അതാ വരുന്നു പൾസർ 220, വെള്ളത്തിനടിയിൽനിന്ന്; പ്ര​ള​യം ക​വ​ര്‍ന്ന ബൈ​ക്ക്​ 563ാം ദി​വ​സം ‘ഉ​യി​ർ​ത്തെ​ഴു​ന്നേ​റ്റു’

കൂ​ട്ടി​ക്ക​ല്‍ (കോട്ടയം): പ്ര​ള​യം ക​വ​ര്‍ന്ന ഇ​രു​ച​ക്ര​വാ​ഹ​നം 563ാം ദി​വ​സം മ​ണ്ണി​ന​ടി​യി​ല്‍നി​ന്ന്​ ‘ഉ​യി​ർ​ത്തെ​ഴു​ന്നേ​റ്റ’തിന്‍റെ ആശ്ചര്യത്തിലാണ് ക​ള​പ്പു​ര​ക്ക​ല്‍ സു​രേ​ഷും കു​ടും​ബ​വും. 2021 ന​വം​ബ​ര്‍ 16ന്​ ​കൂ​ട്ടി​ക്ക​ല്‍ -കൊ​ക്ക​യാ​ര്‍ മേ​ഖ​ല​യെ പൂ​ര്‍ണ​മാ​യി ക​വ​ര്‍ന്ന ഉ​രു​ള്‍പൊ​ട്ട​ലി​ലാ​ണ്​ സു​രേ​ഷി​ന്‍റെ ബൈ​ക്ക്​ ന​ഷ്ട​പ്പെ​ട്ട​ത്. അ​റ്റ​കു​റ്റ​പ്പ​ണി ന​ട​ത്തു​ന്ന​തി​നാ​യി കൂ​ട്ടി​ക്ക​ലി​ലെ വ​ര്‍ക്​​ഷോ​പ്പി​ല്‍ ന​ൽ​കി​യ​താ​യി​രു​ന്നു ബൈ​ക്ക്.

ഇ​തി​നി​ടെ​യു​ണ്ടാ​യ പ്ര​ള​യ​ത്തി​ൽ പു​ല്ല​ക​യാ​ര്‍ ക​വി​ഞ്ഞൊ​ഴു​കി​യ​തോ​ടെ വ​ർ​ക്​​ഷോ​പ്പി​ലെ ബൈ​ക്കു​ക​ളെ​ല്ലാം വെ​ള്ള​പ്പാ​ച്ചി​ലി​ൽ​പ്പെ​ട്ടു. വെ​ള്ളം കു​റ​ഞ്ഞ​പ്പോ​ള്‍ തി​ര​ച്ചി​ല്‍ ന​ട​ത്തി​യെ​ങ്കി​ലും ക​ണ്ടെ​ത്തി​യി​ല്ല.

നാ​ട്ടി​ല്‍നി​ന്ന്​ ഒ​ഴു​കി​പ്പോ​യ വി​ല​പി​ടി​പ്പു​ള്ള മി​ക്ക സാ​ധ​ന​ങ്ങ​ളും പിന്നീട് പ​ല​ര്‍ക്കും ല​ഭി​ച്ച​ത് ആ​ല​പ്പു​ഴ​യി​ല്‍നി​ന്നാ​ണ്. അ​തി​നാ​ല്‍ ത​ന്‍റെ ബൈ​ക്കും അ​ങ്ങ​നെ പോ​യി​ട്ടു​ണ്ടാ​വു​മെ​ന്നും തി​രി​കെ​ക്കി​ട്ടാ​ന്‍ സാ​ധ്യ​ത​യി​ല്ലെ​ന്നു​മാ​ണ് സു​രേ​ഷും കു​ടും​ബ​വും ക​രു​തി​യി​രു​ന്ന​ത്. എ​ന്നാ​ൽ, ചൊ​വ്വാ​ഴ്ച കൂ​ട്ടി​ക്ക​ല്‍ ടൗ​ണി​ന് സ​മീ​പം പു​ല്ല​ക​യാ​റ്റി​ല്‍ വെ​ള്ള​ത്തി​ന​ടി​യി​ല്‍ പ്ലാ​സ്റ്റി​ക്കെ​ന്ന്​ തോ​ന്നി​ക്കു​ന്ന വ​സ്തു സ​മീ​പ​വാ​സി​ക​ളാ​യ മ​ജീ​ദി​ന്‍റെ​യും രാ​ജു​വി​ന്‍റെ​യും ശ്ര​ദ്ധ​യി​ല്‍പ്പെ​ട്ടു. ഇ​തോ​ടെ ര​ണ്ടു​പേ​രും ചേ​ര്‍ന്ന് മ​ണ്ണ് മാ​റ്റി.

അ​ര​ക്കൊ​പ്പം ആ​ഴ​ത്തി​ൽ മ​ണ​ല്‍മാ​റ്റി ചെ​ന്ന​പ്പോ​ഴാ​ണ്​ അ​ത്​ ബൈ​ക്കാ​ണെ​ന്ന് മ​ന​സ്സി​ലാ​യ​ത്. പി​ന്നീ​ട് ഏ​റെ​നേ​ര​ത്തെ പ​രി​ശ്ര​മ​ത്തി​നു​ശേ​ഷം പു​റ​ത്തെ​ടു​ത്തു. വ​ലി​യ കേ​ടു​പാ​ട് സം​ഭ​വി​ക്കാ​ത്ത​തി​നാ​ല്‍ ഉ​ട​ന്‍ത​ന്നെ ഉ​ട​മ​സ്ഥ​നെ അ​ന്വേ​ഷി​ച്ചു.

വി​വ​ര​മ​റി​ഞ്ഞ്​ സു​രേ​ഷും എ​ത്തി. ഒ​ന്ന​ര​വ​ര്‍ഷം മു​മ്പ് ന​ഷ്ട​പ്പെ​ട്ട ത​ന്‍റെ പ​ള്‍സ​ര്‍ 220 ബൈ​ക്കാ​ണ്​ ഇ​തെ​ന്ന്​ സു​രേ​ഷ്​ തി​രി​ച്ച​റി​ഞ്ഞു. കൊ​ക്ക​യാ​ര്‍ പ​ഞ്ചാ​യ​ത്ത് ഓ​ഫി​സി​നു​മു​ന്നി​ല്‍ ചാ​യ​ക്ക​ട ന​ട​ത്തു​ക​യാ​ണ്​ സു​രേ​ഷ്.