തെന്നല ബാ​ല​കൃ​ഷ്ണ​പി​ള്ള: കോൺഗ്രസിന്റെ സൂര്യതേജസ്

മു​ൻ കെ.​പി.​സി.​സി അ​ധ്യ​ക്ഷ​നും രാ​ജ്യ​സ​ഭ അം​ഗ​വു​മാ​യി​രു​ന്ന തെ​ന്ന​ല ബാ​ല​കൃ​ഷ്ണ​പി​ള്ള സാ​റി​ന്റെ വി​യോ​ഗം വ്യ​ക്തി​പ​ര​മാ​യി എ​നി​ക്ക് അ​ങ്ങേ​യ​റ്റം ദുഃ​ഖ​വും നി​ക​ത്താ​നാ​വാ​ത്ത ന​ഷ്ട​വും ഉ​ണ്ടാ​ക്കു​ന്ന​താ​ണ്. ആ​ദ​ർ​ശ​ധീ​ര​നാ​യ സം​ശു​ദ്ധ രാ​ഷ്ട്രീ​യ​ത്തി​നു​ട​മ​യാ​യ അ​ദ്ദേ​ഹ​ത്തി​ന്റെ വി​യോ​ഗം കോ​ൺ​ഗ്ര​സ് പ്ര​സ്ഥാ​ന​ത്തി​ന്റെ തീ​രാ​ന​ഷ്ട​മാ​ണ്. കോ​ൺ​ഗ്ര​സി​ന്റെ സൗ​മ്യ​മു​ഖ​മാ​യ അ​ദ്ദേ​ഹം എ​ല്ലാ കാ​ല​വും എ​ല്ലാ​വ​രെ​യും ഒ​രു​പോ​ലെ ചേ​ർ​ത്തു​നി​ർ​ത്തി​യി​ട്ടു​ണ്ട്. ക​മ്യൂ​ണി​സ്റ്റ് പാ​ർ​ട്ടി​യു​ടെ ഈ​റ്റി​ല്ല​മാ​യ കു​ന്ന​ത്തൂ​ർ ശൂ​ര​നാ​ട് നി​ന്നും കോ​ൺ​ഗ്ര​സ് പാ​ർ​ട്ടി​യു​ടെ മ​ണ്ഡ​ലം പ്ര​സി​ഡ​ന്റ്, ബ്ലോ​ക്ക് പ്ര​സി​ഡ​ന്റ്, ജി​ല്ല കോ​ൺ​ഗ്ര​സ് ക​മ്മി​റ്റി​യു​ടെ അ​ധ്യ​ക്ഷ​ൻ എ​ന്നീ നി​ല​ക​ളി​ൽ പ്ര​വ​ർ​ത്തി​ച്ച് കേ​ര​ള​ത്തി​ലെ കോ​ൺ​ഗ്ര​സ് പാ​ർ​ട്ടി​യെ ര​ണ്ടു​ത​വ​ണ ന​യി​ച്ച രാ​ഷ്ട്രീ​യ നേ​താ​വാ​യി​രു​ന്നു അ​ദ്ദേ​ഹം. അ​ദ്ദേ​ഹ​ത്തി​ന്റെ ക​രു​ത്തു​റ്റ നേ​തൃ​ത്വ​മാ​ണ് പി​ൽ​ക്കാ​ല​ത്ത് കു​ന്ന​ത്തൂ​രി​ൽ കോ​ൺ​ഗ്ര​സി​ന് പ​ല പ​ഞ്ചാ​യ​ത്തു​ക​ളും എം.​എ​ൽ.​എ​യും എം.​പി​യു​മൊ​ക്കെ ല​ഭി​ക്കാ​ൻ കാ​ര​ണ​മാ​യ​ത്.

