പൊ​ന്നു​വി​ള​യു​ന്ന കൃ​ഷി​ഭൂ​മി​യു​ടെ ഉ​ട​മ, ഇ​ന്ന് അ​ണ്ണ​യ്യ​ൻ ഓ​ട്ടോ തൊ​ഴി​ലാ​ളി

മേ​പ്പാ​ടി പ​ഞ്ചാ​യ​ത്തി​ലെ പ​ത്താം വാ​ർ​ഡി​ൽ ര​ണ്ടേ​ക്ക​ർ കൃ​ഷി​ഭൂ​മി​യു​ടെ ഉ​ട​മ​യാ​യി​രു​ന്നു അ​ണ്ണ​യ്യ​ൻ. ചൂ​ര​ൽ​മ​ല സെൻറി​ന​ൽ റോ​ക്ക് എ​സ്റ്റേ​റ്റി​ൽ സൂ​പ്പ​ർ​വൈ​സ​റാ​യി​രു​ന്നു. ജോ​ലി​യി​ൽ നി​ന്നും പി​രി​ഞ്ഞ​തി​ൽ പി​ന്നെ കൃ​ഷി പ​രി​പാ​ലി​ച്ചു. വ​ർ​ഷ​ത്തി​ൽ ല​ക്ഷ​ങ്ങ​ൾ വ​രു​മാ​നം കി​ട്ടി​യി​രു​ന്ന കാ​പ്പി, കു​രു​മു​ള​ക്, അ​ട​ക്ക, വെ​ണ്ണ​പ്പ​ഴം കൃ​ഷി​ക​ൾ.

സെ​ന്റി​ന് ര​ണ്ട​ര ല​ക്ഷം രൂ​പ വ​രെ ഈ ​ഭൂ​മി​ക്ക് വി​ല​പ​റ​ഞ്ഞി​രു​ന്നു. നേ​രം ഇ​രു​ട്ടി​വെ​ളു​ക്കും​മു​മ്പേ എ​ല്ലാം ഉ​രു​ളെ​ടു​ത്ത​പ്പോ​ൾ അ​ണ്ണ​യ്യ​ൻ ഇ​ന്ന് ക​ൽ​പ​റ്റ​യി​ൽ ഓ​ട്ടോ​റി​ക്ഷ തൊ​ഴി​ലാ​ളി​യാ​ണ്. സ​ന്ന​ദ്ധ​സം​ഘ​ട​ന ന​ൽ​കി​യ​താ​ണ് ഓ​ട്ടോ​റി​ക്ഷ. വീ​ട്ടി​ലെ വ​ള​ർ​ത്തു​നാ​യ് അ​സാ​ധാ​ര​ണ​മാ​യി പെ​രു​മാ​റി​യ​തു​ക​ണ്ട് ജൂ​ലൈ 29ന് ​വൈ​കീ​ട്ട് ആ​റു​മ​ണി​യോ​ടെ അ​ണ്ണ​യ്യ​നും കു​ടും​ബ​വും മാ​റി ത്താ​മ​സി​ച്ച​തി​നാ​ലാ​ണ് ജീ​വ​ൻ തി​രി​ച്ചു​കി​ട്ടി​യ​ത്.

ര​ണ്ടേ​ക്ക​ർ ഭൂ​മി​യി​ലും മ​ര​ത്ത​ടി​ക​ൾ അ​ടി​ഞ്ഞു​കൂ​ടി ഇ​പ്പോ​ൾ ഒ​ന്നി​നും പ​റ്റി​ല്ല. ഒ​ന്നു​കി​ൽ ഭൂ​മി സ​ർ​ക്കാ​ർ എ​ടു​ത്ത് ന​ഷ്ട​പ​രി​ഹാ​രം ന​ൽ​ക​ണം. അ​ല്ലെ​ങ്കി​ൽ നോ ​ഗോ സോ​ൺ പ​രി​ധി​യി​ൽ നി​ന്ന് മാ​റ്റി കൃ​ഷി ചെ​യ്യാ​നു​ള്ള സൗ​ക​ര്യ​മൊ​രു​ക്ക​ണം. എ​ന്നാ​ൽ, എ​ല്ലാ​യി​ട​ത്തു​നി​ന്നും നീ​തി അ​ക​ന്നു. ഇ​പ്പോ​ൾ ഹൈ​കോ​ട​തി​യി​ൽ കേ​സ് ന​ൽ​കി​യി​രി​ക്കു​ക​യാ​ണ് ഈ ​മ​നു​ഷ്യ​ൻ. ദു​ര​ന്ത​ത്തി​ൽ ഭൂ​മി ന​ഷ്ട​പ്പെ​ട്ട​വ​രു​ടെ പ്ര​തി​നി​ധി​യാ​ണി​ദ്ദേ​ഹം.