ത്ത്​ 14ാമ​നാ​യി മ​ക​ൻ കാ​ർ​ത്തി​ക്. ഇ​ല​ത്താ​ള​ത്തി​ൽ ചേ​ർ​പ്പ്‌ ന​ന്ദ​ന​ൻ, കു​റു​ങ്കു​ഴ​ൽ കി​ഴൂ​ട്ട്‌ ന​ന്ദ​ൻ, വീ​ക്കം പെ​രു​വ​നം ഗോ​പാ​ല​കൃ​ഷ്ണ​ൻ, കൊ​മ്പ്‌ മ​ച്ചാ​ട്‌ രാ​മ​ച​ന്ദ്ര​ൻ എ​ന്നി​വ​രും പ്ര​മാ​ണി​മാ​രാ​യി. വി​ളം​ബ​കാ​ല​ത്തി​ൽ​നി​ന്ന്​ തു​റ​ന്നു​പി​ടി​ച്ച കാ​ല​വും എ​ടു​ത്തു​ക​ലാ​ശ​വും ക​ട​ന്ന്​ പ​തി​വി​ൽ വേ​ഗം 'ത​കൃ​ത​കൃ​ത'​യു​ടെ ആ​വേ​ഗ​ത്തി​ലേ​ക്ക്​ മേ​ള​ത്തെ പെ​രു​വ​നം എ​ത്തി​ച്ച​പ്പോ​ൾ ആ​സ്വാ​ദ​ക​ർ ആ​ർ​പ്പു​വി​ളി​ച്ചു. 14 അ​ക്ഷ​ര​കാ​ല​ത്തി​ൽ തു​ട​ങ്ങി ഏ​ഴ്​ അ​ക്ഷ​ര​കാ​ല​ത്തി​ലേ​ക്ക്​ ചു​രു​ക്കി മു​ട്ടി​ന്മേ​ലി​രു​ത്തി​യ​പ്പോ​ഴും പി​റ​ന്ന​ത്​ 24 ക​ലാ​ശം. കാ​ല​ഭേ​ദ​ങ്ങ​ൾ ഉ​രു​ട്ടു​ചെ​ണ്ട​യി​ൽ പ​തി​ഞ്ഞും ക​ന​ത്തും വി​സ്മ​യം തീ​ർ​ത്തു. ഉ​രു​ട്ട്, വീ​ക്ക​ൻ ചെ​ണ്ട​ക​ളി​ൽ കാ​ലം മാ​റി​മാ​റി വ​ന്നു. കു​റു​ങ്കു​ഴ​ലി​ൽ വാ​ദ്യ​പ്പെ​രു​മ​ഴ. ഒ​ടു​വി​ൽ കു​ഴ മ​റി​ഞ്ഞ കാ​ലം. കൂ​ട്ടി​ത്ത​ട്ടി​ൽ അ​തി​ദ്രു​തം ചി​ത​റി വീ​ണ മേ​ള​​ക്കൈ​ക​ളി​ൽ ആ​വേ​ശം തി​ര​യ​ടി​ച്ച​ട​ങ്ങി. പെ​രു​വ​നം അ​വി​ടെ​യും ക​രു​തി​വെ​ച്ച​ത്​ 24 ക​ലാ​ശ​മാ​യി​രു​ന്നു. പാ​ണ്ടി​യു​ടെ നാ​ദ​ല​ഹ​രി​ക്കാ​യി തി​ര​യ​ടി​​ച്ചെ​ത്തി​യ പു​രു​ഷാ​രം ആ​ഹ്ലാ​ദ​പ്പെ​രു​മ​ഴ​യി​ലാ​യി. സ​മ​യം 4.34. കൊ​മ്പും കു​റു​ങ്കു​ഴ​ലും ക​ലാ​ശ​ത്തി​ന്​ മു​മ്പ്​ മേ​ള​മൊ​ന്നു താ​ഴ്ന്നു. പി​ന്നെ മേ​ളം മു​റു​കി. പെ​രു​വ​നം കൈ​യു​യ​ർ​ത്തി. തൊ​ട്ട​ടു​ത്ത നി​മി​ഷം നി​ശ്ശ​ബ്ദം. ഒ​രു മ​ഴ പെ​യ്തു​തോ​ർ​ന്ന ക​ണ​ക്കെ മേ​ള​പ്പ​ന്ത​ൽ. ഒ​ന്ന​ര മ​ണി​ക്കൂ​ർ നി​മി​ഷം​പോ​ലെ ഒ​ടു​ങ്ങി​ത്തീ​ർ​ന്നു. പെ​രു​വ​നം ചെ​​ണ്ട​ക്കോ​ലി​ൽ കൂ​ട്ടി​ത്തൊ​ഴു​ത​ശേ​ഷം ഒ​ന്ന്​ ചി​രി​ച്ചു.