1989ൽ ​ആ​ദ്യ​മാ​യി ഞാ​ൻ അ​ടൂ​ർ പാ​ർ​ല​മെ​ന്റ് മ​ണ്ഡ​ല​ത്തി​ൽ മ​ത്സ​രി​ച്ച​പ്പോ​ൾ തെ​ന്ന​ല ബാ​ല​കൃ​ഷ്ണ​പി​ള്ള സാ​റാ​യി​രു​ന്നു എ​ന്റെ തെ​ര​ഞ്ഞെ​ടു​പ്പ് ക​മ്മി​റ്റി​യു​ടെ ചെ​യ​ർ​മാ​ൻ. തു​ട​ർ​ന്ന് അ​ടൂ​രി​ലും മാ​വേ​ലി​ക്ക​ര​യി​ലും ഞാ​ൻ മ​ത്സ​രി​ച്ച​പ്പോ​ഴും തെ​ര​ഞ്ഞെ​ടു​പ്പു​ക​ൾ​ക്ക് അ​ദ്ദേ​ഹം നേ​തൃ​ത്വം ന​ൽ​കി. അ​ദ്ദേ​ഹം എ​ന്നോ​ട് കാ​ണി​ച്ചി​ട്ടു​ള്ള ക​രു​ണ​യും വാ​ത്സ​ല്യ​വും ഒ​രി​ക്ക​ലും മ​റ​ക്കാ​ൻ ക​ഴി​യി​ല്ല. ര​ണ്ടു​ത​വ​ണ അ​ടൂ​രി​ൽ നി​ന്നും നി​യ​മ​സ​ഭ സാ​മാ​ജി​ക​നാ​യ അ​ദ്ദേ​ഹ​ത്തി​ന്റെ പ്ര​വ​ർ​ത്ത​ന മി​ക​വ് സോ​ണി​യ ഗാ​ന്ധി അ​ട​ക്ക​മു​ള്ള​വ​ർ അം​ഗീ​ക​രി​ച്ചി​ട്ടു​ള്ള​താ​ണ്. പ്ര​വ​ർ​ത്ത​ന​മി​ക​വി​നു​ള്ള അം​ഗീ​കാ​ര​മാ​യി പാ​ർ​ട്ടി മൂ​ന്ന് ത​വ​ണ തെ​ന്ന​ല ബാ​ല​കൃ​ഷ്ണ​പി​ള്ള സാ​റി​നെ രാ​ജ്യ​സ​ഭ​യി​ലെ​ത്തി​ച്ചു.

അ​ദ്ദേ​ഹം കെ.​പി.​സി.​സി പ്ര​സി​ഡ​ന്റാ​യി ആ​ദ്യ​ത​വ​ണ വ​ന്ന​പ്പോ​ൾ അ​ദ്ദേ​ഹ​ത്തോ​ടൊ​പ്പം സെ​ക്ര​ട്ട​റി​യാ​യും ര​ണ്ടാം​ത​വ​ണ മൂ​ന്ന് പേ​രി​ൽ ജ​ന​റ​ൽ സെ​ക്ര​ട്ട​റി​യാ​യും പ്ര​വ​ർ​ത്തി​ക്കു​വാ​നു​ള്ള അ​വ​സ​രം എ​നി​ക്ക് ല​ഭി​ച്ചു. അ​ദ്ദേ​ഹ​ത്തി​ന്റെ നേ​തൃ​ത്വ​ത്തി​ൽ എ​ല്ലാ ജി​ല്ല​ക​ളി​ലും സം​ഘ​ട​ന പ്ര​വ​ർ​ത്ത​ന​ത്തി​ന് എ​ന്നെ നി​യോ​ഗി​ച്ചു. പ്ര​സി​ഡ​ന്റ് ആ​യി​രി​ക്കെ പാ​ർ​ട്ടി​ക്കാ​യി അ​ദ്ദേ​ഹം ന​ട​ത്തി​യി​ട്ടു​ള്ള ത്യാ​ഗ​ങ്ങ​ൾ ഒ​രി​ക്ക​ലും വി​സ്മ​രി​ക്കാ​ൻ ക​ഴി​യാ​ത്ത​വ​യാ​ണ്. ഒ​രി​ക്ക​ലും ഒ​രു​പ​ക്ഷ​ത്തി​ന്റെ​യും വ​ക്താ​വാ​യി നി​ൽ​ക്കാ​തെ എ​ല്ലാ​വ​രെ​യും ചേ​ർ​ത്തു​നി​ർ​ത്തി​യു​ള്ള പ്ര​വ​ർ​ത്ത​ന​മാ​ണ് അ​ദ്ദേ​ഹം കാ​ഴ്ച​വെ​ച്ചി​ട്ടു​ള്ള​ത്. കോ​ൺ​ഗ്ര​സ് പാ​ർ​ട്ടി​യു​ടെ സൂ​ര്യ​തേ​ജ​സ്സാ​യ അ​ദ്ദേ​ഹ​ത്തി​ന്റെ വി​യോ​ഗം വ​ലി​യ ശൂ​ന്യ​ത​യാ​ണ് കോ​ൺ​ഗ്ര​സ് പാ​ർ​ട്ടി​ക്കും ജ​നാ​ധി​പ​ത്യ മ​തേ​ത​ര പ്ര​സ്ഥാ​ന​ങ്ങ​ൾ​ക്കും സൃ​ഷ്ടി​ച്ചി​രി​ക്കു​ന്ന​ത്.

