ട്രാ​വ​ൽ വ്ലോ​ഗി​ൽ ക​ണ്ട വേ​ഷ​പ്ര​ച്ഛ​ന്ന​നാ​യ വ്യ​ക്തി സു​കു​മാ​ര​ക്കു​റു​പ്പെ​ന്ന് സംശയം; ക്രൈംബ്രാഞ്ച് വീണ്ടും അന്വേഷണത്തിന്

പ​ത്ത​നം​തി​ട്ട: പി​ടി​കി​ട്ടാ​പ്പു​ള്ളി സു​കു​മാ​ര​ക്കു​റു​പ്പി​നെ തേ​ടി ക്രൈം​ബ്രാ​ഞ്ച്​ വീ​ണ്ടും ഇ​റ​ങ്ങു​ന്നു. പ​ത്ത​നംതി​ട്ട വെ​ട്ടി​പ്പു​റം സ്വ​ദേ​ശി​യാ​യ റെ​ൻ​സിം ഇ​സ്​​മാ​യി​ലി​ന്റെ വെ​ളി​പ്പെ​ടു​ത്ത​ലി​നു പി​ന്നാ​ലെ​യാ​ണ് ക്രൈം​ബ്രാ​ഞ്ചി​ന്‍റെ അ​ന്വേ​ഷ​ണം.

ഇ​ത​ര സം​സ്ഥാ​ന​ങ്ങ​ളി​ലേ​ക്കും അ​ന്വേ​ഷ​ണം വ്യാ​പി​പ്പി​ക്കും. കാ​ഷാ​യ​വേ​ഷ​വും ന​ര​ച്ച​താ​ടി​യു​മു​ള്ള രുദ്രാ​ക്ഷ​മാ​ല അ​ണി​ഞ്ഞ്​ അ​ടു​ത്തി​ടെ ട്രാ​വ​ൽ വ്ലോ​ഗി​ൽ ക​ണ്ട വേ​ഷ​പ്ര​ച്ഛ​ന്ന​നാ​യ വ്യ​ക്തി സു​കു​മാ​ര​ക്കുറുപ്പെ​ന്ന് ഉ​റ​പ്പി​ക്കു​ക​യാ​ണ് ബി​വ​റേ​ജ​സ് ഷോ​പ് പ​ത്ത​നം​തി​ട്ട മാ​നേ​ജ​റാ​യ റെ​ൻ​സിം. ജ​നു​വ​രി​യി​ൽ മു​ഖ്യ​മ​ന്ത്രി​ക്ക​ട​ക്കം വി​വ​ര​ങ്ങ​ൾ കൈ​മാ​റി ഇ​ദ്ദേ​ഹം ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് അ​ന്വേ​ഷ​ണ​ത്തി​ന്​ ക്രൈം​ബാ​ഞ്ച്​ ഒ​രു​ങ്ങു​ന്ന​ത്.

ക​ഴി​ഞ്ഞ ദി​വ​സം പ​ത്ത​നം​തി​ട്ട​യി​ലെ​ത്തി​യ ക്രൈം​ബ്രാ​ഞ്ച് സം​ഘം റെ​ൻ​സി​യു​ടെ വി​ശ​ദ​മൊ​ഴി രേ​ഖ​പ്പെ​ടു​ത്തി. 2007ൽ ​ഇ​രു​വ​രും നേ​രി​ൽ​ക്ക​ണ്ട ഗു​ജ​റാ​ത്തി​ലെ ഈ​ഡ​ർ പ്ര​ദേ​ശം, ട്രാ​വ​ൽ​വ്ലോ​ഗ് ദൃ​ശ്യ​ങ്ങ​ളു​ടെ അ​ടി​സ്ഥാ​ന​ത്തി​ൽ ഹ​രി​ദ്വാ​ർ എ​ന്നി​വി​ട​ങ്ങ​ളി​ലേ​ക്ക് അ​ന്വേ​ഷ​ണം വ്യാ​പി​പ്പി​ക്കാ​നാ​ണ് ആ​ലോ​ച​ന. റെ​ൻ​സി ഈ​ഡ​റി​ൽ അ​ധ്യാ​പ​ക​നാ​യി ജോ​ലി ചെ​യ്യു​മ്പോ​ഴാ​ണ്​ അ​വി​ടെ ആ​ശ്ര​മ അ​ന്തേ​വാ​സി​യാ​യി​രു​ന്ന ശ​ങ്ക​ര​ഗി​രി എ​ന്ന സ്വാ​മി​യെ പ​രി​ച​യ​പ്പെ​ടു​ന്ന​ത്.

