ആദിവാസി യുവാവിനെ നഗ്നനാക്കി കെട്ടിയിട്ട് മർദിച്ച പ്രതികൾ പിടിയിൽ; പിടിയിലായത് കോയമ്പത്തൂരിൽ നിന്ന്

അ​ഗ​ളി: അട്ടപ്പാടിയിൽ ആദിവാസി യുവാവിനെ വൈദ്യുതി തൂണിൽ കെട്ടിയിട്ട് മർദിച്ച പ്രതികൾ പിടിയിൽ. ഇന്ന് പുലർച്ചെ കോയമ്പത്തൂരിൽ നിന്നാണ് പ്രതികളെ കസ്റ്റഡിയിൽ എടുത്തത്. അറസ്റ്റ് രേഖപ്പെടുത്തിയ ശേഷം കുടുതൽ വിവരങ്ങൾ പുറത്തുവിടുമെന്ന് അഗളി ഡിവൈ.എസ്.പി അറിയിച്ചു.

മെ​യ് 24ന് അ​ട്ട​പ്പാ​ടി ഗൂ​ളി​ക്ക​ട​വ് - ചി​റ്റൂ​ർ റോ​ഡി​ലാ​ണ് ​ആ​ദി​വാ​സി യു​വാ​വി​നെ വൈ​ദ്യു​തി തൂ​ണി​ൽ കെ​ട്ടി​യി​ട്ട് മ​ർ​ദി​ച്ചത്. അ​ഗ​ളി ചി​റ്റൂ​ർ ഉ​ഷ​ത്ത് ഭ​വ​നി​ൽ വേ​ണു​വി​ന്റെ മ​ക​ൻ സി​ജു(19)​വി​നാ​ണ് മ​ർ​ദ​ന​മേ​റ്റ​ത്. മ​ദ്യ​ല​ഹ​രി​യി​ലാ​യ സി​ജു ക​ല്ലെ​റി​ഞ്ഞ് വാ​ഹ​നം ത​ക​ർ​ത്ത​തി​നെ തു​ട​ർ​ന്നാ​ണ് പാ​ൽ ക​ല​ക്ഷ​ൻ വാ​ഹ​ന​ത്തി​ൽ വ​ന്ന ചി​ല​രും നാ​ട്ടു​കാ​രും ചേ​ർ​ന്ന് കെ​ട്ടി​യി​ട്ട് മ​ർ​ദി​ച്ച​ത്. പൊ​ലീ​സി​നെ വി​വ​ര​മ​റി​യി​ച്ചി​ട്ടും മ​ണി​ക്കൂ​റു​ക​ൾ ക​ഴി​ഞ്ഞി​ട്ടും എ​ത്തി​യി​ല്ല.

സി​ജു​വി​ന് മ​ർ​ദ​ന​ത്തി​ൽ ക​ണ്ണി​ന് പ​രി​ക്കേ​റ്റു. ചു​ണ്ട് പൊ​ട്ടി. വ​യ​റി​ൽ ക​യ​റു​കൊ​ണ്ട് കെ​ട്ടി​യി​ട്ട പാ​ടു​ണ്ട്. അ​തു​വ​ഴി വ​ന്ന മ​റ്റൊ​രു വാ​ഹ​ന​ത്തി​ലെ യാ​ത്ര​ക്കാ​ർ ദേ​ഹ​മാ​സ​ക​ലം പ​രി​ക്കേ​റ്റ സി​ജു​വി​നെ അ​വ​രു​ടെ വാ​ഹ​ന​ത്തി​ൽ അ​ഗ​ളി സാ​മൂ​ഹി​ക ആ​രോ​ഗ്യ കേ​ന്ദ്ര​ത്തി​ൽ എ​ത്തി​ക്കു​ക​യാ​യി​രു​ന്നു. എ​ന്നാ​ൽ, ഡോ​ക്ട​ർ​മാ​ർ മ​രു​ന്ന് ന​ൽ​കി പ​റ​ഞ്ഞ​യ​ച്ചു.​

പി​ന്നീ​ട് തി​ങ്ക​ളാ​ഴ്ച വൈ​കു​ന്നേ​ര​മാ​ണ് കോ​ട്ട​ത്ത​റ താ​ലൂ​ക്ക് ആ​ശു​പ​ത്രി​യി​ൽ എ​ത്തി ഇ​വ​ർ അ​ഡ്മി​റ്റാ​കു​ന്ന​തും പു​റം​ലോ​കം അ​റി​യു​ന്ന​തും. പാ​ൽ ക​ല​ക്ഷ​ന് പോ​കു​ന്ന വാ​ഹ​നം കഴിഞ്ഞ ദിവസം പൊലീസ് ക​സ്റ്റ​ഡി​യി​ലെ​ടു​ത്തിരുന്നു. സംഭവത്തിൽ കേ​സെ​ടു​ത്ത അ​ഗ​ളി പൊ​ലീ​സിന്‍റെ അ​ന്വേ​ഷ​ണം പുരോഗമിക്കവെയാണ് പ്രതികൾ പിടിയിലാകുന്നത്.