മൂല്യങ്ങളുടെ മൂര്‍ത്തരൂപം –രാഹുൽ ഗാന്ധി

ന്യൂ​ഡ​ൽ​ഹി: കോ​ണ്‍ഗ്ര​സ് പാ​ര്‍ട്ടി​യു​ടെ അ​ടി​സ്ഥാ​ന​മൂ​ല്യ​ങ്ങ​ളു​ടെ മൂ​ര്‍ത്ത​രൂ​പ​മാ​യി​രു​ന്നു തെ​ന്ന​ല ബാ​ല​കൃ​ഷ്ണ പി​ള്ള​യെ​ന്ന് പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി അ​നു​ശോ​ചി​ച്ചു. കെ.​പി.​സി.​സി മു​ൻ പ്ര​സി​ഡ​ന്റ് എ​ന്ന നി​ല​യി​ല്‍ അ​ദ്ദേ​ഹ​ത്തി​ന്റെ ശാ​ന്ത​മാ​യ ക​രു​ത്ത്, സം​ഘ​ട​ന വൈ​ഭ​വം, പൊ​തു​സേ​വ​ന​ത്തോ​ടു​ള്ള അ​ച​ഞ്ച​ല​മാ​യ സ​മ​ര്‍പ്പ​ണം എ​ന്നി​വ ത​ല​മു​റ​ക​ളി​ലു​ട​നീ​ളം ആ​ഴ​മാ​യ ആ​ദ​ര​വ് നേ​ടി​ക്കൊ​ടു​ത്തു​വെ​ന്നും മ​ര​ണ​ത്തി​ല്‍ ഹൃ​ദ​യം​ഗ​മ​മാ​യ അ​നു​ശോ​ച​നം രേ​ഖ​പ്പെ​ടു​ത്തു​ന്നു​വെ​ന്നും രാ​ഹു​ല്‍ ഗാ​ന്ധി എ​ക്‌​സി​ല്‍ കു​റി​ച്ചു.

തെന്നല സ​ർ​വാ​ദ​ര​ണീ​യ​ൻ -പിണറായി

തിരുവനന്തപുരം: സ​ർ​വാ​ദ​ര​ണീ​യ​നും മാ​ന്യ​നു​മാ​യ രാ​ഷ്ട്രീ​യ നേ​താ​വി​നെ​യാ​ണ് തെ​ന്ന​ല ബാ​ല​കൃ​ഷ്ണ​പി​ള്ള​യു​ടെ വി​യോ​ഗ​ത്തി​ലൂ​ടെ ന​ഷ്ട​മാ​യതെന്ന് മുഖ്യമന്ത്രി പിണറായി വിജയൻ പറഞ്ഞു. വാ​ർ​ഡ് പ്ര​സി​ഡ​ന്‍റ്​ മു​ത​ൽ കെ.​പി.​സി.​സി പ്ര​സി​ഡ​ന്‍റ്​ വ​രെ​യു​ള്ള ചു​മ​ത​ല​ക​ൾ നി​ർ​വ​ഹി​ച്ച അ​ദ്ദേ​ഹം ആ ​പ​രി​ച​യ​സ​മ്പ​ത്ത് വാ​ക്കി​ലും പ്ര​വൃ​ത്തി​യി​ലും കാ​ത്തു​സൂ​ക്ഷി​ച്ചി​രു​ന്നു. അ​ധി​കാ​ര​വും, അ​ധി​കാ​ര​മി​ല്ലാ​യ്മ​യും ഒ​രു പോ​ലെ​യെ​ന്ന് ക​ണ്ട രാ​ഷ്ട്രീ​യ ജീ​വി​ത​ത്തി​നു​ട​മാ​യാ​ണ്. സ്വ​ന്തം പാ​ർ​ട്ടി​യി​ലെ ത​ർ​ക്ക​ങ്ങ​ളി​ൽ എ​ല്ലാ പ​ക്ഷ​ത്തി​നും സ്വീ​കാ​ര്യ​നാ​യി​രു​ന്ന നേ​താ​വ് എ​ന്ന​താ​ണ് തെ​ന്ന​ല​ക്ക്​ ന​ൽ​ക​പ്പെ​ട്ടി​രു​ന്ന വി​ശേ​ഷ​ണം. വി​ഷ​യ​ങ്ങ​ളോ​ട് അ​ദ്ദേ​ഹം കാ​ണി​ച്ച പ​ക്ഷ​പാ​ത​ര​ഹി​ത​വും വ​സ്തു​നി​ഷ്ഠ​വു​മാ​യ നി​ല​പാ​ടാ​ണ് അ​ത്ത​രം ഒ​രു വി​ശേ​ഷ​ണ​ത്തി​ന് അ​ർ​ഹ​നാ​ക്കി​യ​ത്.