ഹി​ന്ദി​, ഇം​ഗ്ലീ​ഷ്,​ സം​സ്കൃ​തം, അ​റ​ബി, മ​ല​യാ​ളം ഭാ​ഷ​ക​ളും സ്വാ​മി​ക്ക്​ അ​റി​യാം. കാ​വി​മു​ണ്ടും ജു​ബ്ബ​യും നീ​ട്ടി​വ​ള​ർ​ത്തി​യ താ​ടി​യു​മാ​ണ്​ വേ​ഷം. പി​ന്നീ​ട്​ പ​ത്ര​ങ്ങ​ളി​ലും ചാ​ന​ലു​ക​ളി​ലും സു​കു​മാ​ര​ക്കു​റു​പ്പി​ന്റേ​താ​യി ചി​ത്ര​ങ്ങ​ൾ ക​ണ്ട​തോ​ടെ മു​മ്പ്​ ക​ണ്ട​ത് കു​റു​പ്പി​നെ​യാ​യി​രു​ന്നു​വെ​ന്ന സം​ശ​യം ഉ​ട​ലെ​ടു​ത്തു. അ​ന്നു​ത​ന്നെ വി​വ​ര​ങ്ങ​ൾ പൊ​ലീ​സി​ന്റെ ശ്ര​ദ്ധ​യി​ൽ കൊ​ണ്ടു​വ​ന്നെ​ങ്കി​ലും കാ​ര്യ​മാ​യ ന​ട​പ​ടി​ക​ൾ ഉ​ണ്ടാ​യി​ല്ലെ​ന്ന് റെ​ൻ​സിം പ​റ​യു​ന്നു. ട്രാ​വ​ൽ വ്ലോ​ഗ് ദൃ​ശ്യ​ങ്ങ​ൾ സു​കു​മാ​ര​ക്കു​റു​പ്പി​നെ അ​ടു​ത്ത​റി​യാ​വു​ന്ന പ​ല​രെ​യും കാ​ണി​ച്ച​താ​യി റെ​ൻ​സിം പ​റ​യു​ന്നു.

അ​വ​രി​ൽ പ​ല​രും ഇ​ത് സു​കു​മാ​ര​ക്കു​റു​പ്പാ​ണെ​ന്ന് സം​ശ​യം പ്ര​ക​ടി​പ്പി​ച്ച​താ​യി അ​ദ്ദേ​ഹം കൂ​ട്ടി​ച്ചേ​ർ​ത്തു. ആ​ശ്ര​മ മ​ഠാ​ധി​പ​തി​യും മ​ല​യാ​ളി​യാ​​ണെ​ന്ന സം​ശ​യം പ​റ​ഞ്ഞി​രു​ന്നു. 1984ൽ​ ​ചാ​ക്കോ എ​ന്ന ച​ല​ച്ചി​ത്ര വി​ത​ര​ണ ക​മ്പ​നി ജീ​വ​ന​ക്കാ​ര​നെ കൊ​ല​പ്പെ​ടു​ത്തി​യ കേ​സി​ൽ മാ​വേ​ലി​ക്ക​ര പൊ​ലീ​സ് സ്‌​റ്റേ​ഷ​നി​ലാ​ണ് കേ​സ് ര​ജി​സ്റ്റ​ർ ചെ​യ്ത​ത്. ഈ ​കേ​സി​പ്പോ​ൾ ക്രൈം​ബ്രാ​ഞ്ച് ആ​ല​പ്പു​ഴ യൂ​നി​റ്റാ​ണ് അ​ന്വേ​ഷി​ക്കു​ന്ന​ത്.