നേമത്ത് ബി.ജെ.പിയെ ജയിപ്പിക്കാൻ സി.പി.എം ശ്രമമെന്ന് കെ. മുരളീധരൻ

തിരുവനന്തപുരം: നേമം മണ്ഡലത്തിൽ ബി.ജെ.പിയെ ജയിപ്പിക്കാൻ സി.പി.എം ശ്രമം നടക്കുന്നുവെന്ന് യു.ഡി.എഫ് സ്ഥാനാർഥി കെ. മുരളീധരൻ എം.പി. എല്ലാത്തിനെയും അതിജീവിച്ച് യു.ഡി.എഫ് വിജയിക്കും. മതേതര വോട്ടുകളാണ് യു.ഡി.എഫ് വിജയിപ്പിക്കുകയെന്നും മുരളീധരൻ പറഞ്ഞു.

തെരഞ്ഞെടുപ്പ് പ്രചാരണം ചൂടുപിടിക്കവെ കള്ളവോട്ട് ആരോപണങ്ങളും വിവാദങ്ങളും കളം നിറയുകയാണ്. നേമത്ത് ഏഴായിരത്തിലധികം കള്ളവോട്ടുകളുണ്ടെന്നും മുരളീധരൻ ചൂണ്ടിക്കാട്ടി.

തലശ്ശേരിയിൽ ബി.ജെ.പിയും സി.പി.എമ്മും തമ്മിൽ വോട്ടിന് കരാർ ആയികഴിഞ്ഞെന്നും മുരളീധരൻ മാധ്യമങ്ങളോട് പറഞ്ഞു.