കോട്ടയത്ത്​ കാണാതായ ദമ്പതികൾക്കായി വീണ്ടും അന്വേഷണം

കുമ്മനം: മാസങ്ങൾക്ക്​ മുമ്പ്​ കോട്ടയം കുമ്മനത്തു നിന്ന്​ അപ്രത്യക്ഷരായ ദമ്പതികൾക്ക്​ വേണ്ടിയുള്ള അന്വേഷണം വീണ്ടും ആരംഭിച്ചു. അ​റു​പ​റ ഒ​റ്റ​ക്ക​ണ്ട​ത്തി​ൽ ഹാ​ഷിം (42), ഭാ​ര്യ ഹ​ബീ​ബ (37) എ​ന്നി​വ​രെ ഏ​പ്രി​ൽ ആ​റി​നാ​ണ്​ കാ​ണാ​താ​യ​ത്. ഇവർക്കായി ഇടുക്കി, കോട്ടയം ജില്ലകളിലെ വിവിധ പ്രദേശങ്ങളിലും കായലുകളിലും മീനച്ചിലാറ്റിലും  തെരച്ചിൽ നടത്തിയിരുന്നെങ്കിലും ക​െണ്ടത്താനായിരുന്നില്ല. തുർന്ന്​ അന്വേഷണം നിലച്ച മട്ടായിരുന്നു. 

ഹാഷിമി​​െൻറ മാതാപിതാക്കൾ മുഖ്യമന്ത്രി പിണറായി വിജയന്​ ഇതു സംബന്ധിച്ച്​ വീണ്ടും പരാതി നൽകിയിരുന്നു. തുടർന്നാണ്​ കോട്ടയം ജില്ലാ പൊലീസ്​ ​േമധാവി വി.എം. മുഹമ്മദ്​ റഫീഖി​​െൻറ നേതൃത്വത്തിൽ പൊലീസ്​ പരിശോധന തുടങ്ങിയത്​. കായലി​​െൻറ അടിത്തട്ടുവരെ ചെന്നെത്തുന്ന അത്യാധുനിക കാമറ സംവിധാനങ്ങൾ ഉപയോഗിച്ചാണ്​ പരിശോധന. കോട്ടയം കുമരകം ബോട്ടു ജെട്ടിയിൽ നിന്നാരംഭിച്ച പരിശോധന വേമ്പനാട്ടു കായലിലേക്കും സമീപത്തെ കനാലുകളിലേക്കും നീളും.

ഏ​പ്രി​ൽ ആ​റി​ന്​ രാ​ത്രി ഭ​ക്ഷ​ണം വാ​ങ്ങാ​നാ​യി  കാ​റി​ൽ പു​റ​ത്തു​പോ​യ ദമ്പതി​കളെക്കു​റി​ച്ച്​ പി​ന്നീ​ട്​ വി​വ​ര​മൊ​ന്നും ഇ​ല്ലാ​താ​കു​ക​യാ​യി​രു​ന്നു.