സ​ഹ​കാ​രി എ​ന്ന നി​ല​യി​ൽ കേ​ര​ള​ത്തി​ന്‍റെ സ​ഹ​ക​ര​ണ മേ​ഖ​ല ശ​ക്തി​പ്പെ​ടു​ത്തു​ന്ന​തി​നും അ​ദ്ദേ​ഹ​ത്തി​ന്‍റെ സം​ഭാ​വ​ന ഗ​ണ്യ​മാ​ണ്. വ്യ​ക്തി താ​ൽ​പ​ര്യ​ങ്ങ​ൾ​ക്ക​തീ​ത​മാ​യി പൊ​തു താ​ൽ​പ​ര്യ​ങ്ങ​ളെ ഉ​യ​ർ​ത്തി​പ്പി​ടി​ക്കു​ന്ന സ​വി​ശേ​ഷ​മാ​യ രാ​ഷ്ട്രീ​യ പൈ​തൃ​ക​മാ​ണ് അ​ദ്ദേ​ഹം ബാ​ക്കി​വെ​ക്കു​ന്ന​ത്. സൗ​മ്യ​വും ശു​ദ്ധ​വും തെ​ളി​മ​യു​റ്റ​തു​മാ​യ രാ​ഷ്ട്രീ​യ ജീ​വി​ത​മാ​ണ് അ​ദ്ദേ​ഹം ന​യി​ച്ച​ത്.

നീ​തി​യു​ടെ​ പ​ക്ഷ​ത്ത് നി​ല​യു​റ​പ്പി​ച്ചയാൾ -വേ​ണു​ഗോ​പാ​ല്‍

തിരുവനന്തപുരം: ന്യാ​യ​മാ​യ കാ​ര്യ​ങ്ങ​ളി​ല്‍ നീ​തി​യു​ടെ​യും ശ​രി​യു​ടെ​യും പ​ക്ഷ​ത്ത് നി​ല​യു​റ​പ്പി​ച്ച തെ​ന്ന​ല ബാ​ല​കൃ​ഷ്ണ​പി​ള്ള പാ​ര്‍ട്ടി​യു​ടെ ച​ട്ട​ക്കൂ​ടി​ല്‍നി​ന്ന് മാ​ത്രം പ്ര​വ​ര്‍ത്തി​ച്ച നേ​താ​വാ​ണെന്ന് ​എ.ഐ.സി.സി ജനറൽ സെക്രട്ടറി കെ.സി.വേണുഗോപാൽ പറഞ്ഞു. മി​ക​ച്ച പാ​ര്‍ല​മെ​ന്‍റേ​റി​യ​നാ​യ അ​ദ്ദേ​ഹം ഒ​രി​ക്ക​ലും പ​ദ​വി​ക​ള്‍ക്കാ​യി നി​ല​പാ​ടു​ക​ളെ​ ബ​ലി​കൊ​ടു​ത്തി​ല്ല. ഇ​ന്ത്യ​ന്‍ നാ​ഷ​ന​ല്‍ കോ​ണ്‍ഗ്ര​സി​ന് വേ​ണ്ടി പ്രാ​ദേ​ശി​ക രാ​ഷ്ട്രീ​യ​ത്തി​ലേ​ക്കി​റ​ങ്ങു​മ്പോ​ള്‍ അ​ന്ന് 17 ഏ​ക്ക​റി​ന്റെ ഭൂ​സ്വ​ത്താ​യി​രു​ന്നു തെ​ന്ന​ല​യു​ടെ കൈ​ക​ളി​ലു​ണ്ടാ​യി​രു​ന്ന​ത്.

