സർ സയ്യിദ് അഹമ്മദ് ഖാൻ ദീർഘദർശിയായ വിദ്യാഭ്യാസ പ്രവർത്തകൻ -മന്ത്രി ജനീഷ്
text_fields
അലിഗഢ് മുസ്‍ലിം സർവകലാശാല ഓൾഡ് സ്റ്റുഡന്റ്സ് അസോസിയേഷന്റെ കേരള ചാപ്റ്റർ സംഘടിപ്പിച്ച സർ സയ്യിദ് ദിനാചരണവും പൂർവ്വ വിദ്യാർഥി സംഗമവും സംസ്ഥാന കായിക-യുവജനക്ഷേമ വകുപ്പ് മന്ത്രി അഡ്വ. ഒ.ജെ. ജനീഷ് ഉദ്ഘാടനം ചെയ്യുന്നു
കൊടുങ്ങല്ലൂർ: സർ സയ്യിദ് അഹമ്മദ് ഖാൻ ബൗദ്ധിക ബോധവത്കരണത്തിലൂടെയാണ് സമൂഹത്തിന്റെ പുരോഗതി ആരംഭിക്കുന്നതെന്ന് മനസ്സിലാക്കിയ ദീർഘദർശിയായിരുന്നുവെന്ന് കായിക-യുവജന മന്ത്രി അഡ്വ. ഒ.ജെ. ജനീഷ്. അലിഗഢ് മുസ്‍ലിം സർവകലാശാല സ്ഥാപകൻ സർ സയ്യിദ് അഹമ്മദ് ഖാന്റെ ജന്മദിനത്തോടനുബന്ധിച്ച് അലിഗഢ് ഓൾഡ് സ്റ്റുഡന്റ്സ് അസോസിയേഷൻ കേരള ചാപ്റ്റർ സംഘടിപ്പിച്ച സർ സയ്യിദ് ദിനാചരണവും അലിഗഢ് സർവകലാശാലയിൽ പഠിച്ചവരുടെ സംഗമവും ഉദ്ഘാടനം ചെയ്യുകയായിരുന്നു അദ്ദേഹം.
കൊടുങ്ങല്ലൂരിൽ നടന്ന പരിപാടിയിൽ സി.പി. മുഹമ്മദ് ചാരിറ്റബിൾ ട്രസ്റ്റ് ചെയർമാൻ സി.പി. സാലിഹ് വിശിഷ്ടാതിഥിയായിരുന്നു. പൂർവ വിദ്യാർഥി സംഘടന പ്രസിഡന്റ് ക്യാപ്റ്റൻ (ഡോ.) അബ്ദുൽ ഹമീദ് അധ്യക്ഷത വഹിച്ചു.
പ്രസിഡന്റ് ഡോ. എം.കെ. മുഹമ്മദ് അസ്ലം, സെക്രട്ടറി എ.കെ. അബ്ദുസ്സമദ്
കൺവീനർ എ.കെ. അബ്ദുസമദ് സ്വാഗതം പറഞ്ഞു. സെക്രട്ടറി ജലീൽ മാസ്റ്റർ കോഡൂർ റിപ്പോർട്ട് അവതരിപ്പിച്ചു. അലിഗഢ് സർവകലാശാല മലപ്പുറം കേന്ദ്രം മുൻ ഡയറക്ടറും കൊച്ചി സർവകലാശാലയിലെ മാനേജ്മെന്റ് വിഭാഗം പ്രഫസറുമായ ഡോ. കെ.എ. സകരിയ്യ സർ സയ്യിദ് അനുസ്മരണ പ്രഭാഷണം നടത്തി. അലിഗഢ് പൂർവ വിദ്യാർഥികളായ മുൻ വിദ്യാഭ്യാസ മന്ത്രി പി.കെ. അബ്ദുറബ്ബ്, പ്രഫ. കെ.കെ. ആബിദ് ഹുസൈൻ തങ്ങൾ എം.എൽ.എ, മാപ്പിള കലാ അക്കാദമി ചെയർമാൻ ഡോ. ഹുസൈൻ രണ്ടത്താണി, മണപ്പാട്ട് ഗ്രൂപ്പ് ഓഫ് കമ്പനീസ് ചെയർമാൻ അമീർ അഹമ്മദ് എന്നിവർ സംസാരിച്ചു.
നസീറുദ്ദീൻ മഞ്ഞലിയുടെ ഏകോപനത്തിൽ തയാറാക്കപ്പെട്ട സുവനീർ മന്ത്രി ഒ.ജെ. ജനീഷ് പ്രകാശനം ചെയ്തു. മരിച്ചുപോയ മുൻ വിദ്യാർഥികളെ അസോസിയേഷൻ മുൻ പ്രസിഡന്റ് എം. അയ്യൂബ് അനുസ്മരിച്ചു. ഡോ. മുഹമ്മദ് ഷാഫി പ്രാർഥന നിർവഹിച്ചു. മികച്ച സ്വാശ്രയ മാനേജ്മെന്റ് സ്ഥാപനമായി തെരഞ്ഞെടുക്കപ്പെട്ട ഫാറൂഖ് ഇൻസ്റ്റിറ്റ്യൂട്ട് ഓഫ് മാനേജ്മെന്റ് സ്റ്റഡീസിനുള്ള അവാർഡ് ഡയറക്ടർ ഡോ. അഹമ്മദ് റിയാസ് ഏറ്റുവാങ്ങി. ഇന്ത്യയിലെ മികച്ച സ്ഥാപനങ്ങളിൽ പ്രവേശനം നേടിയതടക്കം വിവിധ അക്കാദമിക നേട്ടങ്ങൾ കൈവരിച്ചവർക്കും മറ്റും സർ സയ്യിദ് മെറിറ്റ് അവാർഡ് മന്ത്രി വിതരണം ചെയ്തു.
സംവാദത്തിൽ പി.വി. അഹമ്മദ് കുട്ടി ആമുഖ പ്രസംഗം നടത്തി. അസോസിയേഷൻ പ്രസിഡന്റ് ക്യാപ്റ്റൻ (ഡോ.) അബ്ദുൽ ഹമീദിന്റെ അധ്യക്ഷതയിൽ നടന്ന ജനറൽ ബോഡി യോഗം പുതിയ ഭാരവാഹികളെ തെരഞ്ഞെടുത്തു. ഭാരവാഹികൾ: ഡോ. എം.കെ. മുഹമ്മദ് അസ്ലം (പ്രസി.), എ.കെ. അബ്ദുസമദ് (സെക്ര.), ഡോ. കെ.എം. മുഹമ്മദ് നാസർ, നസീറുദ്ദീൻ മഞ്ഞലി (വൈസ്. പ്രസി.), അഫ്സൽ മുസ്രിഫി, ഷാഹുൽ ഹമീദ് (ജോ. സെക്ര.), എം.കെ. മുഹമ്മദ് (ട്രഷ.).