എ​ന്നാ​ല്‍ പ​തി​റ്റാ​ണ്ടു​ക​ള്‍ക്കി​പ്പു​റം വി​ശ്ര​മ ജീ​വി​ത​ത്തി​ലേ​ക്ക് പോ​യ​പ്പോ​ള്‍ അ​ദ്ദേ​ഹ​ത്തി​ന്റെ കൈ​യി​ലു​ണ്ടാ​യി​രു​ന്ന​ത് 11 സെ​ന്റ് ഭൂ​മി മാ​ത്രം. ജീ​വ​നും ജീ​വി​ത​വും പ്ര​സ്ഥാ​ന​ത്തി​നു​വേ​ണ്ടി എ​ന്ന​തി​ല്‍ക​വി​ഞ്ഞു​ള്ള ആ​ശ​ങ്ക​ക​ളോ നേ​ട്ട​ങ്ങ​ളോ അ​ദ്ദേ​ഹം ആ​ഗ്ര​ഹി​ച്ചി​രു​ന്നി​ല്ല. എ​ല്ലാം പ്ര​സ്ഥാ​ന​ത്തി​ന് സ​മ​ര്‍പ്പി​ക്കു​മ്പോ​ള്‍, അ​ദ്ദേ​ഹം അ​ത്ര​ത്തോ​ളം സ​ന്തോ​ഷ​വാ​നാ​യി​രു​ന്നു​വെ​ന്ന് ഉ​റ​പ്പു​ണ്ട്. ഇ​ങ്ങ​നെ, അ​വ​കാ​ശ​വാ​ദ​ങ്ങ​ള്‍ ഉ​ന്ന​യി​ക്കാ​തെ ആ​യു​ഷ്‌​ക്കാ​ലം മു​ഴു​വ​ന്‍ ഒ​രു കോ​ണ്‍ഗ്ര​സു​കാ​ര​നാ​യി​രി​ക്കു​മെ​ന്നും ആ​രോ​ഗ്യ​മു​ള്ളി​ട​ത്തോ​ളം കാ​ലം പാ​ര്‍ട്ടി​ക്ക് വേ​ണ്ടി പ്ര​വ​ര്‍ത്തി​ക്കു​മെ​ന്നും ജീ​വി​തം കൊ​ണ്ട് കാ​ണി​ച്ചു​ത​ന്ന നേ​താ​വാ​യി​രു​ന്നു തെ​ന്ന​ല.

ഗാന്ധിദർശൻവേദി അനുശോചിച്ചു

കൊ​ച്ചി: തെ​ന്ന​ല ബാ​ല​കൃ​ഷ്ണ​പി​ള്ള​യു​ടെ വേ​ർ​പാ​ടി​ൽ ഗാന്ധിദർശൻവേദി സം​സ്ഥാ​ന ക​മ്മി​റ്റി ദുഃ​ഖം രേ​ഖ​പ്പെ​ടു​ത്തി. അ​ണ​മു​റി​യാ​ത്ത ആ​ദ​ർ​ശം ജീ​വി​ത​ത്തി​ൽ ഉ​ട​നീ​ളം പു​ല​ർ​ത്തി​യ നേ​താ​വാ​യി​രു​ന്നു തെ​ന്ന​ല​യെ​ന്ന് അ​വ​ർ അ​നു​ശോ​ച​ന സ​ന്ദേ​ശ​ത്തി​ൽ പ​റ​ഞ്ഞു. അ​ഴി​മ​തി​യു​ടെ ക​റ പു​ര​ളാ​ത്ത രാ​ഷ്ട്രീ​യ ജീ​വി​ത​ത്തി​നു​ട​മ​യാ​യി​രു​ന്ന അ​ദ്ദേ​ഹ​ത്തി​ന്‍റെ നേ​തൃ​ത്വ​ത്തി​ലാ​ണ് ഡോ. ​എം.​സി. ദി​ലീ​പ് കു​മാ​ർ ചെ​യ​ർ​മാ​നാ​യി ഗാ​ന്ധി​ദ​ർ​ശ​ൻ വേ​ദി രൂ​പ​വ​ത്ക​രി​ച്ച​ത്. എ​ല്ലാ ജി​ല്ല​ക​ളി​ലും അ​നു​സ്മ​ര​ണം സം​ഘ​ടി​പ്പി​ക്കാ​ൻ തീ​രു​മാ​നി​ച്ച​താ​യി ചെ​യ​ർ​മാ​ൻ ഡോ. ​എം.​സി. ദി​ലീ​പ് കു​മാ​ർ, ജ​ന. സെ​ക്ര​ട്ട​റി ഡോ. ​അ​ജി​ത​ൻ മേ​നോ​ത്ത് എ​ന്നി​വ​ർ അ​റി​യി​ച്ചു.